Oliqarxiya

Oliqarxiya (yunan. ὀλιγαρχία (oligarchia), qəd. yun. ὀλίγον (oligon), "azacıq" və qəd. yun. ἀρχή(arche), "hakimiyyət") — qeyri-demokratik rejimin bir növü. Oliqarxiya azsaylı adamların hökmranlığı deməkdir. Oliqarxiya dedikdə kiçik miqdarda qrupların siyasi və iqtisadi həyatda hökmranlığı başa düşülür. Onun xüsusi forması olan maliyyə oliqarxiyası əsasən kapitalizmdə mövcud olur. O sənaye və bank sahibkarları qrupunun ölkənin iqtisadi və siyasi həyatında hökmranlığını ifadə edir.^{[Mənbə göstərin]}