Nuh Peyğəmbər türbəsi
| Nuh Peyğəmbər türbəsi | ||
 |
||
| Abidə haqqında məlumat | ||
|---|---|---|
| Orijinal adı: | Nuh Peyğəmbər türbəsi | |
| Tikili: | 2006-cı ildə yenidən bərpa edilib | |
| Ölkə: |  Azərbaycan |
|
| Şəhər: | Naxçıvan | |
| Bölgə: | Naxçıvan Muxtar Respublikası | |
| Tikintisi haqqında məlumat | ||
| Memarlıq üslubu: | Naxçıvan memarlıq məktəbi | |
| Digər məlumatlar | ||
| Vəziyyəti: | Muzey kimi fəaliyyət göstərir | |
Abidə Naxçıvan şəhərində Köhnəqala ərazisindəki arxeoloji qazıntılar zamanı aşkar edilib. Bir çox tarixi mənbələr Nuh peyğəmbərin türbəsinin Naxçıvanda olması haqqında məlumat verir. Bu səbəbdən də türbənin yerinin müəyyən edilməsi və bərpası qərara alınmışdır.
«Nuh peyğəmbərin Naxçıvan şəhərindəki məzarüstü türbəsinin bərpa edilməsi haqqında» Naxçıvan Muxtar Respublikası Ali Məclisinin sədrinin 2006-cı il 28 iyun tarixli sərəncamından sonra Naxçıvan şəhərində türbənin yeri dəqiqləşdirilib. Türbə muxtar respublikanın Nazirlər Kabineti yanında Elmi-Bərpa İstehsalat İdarəsi tərəfindən bərpa edilib.
Elmi araşdırmalar nəticəsində Nuh peyğəmbərin məzarüstü türbəsinin yeri təyin olunub, aparılan arxeoloji qazıntı zamanı türbənin özülü, naxış elementləri tapılaraq bərpa işlərinə başlanılıb. Türbə 3 hissədən - sərdabədən, yerüstü məqbərədən və konusvari örtükdən ibarətdir. Bərpa zamanı kərpic, kaşı və müxtəlif naxış elementlərindən istifadə edilib.
Türbənin hündürlüyü 15 metr 50 santimetr, eni isə 7 metr 50 santimetrdir. Nuh peyğəmbərin məzarüstü türbəsi 8 guşəlidir. Türbənin özülü tapılarkən 8 guşəli və girişinin qərb istiqamətdən olduğu müəyyənləşdirilib. Ona görə də bərpa zamanı türbənin əvvəlki görkəminin yaradılmasına ciddi diqqət yetirilib.
