Natiq Əliyev
| Natiq Əliyev Natiq Ağaəmi oğlu Əliyev |
||||
 |
||||
|
||||
|---|---|---|---|---|
| 9 dekabr 2005 — indiyə kimi | ||||
| Sələfi: | Məcid Kərimov | |||
|
||||
| 9 avqust 1993 — 9 dekabr 2005 | ||||
| Sələfi: | Sabit Bağırov | |||
| Xələfi: | Rövnəq Abdullayev | |||
| Təvəllüdü: | 23 noyabr 1947-ci il Bakı şəhəri |
|||
Natiq Əliyev – Azərbaycan Respublikasının Sənaye və Energetika naziri
[redaktə] Həyatı
Əliyev Natiq Ağaəmi oğlu 1947-ci il noyabrın 23-də Azərbaycan Respublikasının Bakı şəhərində anadan olmuşdur. 1965-ci ildə orta məktəbi, 1970-ci ildə M.Əzizbəyov adına Azərbaycan Neft və Kimya İnstitutunu dağ mühəndis-geoloqu İxtisası üzrə bitirmişdir. İnstitutu bitirdikdən sonra "Xəzərdənizneftqazsənaye" Ümumittifaq İstehsalat Birliyinin "Azdənizneftkəşfiyyat" trestində, Kompleks dəniz geoloji-kəşfiyyat kontorunda işləmişdir.
N.A.Əliyev 1971-ci ildən Azərbaycan Elmlər Akademiyasının Geologiya İnstitutunun aspiranturasında təhsil almış, 1974-cü ildən geologiya-mineralogiya elmləri namizədidir, böyük elmi işçi vəzifəsində işləmişdir.
1979-cu ildə "Xəzərdənizneftqazsənaye" Ümumittifaq İstehsalat Birliyinin Kompleks dəniz geoloji-kəşfiyyat kontorunda geologiya şöbəsinin rəisi vəzifəsinə təyin olunmuşdur.
1984-cü ildən Azərbaycan Respublikası Kommunist Partiyası Mərkəzi Komitəsinin aparatında neft və kimya şöbəsində təlimatçı, sonra isə sosial-iqtisadi inkişaf şöbəsinin bölmə müdiri vəzifələrində işləmişdir.
1993-cü ildən 2005-ci ilə qədər Azərbaycan Respublikası Dövlət Neft Şirkətinin Prezidenti və Direktorlar Şurasının sədri idi. 1994-cü ildən Azəri-Çıraq-Günəşli yataqlarının işlənməsi üzrə layihənin Rəhbər Komitəsinin sədri, 2002-ci ildən Bakı-Tbilisi-Ceyhan Şirkətinin (BTC Ko). Direktorlar Şurasının Sədri olmuşdur. 2005-ci ildə Azərbaycan neftçilər konqresinin prezidenti seçilmişdir.
Azərbaycan Respublikası Prezidentinin 9 dekabr 2005-ci il tarixli Sərəncamı ilə Azərbaycan Respublikasının Sənaye və Energetika naziri vəzifəsinə təyin olunub.
N.A.Əliyevin 100-dən artıq elmi işi, məqaləsi, kitabı dərc olunmuşdur. O, Beynəlxalq Şərq Neft Akademiyasının akademikidir, 2008-ci ildən iqtisad elmləri doktorudur.
N.A.Əliyev 2008-ci ildə Beynəlxalq Mühəndislik Akademiyasının (Rusiya Federasiyası, Moskva) müxbir üzvü seçilmişdir. Azərbaycan Milli Elmlər Akademiyasının Rəyasət Heyətinin 18 noyabr 2009-cu il tarixli qərarı ilə N.A.Əliyev Respublika Elmi Tədqiqatların Təşkili və Əlaqələndirilməsi Şurasının üzvüdür.
Neft sənayesinin inkişafında xidmətlərinə görə Azərbaycan Respublikası "Şöhrət" ordeni, Azərbaycan Respublikasının "Əməkdar mühəndis" fəxri adı, Gürcüstanın "Şərəf" ordeni, Fransanın "Milli Fəxri Legion" ordeni, Polşanın "Böyük Komandor Xaçı" Ordeni, Beynəlxalq Akademiyaların orden və medalları ilə təltif olunmuşdur.
Ailəlidir, bir oğlu var.
