Nikolaus Otto

Vikipediya, açıq ensiklopediya
Keçid et: naviqasiya, axtar
NİKOLAUS OTTO
Nicolaus-August-Otto.jpg
Doğum tarixi: 10 iyun 1832(1832-06-10)
Doğum yeri: Holtshausen, Almaniya
Vəfatı: 26 yanvar 1891 (58 yaşında)
Vəfat yeri: Köln, Almaniya

Nikolaus Otto (almanca Nicolaus August Otto) — alman mühəndisi və ixtiraçısı olmuşdur. Öz məşhur ixtirası Otto mühərriki ilə dünyada tanınmışdır. Heç bir ali təhsili olmasına baxmayaraq ona fəxri doktor adı verilmişdir.

Ailəsi[redaktə]

Otto bir kəndçiailəsində anadan olmuşdur. Atası kəndə post xidmətində çalışırdı. O ticarətçi peşəsinə yiyələnir və çörək pulunu Frankfurt am Main və Kölndə yardımçı işi ilə qazanır. Otto Anna Qosi ilə evli olur. Onun oğlu Qustav Otto sonralar təyyarə mühəndisi olur.

İxtiraları[redaktə]

1862-ci ildə Otto ilk dəfə olaraq dördtaktlı mühərrik üzərində sınaqlar aparmağa başlayır. 1876-cı ildə onun bu mühərriki tətbiq olunur. 1863-cü ildə Otto ilk dəfə olaraq qaz mühərrikini yaradır.

1864-cü ildə o mühəndis Eyqen Lanqen ilə birlikdə dünyada ilk mühərrik fabrikini„N.A.Otto Cie" və sonra qaz mühərrikləri fabrikini („Gasmotorenfabrik Deutz" hal-hazırda Deutz AG)təşkil edirlər. 1876-cı ildə Otto və Eyqenə dördtaktlı mühərriki düzəltmək nəsib olur. Bu mühərrik bu gün geniş tətbiq tapmış benzinlə işləyən daxili yanma mühərrikinin əsasını təşkil edir. Ona görə də, ona çox vaxt Otto -mühərriki də deyilir.

1867-ci ildə Parisdə keçirilən Dünya sərgisində Otto özünün qaz mühərrikini nümayiş etdirir. Bu mühərrik porşenlə təchiz olunmuş, öz hərəkətini qol ilə ötürə bilirdi.Yeni mühərrik o dövrə qədər məlum olan mühərriklərin işlədikləri yanacağın yalnız 30%-ni işlədirdi. Bu mühərrik sərgidə qızıl medala layiq görülür.

Otto mühərrikinin tətbiqinə vaşlayandan sonra 1876-cı ilə qədər artıq 5000 ədəd satılmış idi. 1884-cü ildə Otto qaz mühərriki üçün elektrik alışqanı ixtira edir. Bundan sonra mühərriklərdə maye yanacaqlardan da istifadə olunmasına şərait yaranır.

Qaz mühərriki,1876

Mənbə[redaktə]

  • Nicolaus August Otto. Der Schöpfer des Verbrennungsmotors.Verlag:Franckh,Stuttgart,1949
  • Nicolaus August Otto, Rudolf Diesel.Verlag:Teubner,Leipzig,1990.
  • Rezo Əliyev. Maşınqayırmanın tarixinə dair. Bakı"Təhsil" NPM, 2008, 542 s.

Həmçinin bax[redaktə]

Xarici keçidlər[redaktə]


Bu məqalənin azərbaycan dili əlifbasının ərəb qrafikası ilə qarşılığı vardır. Bax: نیکولاوس اوتو