Pirr

Pirr (e.ə. 319-e.ə. 273) - Epir çarı (e.ə. 307-302 və 296-273), ellin dövrünün sərkərdəsi. E.ə. 302 ildə molos tayfalarının üsyanı nəticəsində hakimiyyətdən məhrum olmuşdu. E.ə. 296 ildə hakimiyyətə qayıtmış və Epir ərazisini xeyli genişləndirmişdi. E.ə. 280 ildə Roma qoşunlarını məğlubiyyətə uğratmış, 279 ildə Auskulum yaxınlığındakı döyüşdə böyük itki bahasına ("Pirr qələbəsi" buradandır) yenidən romalılara qalib gəlmişdi. E.ə. 275 ildə Benevent yaxınlığında romalılar Pirrin ordusunu tamamilə darmadağın etmiş, o, Tarentə, sonra da Epirə qaçmağa məcbur olmuşdu.