Nehrəm

NEHRƏM
Xəritə
Babək rayonu
Məlumatlar
Koordinatlar
İnzibati İdarə
Ölkə	Azərbaycan
Rayon	Babək (rayon)

Nehrəm – Azərbaycanın Naxçıvan Muxtar Respublikasının Babək rayonunda kənd.

Nehrəm kəndi Naxçıvan MR-in ən böyük kəndlərindən biridir. Kənd yazılı mənbələrdə bəzən Nehrəm, Nehrem və ya Nehram kimi göstərilmişdir. Kəndin tarixi çox qədimdir. Kənd Araz çayının sol sahilində yerləşir. Əhalisinin sayı 2002-ci ildə aparılan siyahıya almaya görə 11 784 nəfər təşkil edir. Əhali taxılçılıq, üzümçülük, heyvandarlıq, bostançılıq və tərəvəzçiliklə məşğuldur.

Nehrəmdəki İmamzadə türbəsi

Nehrəm kəndində uç orta, bir əsas, bir texniki peşə məktəbi, bir məktəblilər evi, musiqi məktəbi, dörd kitabxana, klub, mədəniyyət evi, kənd sahə xəstəxanası, doğum evi, poçt, rabitə şöbəsi, uşaq bağçası var. Altı məscid fəaliyyət gostərir. 4.3 km məsafədən kəndə içməli su kəməri çəkilmişdir. Yaxınlığında gəc sexləri var.

Kənddəki İmamzadə piri qədim tarixə malikdir.

Cəlil Məmmədquluzadə Nehrəm kəndində

1885-ci ildə Nehrəmdə ilk dünyəvi məktəb açılmışdir. Cəlil Məmmədquluzadə yeddi ildən çox (15 yanvar 1890 – 10 iyul 1897) Nehrəm məktəbində müəllim və nəzarətçi işləmiş, yerli əkinçilərin əməyini yüngülləşdirmək məqsədilə 1893-cu ildə Tiflisdəki "Ekker" firmasından kəndə ilk dəmir kotan gətirməyə nail olmuşdur. Yazıçı "Kişmiş oyunu" (1892), "Danabaş kəndinin əhvalatları"(1894), "Danabaş kəndinin məktəbi" (1896) əsərlərini burda yazmış, mahalda ilk dəfə olaraq qızları təhsilə cəlb etmiş və məktəb-tarix diyarşünaslıq muzeyi yaratmışdır. C. Məmmədquluzadə 1896-cı ildə bu kənddən olan Həlimə Nağı qızı ilə ailə həyatı qurmuşdur. Bu nikahdan yazıçının birinci övladı Münəvvər Məmmədquluzadə dünyaya gəlmişdir.

Kərim bəy İsmayılov Nehrəm haqqında

Maarif xadimi Kərim bəy İsmayılov "Sbornik materialov dlya opisaniya mestnostey i plemyon Kafkaza" toplusunda dərc olunmuş yazısında Nehrəm kəndinin ərazisi, coğrafi şəraiti, iqlimi, fauna və florası, adının etimologiyasi, tikililəri, suvarma sistemi, əhalisinin məşğuliyyəti, adət-ənənələri, dini ayinləri, bayramları və s. haqqında məlumat vermişdir.

Həmçinin bax

• Hüseyn Bağıroğlu — şair.
• Cəfər Axundov
• Heydər Vəzirov (I)
• Əli Səbri Qasımov - (1892-1983), Zaqafqaziya (Qori) Müəllimlər Seminariyasının məzunu, pedaqoq, yazıçı, jurnalist, tərcüməçi.