Neolit dövrü

Neolit dövrü - yeni daş dövrü, təqribən 11-12 min il əvvəl başladı. Bu termini İngilis bioloqu və arxeoloqu John Lubbock (1834-1913) özünün 1865-ci ildə işıq üzü görmüş "Pre-historic Times" ("Tarixöncəsi zamanlar") adlı kitabında daxil (kəşf) edib.

Daş dövrünün sonu hesab olunan neolit dövrü ən azı Yaxın Şərqdə əkinçiliyin və heyvandarlığın yayılması ilə müşahidə olunur. Müxtəlif insan tipləri aradan çıxıb öz yerlərini vahid insan tipinə, bu günkü insanın birbaşa sələfinə verdilər.

Bu dövr keramikanın meydana çıxması ilə xarakterizə olunur. İnsan həyatına balıqçılıq və toxuculuq daxil oldu.

İnsan geniş ərazilərə yayıldı, şəhərlər əmələ gəldi.

Neolitin sonunda metal əmək alətləri və silahlar meydana çıxdı. Peşəkar ordunun yaradılması və istifadəsi də Neoliti səciyyələndirən cəhətlərdən biridir.