Nofəl Vəliyev
| Nofəl Vəliyev | |
|---|---|
| Nofəl Abdulməcid oğlu Vəliyev | |
| Doğum adı | Nofəl Abdulməcid oğlu Vəliyev |
| Doğum tarixi | |
| Doğum yeri | Göyçay, Azərbaycan SSR, SSRİ |
| Milliyyəti | azərbaycanlı |
| Vətəndaşlığı |
 SSRİ→ Azərbaycan |
| Həyat yoldaşı | Leyli Vəliyeva |
| Atası | Abdulməcid Vəliyev |
| Fəaliyyəti |
aktyor rejissor |
| Mükafatları |
  |
Nofəl Vəliyev (tam adı: Nofəl Abdulməcid oğlu Vəliyev; 20 yanvar 1973, Göyçay — Azərbaycan aktyoru, teatr rejissoru, Azərbaycanın əməkdar artisti. Qabaqcıl təhsil işçisi (2023)
Həyatı[redaktə | mənbəni redaktə et]
Nofəl Vəliyev 20 yanvar 1973-cü ildə Göyçayda anadan olmuşdur. 1979-cu ildə orta məktəbə daxil olmuşdur. 1994-cü ildə Azərbaycan Dövlət Mədəniyyət və İncəsənət Universitetinin "Dram və kino aktyorluğu" fakültəsini bitirib. 1991-ci ildən Bakı Kamera Teatrının, 2009-cu il oktyabr ayının 1-dən Azərbaycan Dövlət Gənc Tamaşaçılar teatrının aktyorudur. 2006-cı ildə Rusiya Federasiyası Staraya Russa şəhərində keçirilən Dostoyevski adına Beynəlxalq Festivalın laureatıdır. N. Vəliyev bir neçə televiziya tamaşalarında və telefilmlərdə çəkilmişdir.
Dram və kino aktyoru kimi film, reklam və kliplərə çəkilir. Televiziya filmlərində kadrarxası mətn oxuyur. Evlidir.
Mükafatları[redaktə | mənbəni redaktə et]
2002-ci ildə N.Vəliyev "Əməkdar artist" fəxri adı ilə təltif edilmişdir.
2015-ci ildə Türkiyədə məşhur kino və teatr aktyorlarının iştirakı ilə təşkil edilən yay məktəbinin yekununda Nofəl Vəliyevin hazırladığı "Qaçaq qocalar" tamaşası "Ən yaxşı rejissor işi" nominasiyasında mükafata layiq görülüb.[1] 19 noyabr 2015-ci ildə Türkiyənin nüfuzlu "XV Direklerarası Seyirci Ödülləri"nin təqdimat mərasimində "Ən yaxşı rejissor" mükafatına layiq görülmüşdür.[2]
10 may 2019-cu ildə[3], 7 may 2020-ci ildə[4] və 7 may 2021-ci ildə[5] Prezident Mükafatına layiq görülmüşdür.
2023-cü ildə Elm və Təhsil nazirinin müvafiq əmrinə əsasən Azərbaycan Respublikası qabaqcıl təhsil işçisi döş nişanı ilə təltif edilib.
Teatr səhnəsindəki rolları[redaktə | mənbəni redaktə et]
- Məhəmmədhəsən əmi – ("Məkkəyə yol", C. Məmmədquluzadə)
- Şahbaz, Müsyo Jordan - («Hekayəti Müsyö Jordan və dərviş Məstəli şah», M. F. Axundov)
- Namaz - («Hekayəti-xırsi-quldurbasan», M. F. Axundov)
- Şeyx Sədra - («Şeyx Sənan», H. Cavid)
- Xəyalpərəst - («Ağ gecələr, F. Dostoyevski)
- Knyaz Mışkın - («İdiot», F. Dostoyevski)
- Qayev - («Albalı bağı», A. Çexov)
- Motsart - («Motsart və Salyeri», A. Puşkin)
- Məğrur - («Axırıncı qatar», İ. Fəhmi, O. Kazımi)
- Kassio - («Otello», V. Şekspir)
- Ksanf - («Ezop», Q. Fiqeyredo)
- Müller - («Məkr və məhəbbət», F. Şiller)
- Osvald - («Kabuslar», H. İbsen)
- Tesman - («Qedda Qabler», H. İbsen)
- Corc - («Adamlar və siçanlar», C. Steynbek)
- Folial - («Eskorial», M. De. Gilderedo)
- Kreont - («Şah Edip», Sofokl)
- Aydın - («Aydın», C.Cabbarlı)
- Ayı («İfritin kələyi» Y.Şvarts)
- Aparıcı - («Sərgüzəşti vəziri Xani Lənkəran» M.F.Axundzadə)
- Doktor Losbern («Oliver Tvistin macəraları» Ç.Dikkens)
- Montekki («Romeo və Cülyetta» U.Şekspir)
- Alfredo - («Don Rafaello Tranbomçu» P.Filippo)
- Müsyö Jordan - («Müsyö Jordan və dərviş Məstəli şah» M.F.Axundazə)
- Səyyah («Əlincə qalası» Dilsuz)
- Alfredo - («İtalyansayağı xoşbəxtlik» D.Fo, P.Filippo)
- Kapuletti - («Romeo və Culyetta» U.Şekspir)
- Bəşir - («Buzovna kəndinin əhvalatları» Elçin)
- Klarens - hersoq - («III Riçard» U.Şekspir)
- Fabrisio - lakey - (“Mehmanxana sahibəsi” K.Qoldoni)
- Leylinin atası - (“Leyli və Məcnun”, M.Füzuli)
- Şair - (“Qulliver cırtdanlar ölkəsində”, Conatan Svift)
- Herbert Georq Beytler, Nyuton - (“Dəlixanada qətl”, Fridrix Düremat)
- Dəli Molla Abbas ibn Yəqub - (“Dəli yığıncağı”, C.Məmmədquluzadə)
- Bakuyev - “Kod adı V.X.A” (M.Ələkbərzadə)
Quruluş verdiyi tamaşalar[redaktə | mənbəni redaktə et]
- Bir səbət tənhalıq (Məcid Vahidzadə)
- Qaçaq qocalar[6] (Elçin Hüseynbəyli)
Filmoqrafiya[redaktə | mənbəni redaktə et]
- Sən saydığını say... (film, 2002)
- Maestro Niyazi (film, 2007)
- Bir Addım (2009)
- Həyat varsa... (serial, 2012-2014)
- Səndən sonra (teleserial, 2013)-həkim
İstinadlar[redaktə | mənbəni redaktə et]
- ↑ "Azərbaycanlı rejissor Türkiyədə mükafat alıb". 2015-08-29 tarixində orijinalından arxivləşdirilib. İstifadə tarixi: 2015-08-30.
- ↑ "Azərbaycanın əməkdar artisti Türkiyədə mükafata layiq görülüb". 2023-08-05 tarixində arxivləşdirilib. İstifadə tarixi: 2015-11-19.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 10.05.2019. 2019-05-11 tarixində arxivləşdirilib. İstifadə tarixi: 2019-05-10.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 07.05.2020. 2020-09-18 tarixində arxivləşdirilib. İstifadə tarixi: 2020-05-07.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 07.05.2021. 2021-11-13 tarixində arxivləşdirilib. İstifadə tarixi: 2021-05-07.
- ↑ Lider TV. ""Qaçaq qocalar" tamaşası nümayiş olunub" (az.). Youtube.com. 27.12.2016. 2023-07-04 tarixində arxivləşdirilib. İstifadə tarixi: 2016-12-30.