Polett Qoddar

Vikipediya, açıq ensiklopediya
Keçid et: naviqasiya, axtar
POLETT QODDAR
ing. Paulette Goddard
PauletteGoddardinSecondChorus.jpg
Digər adı: Marion Polin Levi
Doğum tarixi: 3 iyun 1910(1910-06-03)
Doğum yeri: Kvins, Nyu-York, ABŞ
Vəfatı: 23 aprel 1990 (79 yaşında)
Vəfat yeri: Tiçino, İsveçrə
Peşəsi: Aktrisa
IMDb: ID 0002104

Polett Qoddar (ing. Paulette Goddard) — Amerika aktrisası və prodüser.

Həyatı[redaktə]

Polett Qoddar (əsl adı: Marion Polin Levi) 3 iyun 1910-cu ildə Nyu-Yorkda anadan olmuşdur.

O, "Hal Roach Studios"la müqavilə imzalayır və "İspaniyadan olan uşaq" filminə çəkilir. 1932-ci ildə o, Çarli Çaplinlə tanış olur. Bir müddət keçmiş Çaplin Qoddarla birlikdə filmlər çəkməyi planlaşdırır. Beləliklə 1936-cı ildə "Yeni zamanlar" filmi meydana gəlir. Polett hətta az da olsa "Samuel Goldwyn Productions" şirkətində də bir neçə ekran əsərində çəkilir.

Bu zaman ərzində o, Çarli Çaplinlə birlikdə onun Beverli Hillsdəki evində yaşayır. Onların evlilik statusu olur və 1936-cı ildə Çində ailə həyatı qururlar.

Qoddarın növbəti işi "Paramount Pictures" kino şirkəti ilə olur. Bu şirkətlə müqavilə bağlayan Polett az sonra növbəti filminə çəkilir. 1939-cu ildə çəkilən bu filmin adı "Pişik və bülbül" adlanırdı.

Onun ən məşhur rolları Çarli Çaplinin çəkdiyi "Yeni zamanlar" (1936) və "Böyük diktator" (1940) filmlərdə olmuşdur. Məşhur "Küləklə sovrulanlar" filmində Skarlett O'Hara rolunu Polett ifa etməli idi [1]. Lakin Çaplinlə olan nikahının qeydiyyatının qeyri-müəyyən olması ilə bağlı müqavilə ləğv olunmuşdur.

"Böyük diktator" filminin uğurundan sonra elə həmin ildə (1940) Fred Estayrın "İkinci xor" müziklində çəkilir. Bu musiqili filmdə Polett əsas qadın rolunda çıxış edirdi. Polett Qoddar ilk və yeganə "Oskar"ını 1944-cü ildə almışdır.

1936-1942-ci illərdə Çarli Çaplinin, 1958-1970-ci illərdə isə Erix Mariya Remarkın həyat yoldaşı olmuşdur.

1950-ci illərdə onun karyerasında durğunluq yaranmışdır. 1958-ci ildə o, Remarka ərə gedir və onlar birlikdə İsveçrəyə köçürlər.

Polett Qoddar 1990-cı ildə 80 yaşının tamam olmasına 2 ay qalmış İsveçrədə vəfat etmişdir.

Filmoqrafiya[redaktə]

İl Azərbaycanca adı Orijinal adı Rol
1929 Yuxarı rəfdə Berth Marks qatar sərnişini
1933 Roma qalmaqalları Roman Scandals qız
1936 Yeni zamanlar Modern Times qız
1938 Bütün qəlbilə gənc The Young in Heart Lesli Saunders
1939 Qadınlar The Women Miriam Aarons
1940 Böyük diktator The Great Dictator Hanna
1940 İkinci xor Second Chorus Ellen Miller
1941 Dan yerinin ağarmasını ləngidin Hold Back the Dawn Anita Dikson
1945 Kitti Kitty Kitti
1946 Qulluqçunun gündəliyi The Diary of a Chambermaid Selestin
1947 Məğlubedilməz Unconquered Ebbi
1948 Şən yolumuzla On Our Merry Way Marta
1949 Anna Lukasta Anna Lucasta Anna Lukasta
1952 Bağdaddakı uşaqlar Babes in Bagdad Kira
1953 İezavelin günahları Sins of Jezebel İezavel
1964 Laqeydlik zamanı Gli indifferenti Mariya Qraziya

İstinadlar[redaktə]

  1. Les bonus du DVD du film montrent quelques-uns de ses bouts d'essai.

.

Şəkilləri[redaktə]

Xarici keçidlər[redaktə]