Nona Qaprindaşvili

Vikipediya, azad ensiklopediya
Naviqasiyaya keçin Axtarışa keçin
Nona Qaprindaşvili
gürc. ნონა გაფრინდაშვილი
Ölkə
Doğum adı ნონა გაფრინდაშვილი
Doğum tarixi 3 may 1941(1941-05-03)[2] (82 yaş)
Doğum yeri
Titulu Qrossmeyster
Son reytinqi
  • 2.243 (dekabr 2023)[3]
Maksimal reytinqi 2350 (noyabr 2012)
FİDE nömrəsi 13600125
Dünya çempionluğu (1962-1978)
Mükafatları "Lenin" ordeni"Şərəf nişanı" ordeni
Vikianbarın loqosu Vikianbarda əlaqəli mediafayllar

Nona Qaprindaşvili (gürc. ნონა გაფრინდაშვილი; 3 may 1941[2], Zuqdidi[2]) — gürcü şahmatçısı, qadınlar arasında 6-cı dünya çempionu və ilk qadın qrosmeyster (1976).

Həyatı[redaktə | mənbəni redaktə et]

Nona 1941-ci il mayın 3-də Zuqdidi şəhərində anadan olmuşdur. İdman Qaprindaşvililər ailəsində böyük yer tuturdu. Böyük qardaşları onunla şahmat oynayır və ona heç vaxt güzəştə getmirdilər. Tbilisiyə köçəndən sonra o, pionerlər sarayının şahmat dərnəyinə üzv yazılır. Məşqçisi Karselaqze yetirməsinin bacarığını görüb, onunla ciddi məşğul olmağa başlayır. Bir ildən 15 yaşlı Nona ilk qələbələrini qazanır. Gürcüstan çempionatında qalib gəldikdən sonra SSRİ birinciliyinin yarımfinalında uğurla yarışır.

Bu müvəffəqiyyətlərdən sonra o, bir sıra irimiqyaslı turnirlərdə uğurla çıxış etmişdir. 5 dəfə SSRİ, 12 dəfə olimpiya, 5 dəfə dünya çempionu olmuşdur.

1978-ci ildə qələbələrinə görə Nona FİDE tərəfindən qadınlar arasında beynəlxalq qrosmeyster adına layiq görülmüşdür.

Dünya çempionluğu[redaktə | mənbəni redaktə et]

1962-ci ilin martında tac uğrunda mübarizədə o, Yelizavet Bıkovanı ağır məğlubiyyətə uğradaraq,çempion adına layiq görülmüşdür.

Nona 16 il ərzində şahmat üzrə dünya birinciliyinin tacını özündə saxlamışdır. 1978-ci ildə o, tac uğrunda mübarizədə Gürcüstan şahmat məktəbinin digər yetirməsi 16 yaşlı Maya Çiburdanidzeyə məğlub olmuşdur. Matçdan sonra o, öz məğlubiyyətini belə izah etmişdir:

"Təbiətin, idmanın qanunu belədir. Gələcəkdə idman yollarında məni nə qədər sınaqlar gözləsə də, həyatım boyu inandığım oyun qaydalarını pozmayacağam".

.

Xarici keçidlər[redaktə | mənbəni redaktə et]

Marneulidə şahmat üzrə açıq kubok yarışı keçirilib[ölü keçid] Nona Qaprindaşvili

İstinadlar[redaktə | mənbəni redaktə et]

  1. 1,0 1,1 Gaprindashvili, Nona // ratings.fide.com (ing.).
  2. 2,0 2,1 2,2 2,3 Гаприндашвили Нона Терентьевна // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969.
  3. FİDE FIDE Standard Ratings as of 31 december 2023. 2023.