Pirqulu Dövlət Təbiət Qoruğu

Vikipediya, açıq ensiklopediya
(Pirqulu dövlət təbiət qoruğu səhifəsindən istiqamətləndirilmişdir)
Keçid et: naviqasiya, axtar

Pirqulu dövlət təbiət qoruğu
Kateqoriyalar BTMB — Ia (Ciddi Təbiət Qoruğu)
KoordinatlarKoordinatlar: 40°45′44″ şm. e. 48°34′25″ ş. u. (G) (Y)40°45′44″ şm. e. 48°34′25″ ş. u. (G) (Y)
Yerləşməsi Böyük Qafqaz
Ölkə Flag of Azerbaijan.svg Azərbaycan
Rayon Şamaxı
Yaxın şəhər Pirqulu
Sahəsi 1,52 min ha
Tarixi 25 dekabr, 1968
İdarəsi AETSN
Leaf icon 07.svg
Vələs (57 %), palıd (24 %), fısdıq
Herpétologie test.png
Qaban, vaşaq, çaqqal, tülkü, cüyür
Pirqulu Dövlət Təbiət Qoruğu (Azərbaycan)
Green pog.svg

Pirqulu dövlət təbiət qoruğuBöyük Qafqaz dağları döşünün Cənubi – Şərq hissəsində yerləşir. 1968-ci il dekabrın 25-də Şamaxı rayonun dağ – meşəlik sahəsində yaradılmışdır. Ümumi sahəsi 1,52 min ha-dır, o cümlədən meşəlik sahəsi 1,43 min ha. Qoruğun sahəsi dağ dərələri və dərin vadilər hesabına 3 tərkib hissəyə bölünmüşdür. Torpaqları qonur dağ – meşə, palıdı dağ – meşə və çürüntülü, karbonatlı dağ meşə hissələrdən ibarətdir.

İqlimi qışda soyuq, başqa vaxtlar mülayim istidir. Meşə massivini əsasən vələs meşəsi (57 %), çoxsaylı palıdlar (24 %), fıstıq (18 %-ə yaxın) təşkil edirlər. Bu meşələrdə hətta söyüd, qaracöhrə, ağcaqayın, göyrüş ağaclarına da rast olunur. Bu yerlərdə başdan – başa ot örtüyü yoxdur. Əsasən cürbəcür kolluqlardan ibarətdir. Qoruğun florasında 45 növə yaxın çox nadir və yox olmaqda olan bitkilər mövcuddur. Əlverişli, münasib iqlim və bitkilər aləminin müxtəlifliyi sayəsində burada vəhşi heyvanlar üçün gözəl şərait yaranmışdır. Qoruqda 30 növ məməlilər, 9 növ sürünənlər, 6 növ amfibiya, 64 növ quşlar mövcuddur. Palıd və fısdıq meşələrində qaban, vaşaq, qurd, çaqqal, tülkü, cüyür və başqa heyvanlar da yaşayır. Quşlardan: qırqovul, zığ – zığ quşu, qara tetra və başqaları mövcuddurlar. Axır vaxtlar qoruq sahəsinin torpaqlarının aşılanması azalmışdır və bunun sayəsində vəhşi heyvanların və quşların sayı artır. Bir neçə növ bitkilər (qaracöhrə), heyvanlar (qonur ayı, vaşaq, köpkər) quşlar (tetra) Qırmızı kitaba salınmışdır.

Mənbə[redaktə]

Xarici keçidlər[redaktə]

Həmçinin bax[redaktə]