Nazim Babayev (milli qəhrəman)

Nazim Babayev
Nazim Abbas oğlu Babayev
Şəxsi məlumatlar
Doğum tarixi	7 fevral 1975
Doğum yeri	Qaraçala, Salyan rayonu, Azərbaycan SSR, SSRİ
Vəfat tarixi	15 mart 1995 (20 yaşında)
Vəfat yeri	Bakı, Azərbaycan
Vəfat səbəbi	şəhid
Dəfn yeri	Qaraçala, Salyan rayonu, Azərbaycan
Vətəndaşlığı	SSRİ→ Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru qoşunları
Xidmət illəri	1993-1995
Rütbəsi	Əsgər
Döyüşlər	Qarabağ müharibəsi
Təltifləri

Nazim Abbas oğlu Babayev — Azərbaycanın Milli Qəhrəmanı, Qarabağ müharibəsi zamanı xüsusi fəallıq göstərmiş, Mart hadisələri zamanı dövlətçiliyimiz, suverenliyimiz uğrunda ömrünü qurban verərək şəhidlik zirvəsini fəth etmiş fateh.

Həyatı

Nazim Babayev 7 fevral 1975-ci ildə [[Salyan rayonu Qaraçala qəsəbəsində anadan olmuşdur. 1992-ci ildə Salyan rayonu Aydıngün (indiki S. Qurbanov adına Yeni Uluxanlı) kənd tam orta məktəbini bitirir. 1993-cü ildə Milli Orduya çağırılır.

Döyüşlərdə iştirakı

Nazim Babayev torpaqlarımız uğrunda gedən döyüşlərdə iştirak etmək üçün cəbhəyə yollanır. Nazim Füzuli, Tərtər bölgəsində vuruşmuşdur. 1995-ci il mart hadisələri zamanı gənc Nazim silahlı dəstələrin tərksilah edilməsində iştirak etmiçş və 15 mart 1995-ci il qardaş gülləsindən həlak oldu.

Subay idi.

Milli Qəhrəman

Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Babayev Nazim Abbas oğluna ölümündən sonra "Azərbaycanın Milli Qəhrəmanı" adına layiq görülmüşdür.

Salyan rayonu Qaraçala Şəhidlər Xiyabanında dəfn edilmişdir.

Xatirəsi

Qaraçala qəsəbəsi Şəhidlər xiyabanında dəfn edilmişdir. Salyan şəhərindəki küçələrdən biri onun adını daşıyır. Salyan şəhər parkında büstü qoyulmuşdur.

Ədəbiyyat

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 48.