Novruz Məmmədov

Vikipediya, açıq ensiklopediya
Keçid et: naviqasiya, axtar
Novruz Məmmədov
Novruz İsmayıl oğlu Məmmədov
Novruz Məmmədov
Bayraq
Azərbaycan Respublikası Prezidenti Administrasiyası rəhbərinin müavini
Bayraq
29 noyabr 2012 — indiyə kimi
Sələfi: vəzifə təsis edlib
Bayraq
Azərbaycan Respublikası Prezidenti Administrasiyasının Xarici əlaqələr şöbəsinin müdiri
Bayraq
12 aprel 1997 — indiyə kimi
 
Təvəllüdü: 18 mart 1947 (1947-03-18) (67 yaş)
Naxçıvan şəhəri,Babək rayonu, Şıxmahmud kəndi


Novruz Məmmədov - Azərbaycan Respublikası Prezidenti Administrasiyası rəhbərinin müavini, Xarici əlaqələr şöbəsinin müdiri, birinci dərəcəli Dövlət müşaviri,Fövqəladə və Səlahiyyətli səfir.

Həyatı[redaktə]

Novruz İsmayıl oğlu Məmmədov 18 mart 1947-ci ildə Naxçıvan Muxtar Respublikası, Babək rayonu, Şıxmahmud kəndində anadan olmuşdur. 1964-cü ildə orta məktəbi bitirərək Azərbaycan Pedaqoji Xarici Dillər İnstitutunun Avropa dilləri fakültəsinin fransız dili şöbəsinə daxil olmuşdur. 1970-ci ildə həmin fakültəni fərqlənmə diplomu ilə bitirmiş və institutda müəllim vəzifəsində işləməyə saxlanılmışdır.

1967-1968-ci illərdə Əlcəzairdə, 1971-1973-cü illərdə Qvineyada, 1978-1981-ci illərdə Əlcəzairdə tərcüməçi, baş tərcüməçi işləmişdir.

1991-ci ildə dissertasiya müdafiə edərək filologiya elmləri namizədi elmi dərəcəsi almışdır.

1992-1993-cü illərdə Azərbaycan Dövlət Dillər İnstitutunun hazırlıq, 1993-1997-ci illərdə isə fransız dili fakültəsinin dekanı vəzifəsində işləmişdir.

1995-1997-ci illərdə Azərbaycan Respublikası Prezidentinin (Heydər Əliyev) fransız dili üzrə tərcüməçisi olmuş və dəfələrlə onu Fransaya, Avropa Şurasına səfərlərdə müşayiət etmişdir.

1997-ci ilin aprel ayından Azərbaycan Respublikası Prezidenti Administrasiyasının Xarici əlaqələr şöbəsinin müdiri, 2012-ci ilin noyabr ayından isə Azərbaycan Respublikası Prezidenti Administrasiyası rəhbərinin müavinidir. Birinci dərəcəli Dövlət müşaviridir.

Fəxri adlar[redaktə]

  • 1998-ci ildə Fransa Prezidenti Jak Şirak tərəfindən Fransanın "Fəxri Legion" Ordeni ilə təltif olunmuşdur.
  • 2002-ci ildə Azərbaycan Prezidenti Heydər Əliyevin fərmanı ilə Fövqəladə və Səlahiyyətli Səfir rütbəsi almışdır.
  • 2007-ci ilin mart ayında Azərbaycan Prezidenti İlham Əliyevin sərəncamı ilə "Şöhrət" ordeni ilə təltif edilmişdir.
  • 2009-cu ildə Polşa prezidenti Lex Kaçinskinin sərəncamı ilə Polşanın Fəxri Legion Ordeni ilə təltif olunmuşdur.

Nəşrlər[redaktə]

50-dən artıq elmi, siyasi məqalə və bir neçə kitabın, o cümlədən siyasi və ictimai-siyasi mövzuya həsr olunmuş çoxsaylı məqalənin müəllifidir. 2013-cü ildə onun rəhbərliyi və baş redaktorluğu ilə "Qlobal siyasət: təhdidlər, çağırışlar, ümidlər"[1]. və "Кто прав тот и сильнее?"[2]. (rus dilində) kitabları işıq üzü görmüşdür.

Azərbaycan dilinə Fransız dilindən tərcümə olunmuş ədəbiyyat

  • 1.Erik Fayql. "Terror haqqında həqiqət" (Erməni ekstremizmi: səbəbləri və mənşəyi). Salzburq: 1991.
  • 2.Pyer Qamara. "Caniyə Qonkur mükafatı". Paris: 1963.
  • 3.Brayar Filip, Calil Mohammad-Reza. "Beynəlxalq münasibətlər". 1997.

Dərslik

  • 1.IX sinif üçün fransız dili dərsliyi “Le Français” (1994)
  • 2.“Fransız dilinin praktik fonetikası” (1997)

Kitabları

  • 1.Geosiyasətə giriş

I cild: Geosiyasətin nəzəri əsasları. - Bakı, “Azərbaycan” nəşriyyatı, 2011. - 576 s. II cild: Müasir geosiyasi proseslər. - Bakı, “Azərbaycan” nəşriyyatı, 2011. - 416 s.

  • 2.Xarici siyasətin Azərbaycan modeli (2012)
  • 3."Xarici siyasət: Reallıqlar və gələcəyə baxış"(2013)[3].

Filmoqrafiya[redaktə]

  1. "Fransız" (film, 1995)
  2. Xilaskar. II film (film, 2003)
  3. Mariya (film, 2004)
  4. Mənə inanın! (film, 2007)
  5. Uğur formulu (film, 2007)
  6. Yeraltı və yerüstü xəzinə (film, 2007)
  7. Xilaskar. III Film (film)