Portal:Türkiyə/Giriş
.svg) |
 Yurtta Barış, Dünyada Barış “Yurdda sülh, Cahanda sülh” Mustafa Kamal Atatürk |
Türkiyə (türk. Türkiye), rəsmi olaraq Türkiyə Cümhuriyyəti kimi tanınan bu ölkə, Asiyanın Anadolu, Trakiya (Rumeli) hissələrini və Avropanın Balkan yarımadası ərazisinin bir hissəsini əhatə edir. Türkiyə səkkiz ölkə ilə həmsərhddir: şimal - qərbdən Bolqarıstan; qərbdən Yunanıstan; şimal - şərqdən Gürcüstan; şərqdən Azərbaycan, İran və Ermənistan; və cənub - şərqdən İraq və Suriya. Cənubdan Aralıq dənizi və Kipr; qərbdən Egey dənizi və Egey adaları; şimaldan Qara dəniz və Mərmərə dənizi ilə əhatələnməsi, Asiya və Avropanı birləşdirən Türk boğazlarının (Bosfor və Çanaqqala) məhz bu dövlətin ərazisində yerləşməsi, Türkiyəni transkontinental ölkəyə çevirmişdir.
Türkiyə Cümhuriyyətinin ərazi ilkin sivilizasiya mərkəzlərindən biri olmaqla Bizans və Osmanlı kimi iki qüdrətli imperiyanın hakimiyyəti altnda olmuşdur. Strateji əhəmiyyətli ərazidə yerləşməsi Türkiyə ərazisinə daima müxtəlif mədəniyyət daşıyıcısı olan xalq və dövlətlərin maraq göstərməsinə səbəb olmuşdur. Məhz bu səbəbdən də Türkiyə mədəniyyəti özündə həm şərq, həm də qərb elementlərini birləşdiməklə mədəniyytlər arasında körpü xarakteri daşıyır.