Pentaqon

Pentaqon ing. The Pentagon
Pentaqon (yanvar, 2008)
Ölkə	ABŞ
Yerləşməsi	Arlinqton, Virciniya
Koordinatları	38.870989, -77.05596138°52′15.56″ şm. e. 77°03′21.46″ q. u.
Memarı	Corc Berqstrom
Tikilmə tarixi	11 sentyabr 1941 — 15 yanvar 1943
Mərtəbə sayı	7
Ümumi sahəsi	620 min m²
Smeta dəyəri	83 milyon ABŞ dolları
Aidiyyatı	ABŞ Müdafiə Nazirliyi
Pentaqon

Pentaqon (yunan. πεντάγωνον — "beşbucaqlı") — ABŞ Müdafiə Nazirliyinin düzgün beşbucaqlı formasındakı binasına verilən ad. Vaşinqton şəhərinin yaxınlığında, Virciniya ştatının ərazisində yerləşir.

Ölçülərinə və sahəsinə görə dünyada ən böyük ofis binasıdır. Layihəsi amerikalı memar Corc Berqstrom tərəfindən hazırlanan binanın tikintisi 11 sentyabr 1941-ci ildə başlamış və 15 yanvar 1943-cü ildə tamamlanmışdır.

Yerin altında 2, yerin üzərində 5 mərtəbə olmaqla, cəmi 7 mərtəbədən ibarətdir. Yerin üzərindəki mərtəbələrin hündürlüyü 23,5 metrdir. Ümumi sahəsi 620 min m² olan binanın hər bir tərəfinin uzunluğu 281 metr, perimetri 1405 metrdir. Binadakı koridorların ümumi uzunluğu 28 km təşkil edir və 7754 pəncərəsi var. Binada təxminən 28 min nəfər hərbi və mülki işçi və 3 min nəfərə yaxın xidmətedici personal çalışır. Binanın beşbucaqlı quruluşunun mərkəzi hissəsində sahəsi 20 min m² olan boş park sahəsi yerləşir.

Pentaqon binası ABŞ hərbi gücünün simvolu hesab edilir və "Pentaqon" sözü binanın özündən daha çox ABŞ Müdafiə Nazirliyini ifadə etmək üçün istifadə edilir.

Xarici keçidlər

• Pentaqon veb-saytı
• Popular Mechanics, March 1943, "Army's Giant Five-by-Five" one of earliest World War Two articles on the Pentagon
• Pentagon Force Protection Agency
• Pentagon Renovation Program
• The Worldwide Network of US Military Bases
• The Pentagon: Relocation Information and The Pentagon Q&A
• Great Buildings Online – The Pentagon
• How the Pentagon Got Its Shape – The Washington Post, May 26, 2007
• A House Divided: Pentagon Trivia Fact retrieved June 13, 2008.
  • Satellite image from Mapygon
• The Construction of The Pentagon—Somervell's Folly