Niyazi İsayev
| Niyazi İsayev | |
|---|---|
| İsayev Niyazi İbad oğlu | |
| Doğum tarixi | |
| Doğum yeri | Basarkeçər rayonu, Zərkənd |
| Elmi dərəcəsi | tibb elmləri namizədi (2004) |
Niyazi İsayev (İsayev Niyazi İbad oğlu; 1962) — tibb elmləri namizədi (2004)
Həyatı[redaktə | mənbəni redaktə et]
İsayev Niyazi İbad oğlu 1962-ci ildə Göyçə mahalının Basarkeçər bölgəsinin Zərkənd kəndində dünyaya gəlib. O, 1990-cı ildə Nəriman Nərimanov adına Tibb Universitetini fərqlənmə diplomu ilə bitirmiş, 1992-ci ildə Azərbaycan Ordusunda həkim kimi hərbi xidmətə başlayaraq leytenant rütbəsi almışdır. O, neçə-neçə yaralını ölüm pəncəsindən qurtararaq peşəsinə və vətənə bağlılığını öz bacarıq və işi ilə göstərib.
Niyazi İsayev 1992–1993-cü illərdə Hərbi Dəniz Hospitalında cərrah işləmiş, 1994-cü ildən Müdafiə Nazirliyinin Mərkəzi Klinik Hospitalında Cərrahiyyə şöbəsində baş ordinator işləyib.
2003-cü ildə Ümumdünya Onkoloqlar qurultayının iştirakçısı olmuşdur.
2004-cü ildə namizədlik dissertasiyası müdafiə edərək tibb elmləri namizədi, alimlik dərəcəsi almışdır. 2009-cu ildə Türkiyənin Ankara şəhərində yerləşən Gülhane Hərbi Tibb Akademiyasında "Mikrocərrahiyyə" kurslarında iştirak etmiş və Mikrocərrahiyyə üzrə dünya sertifikatı almışdır.
2012-ci ildə Türkiyənin İzmir şəhərində Neyrocərrahiyyə üzrə beynəlxalq konfransda iştirak etmiş və Azərbaycan təmsilçisi kimi çıxış etmişdir.
2016-cı ildə "Hərbi xidmətdə fərqlənmə" medalı ilə təltif olunmuşdur.
2009-cu ildən Azərbaycan Tibb Universitetinin Hərbi Tibb fakültəsi Cərrahiyyə kafedrasının müəllimi, 2013-cü ildən isə Cərrahiyyə kafedrası müdiri vəzifəsində işləyir. Hərbi rütbəsi polkovnikdir.