Nazim Poluxov

Vikipediya, azad ensiklopediya
Naviqasiyaya keçin Axtarışa keçin
Nazim Poluxov
Nazim Şamil oğlu Poluxov
Doğum tarixi (63 yaş)
Doğum yeri Sadaxlı, Borçalı, Gürcüstan
Fəaliyyəti mühəndis

Nazim Şamil oğlu Poluxov (22 mart 1960, Sadaxlı, Marneuli rayonu) — Azərbaycan inşaatçısı, texnika üzrə fəlsəfə doktoru (2006).

Həyatı[redaktə | mənbəni redaktə et]

Nazim Poluxov 1960-cı il martın 22-də Gürcüstanın Marneuli rayonunun Sadaxlı kəndində anadan olmuşdur. 1977-ci ildə kənd orta məktəbini, 1982-ci ildə Azərbaycan İnşaat Mühəndisləri İnstitutunun inşaat fakültəsini bitirmişdir. 1982–1994-cü illərdə "Bakıdövlətlayihə" İnstitutda müxtəlif mühəndis vəzifələrində işləmişdir.

1994-cü ildən başlayaraq müxtəlif özəl şirkətlərdə mühəndis vəzifələrində işləmişdir. Azərbaycanda tikilən yüzlərlə yüksəkmərtəbəli yaşayış binalarının və ictimai təyinatlı binaların konstruktiv layihələrinin müəllifidir. Bakı şəhərində C. Cabbarlı küçəsində ilk dəfə ən dərin — 5 mərtəbəli yeraltı avtomobil dayanacağı olan 18 mərtəbəli inzibati binanın konstruktiv layihəsinin müəllifidir.

2006-cı ildə "Dəmir-beton yatıq qabıqların kontur konstruksiyaların sərtliyindən asılı olaraq zəlzələyə davamlılığının tədqiqi" mövzusunda namizədlik dissertasiyasını müdafiə edib texnika elmləri namizədi alimlik dərəcəsi alımışdır[1]. Onlarla elmi məqalələrin müəllifidir.

2008-ci ildən "Bakı Dövlət Layihə Institutu"nun baş konstruktorudur[2].

İstinadlar[redaktə | mənbəni redaktə et]

Mənbələr[redaktə | mənbəni redaktə et]

  1. İlyas Adıgözəlli."Borçalının Sadaxlı dünyası". Bakı, 2014, səhifə 300–302.
  2. İlqar İsbatov, Elçin Əliyev."Bakı Dövlət Layihə İnstitutu". Bakı,2012, səhifə 290.
  3. Bəhram İbrahimov, Zərbalı Mirzə. "Azərbaycan Tikinti Kompleksinin Ensiklopediyası". Bakı,2014, səhifə 156–160.