Pəncşir vilayəti
Pəncşir vilayəti — Əfqanıstan İslam Respublikasının 34 vilayətindən biri.
Mündəricat |
Coğrafiyası[redaktə]
Vilayətin ərazisi 3.610 km², 2009-cu ilin əvvəlinə olan rəsmi məlumata əsasən əhalisi 139.1 min nəfər[1], inzibati mərkəzi Bazaraq şəhəridir.[2] Pəncşir vilayəti Əfqanıstanın 34-cü vilayəti olaraq 13 aprel 2004-cü ildə yaradılmışdır.[3]Pəncşir vilayəti Əfqanıstanın şərqində, Əfqanıstan-Pakistan sərhəddi yaxınlığında yerləşir. Vilayət Bəğlan və Təxar vilayətləri ilə, cənubda Lağman və Kapisa vilayətləri ilə, şərqdə Bədəxşan və Nuristan vilayətləri ilə, qərbdə isə Pərvan vilayəti ilə həmsərhəddir.[4]
Əhalisinin etnik tərkibi[redaktə]
Əhalisi əsasən taciklərdən, həzaralardan, paşayilərdən, nuristanilərdən, Qılzay İttifaqına daxil olan puştunlardan və az sayda digər xalqların nümayəndələrindən ibarətdir.[4]
Taciklər sünni-islam etiqadlı farsdilli xalqdır. Əsasən dari (digər adı farsi - kabulidir) dilində danışırlar. Vilayətin Saləng rayonunda əhalinin çoxluğunu təşkil etməklə yanaşı digər rayonlarında da yaşayırlar.[4]
Həzaralar şiə-islam etiqadlı türk (faktlara əsasən yüksək ehtimalla şərqi türk) kökənli xalqdır.[4] Əsasən kompakt şəkildə vilayətin Hisa-i-Avali Pəncşir və Hisa-i-Duvumi Pəncşir rayonlarında taciklərlə qarışıq halda yaşayırlar.[4]
Nuristanilər vilayətdə kata tayfası ilə təmsil olunmuşlar.[4] Bu tayfa Hisa-i-Avali Pəncşir rayonunun cənub-şərqində yaşayır.[4]
Paşayilər dravid dil ailəsinə aid bir dildə danışırlar.[4] Onlar vilayətin Hisa-i-Duvumi Pəncşir rayonunun cənub-şərqində məskunlaşıblar.[4]
Rayonlar[redaktə]
Pəncşir vilayəti inzibati cəhətdən Saləng, Pəncşir, Hisa-i-Duvumi Pəncşir və Hisa-i-Avali Pəncşir rayonlarına bölünür.[4]
İstinadlar[redaktə]
- ↑ Islamic Republic of Afghanistan Central Statistics Organization
- ↑ Administrative Divisions of Countries ("Statoids"): Afghanistan
- ↑ Find Out All About Panjshir
- ↑ 4,0 4,1 4,2 4,3 4,4 4,5 4,6 4,7 4,8 4,9 Program for Culture & Confilict Studies
Həmçinin bax[redaktə]
|
|
|
|---|---|
 Bədəxşan • Badğis • Bəğlan • Bəlx • Bamyan • Cövzcan • Daykündi • Fərah • Fəryab • Hilmənd • Herat • Xost • Kabil • Kapisa • Künduz • Künər • Qəndəhar • Qəzni • Qövr • Ləğman • Lövgər • Nəngərhar • Nimruz • Nuristan • Pəktika • Pəktiya • Pəncşir • Pərvan • Səməngan • Səri-Pul • Təxar • Uruzgan • Vərdək • Zabul
|
|
Əfqanıstan ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
