Orxan Fikrətoğlu
| ORXAN FİKRƏTOĞLU | |
| Orxan Fikrət oğlu Sadıqov | |
 |
|
| Digər adı: | Orxan Sadıqov |
|---|---|
| Doğum tarixi: | 1966 |
| Doğum yeri: | Bakı |
| Peşəsi: | Aktyor |
Sadıqov Orxan Fikrət oğlu — yazıçı, ssenarist, rejissor. Jurnalist. Ssenari müəllifi. Aktyor. Arxiv kadrlar. Kino redaktoru.
Mündəricat |
[redaktə] Həyatı
Orxan Fikrətoğlu 1966-cı ildə Bakı şəhərində anadan olub. 1983-1991-ci illərdə Moskva şəhərindəki Dünya Ədəbiyyatı İnistitutunu bitirib. 1983-cü ildə kinoda işıqçı kimi fəaliyyətə başlamışdır. Müxtəlif dövrlərdə C.Cabbarlı adına "Azərbaycanfilm" kinostudiyasının, Dövlət kino komitəsinin, AzərTelefilmin, "Günay" qəzetinin baş redaktoru işləyib. Dövlətlər arası MİR Teleşirkətinin direktor müavini olub. Hazırda Mozalan satirik kinojurnalının direktoru və ANS Teleşirkətinin baş icmalçısıdır. Yeddi bədii nəsr kitabının, üç publisitik kitabın müəllifidir.
İlk hekayəsi 1981-ci ildə "Kirpi" jurnalında çap olunub. Ondan sonra dövrü mətbuatda yüzlərlə hekayə, povest və publisistik yazılar çap etdirib. Onlarla bədii filmin ssenari müəllifidir. Əsərləri İran, Türkiyə, Bolqarıstan, İsveç və bir çox dünya ölkələrində çap olunub. "Yeddi" romanı Almaniyada mükafata layiq görülüb. Onun hekayələri OKSFORD Universitetinin dərsliklərinə salınıb. Bir sıra Respublika mükafatları laureatıdır. Hekayələri "Dünya Nəsr Antalogiyasına" düşüb.
Orxan Fikrətoğlunun, "TAS", "Qıyığın ölümü", "Şəkilçi və şəkilçi " pyesləri ölkə teatrlarında səhnələşdirilib.
Ailəlidir. Bir qızı var.
- Şair Fikrət Sadıqın oğludur.
[redaktə] Yaradıcılığı
[redaktə] Filmoqrafiya
- Ötən ilin son gecəsi (film, 1983), İşıqçı
- Bəxt üzüyü (film, 1991) (Ramiz Əzizbəyli və Vaqif Səmədoğlu ilə birgə), Ssenari müəllifi
- Qəzəlxan (film, 1991), kino redaktoru
- Səs (film, 1993) , Ssenari müəllifi
- Ümid (film, 1995), Ssenari müəllifi
- Yük (film, 1995), aktyor
- Solaxay (1996), Ssenari müəllifi
- Ağ Kətandakı Adam (1998), Ssenari müəllifi
- Ailə (film, 1998), kino redaktoru
- Xalça Nəğməsi (1998) (Film Birinci Beynəlxalq Yalta Kinofestifalının baş mükafatını alıb), Ssenari müəllifi, rejissor
- Qız qalası (film, 2000) , Ssenari müəllifi
- Azərbaycana namus və sevgiylə (film, 2006), arxiv kadrlar
- Ərazi (2006), Ssenari müəllifi, rejissor
- Yalan (film, 2006), Ssenari müəllifi
- Kəpənək (2007), Ssenari müəllifi
- Qanadlarıma sığal çək (film, 2008), ssenari müəllifi
[redaktə] Mənbə
- Şirindil Alışanlı, "Novruzəlinin qan qardaşı Xeybər", Bizim söz qəzeti, № 7(14), 15 oktyabr 2010-cu il.
[redaktə] Həmçinin bax
 |
Azərbaycan kino sənəti portalı |
