Prosper Merime
Vikipediya, açıq ensiklopediya - ویکیپدیا ، آچیق انسایکلوپدیا
| PROSPER MERİME | |
 Prosper Merime |
|
| Doğum tarixi | 28 sentyabr 1803 |
| Doğum yeri | Paris, Fransa |
| Ölüm tarixi | 23 sentyabr 1870 |
| Ölüm yeri | Kann, Fransa |
|
|
|
Prosper Merime, fr. Prosper Mérimée (28 sentyabr 1803 - 23 sentyabr 1870) — məşhur fransız yazıçısı, Fransa Akademiyasının üzvü.
Mündəricat |
[redaktə / تحریر] Həyatı
Yenilik tərəfdarı, XVIII əsr ideyaları ruhuna sadiq olan kimyaçı alim və rəssam Jan Fransua Leonor Merimenin ailəsində doğulmuş Prosper erkən yaşlarından özündə gözəl zövq və incəsənət sevgisini inkişaf etdirməyə başlamışdır. Parisdə hüquq elmləri kursunu bitirən gənc Prosper əvvəlcə iyul monarxiyası dövrünün nazirlərindən qraf d’Artunun katibi olmuş, sonralar isə Fransa tarixi abidələrinin baş inspektoru təyin edilmişdir. 1830-cu ildə İspaniyaya ilk səfəri zamanı o, qraf Teba və onun xanımı ilə tanış olmuşdur. Gələcək Fransa imperatriçası Yevgeniya qraf Tebanın qızı idi.
Fransada İkinci imperiya dövründə Merime qrafinya Montihonun ailəsinin köhnə dostlarından biri kimi Tüilrilərin sarayına yaxın adam hesab olunurdu. İmperatriça Yevgeniya və III Napoleon onunla dost idilər. 1853-cü ildə Merime senator dərəcəsi almışdır.
[redaktə / تحریر] Ədəbiyyata gəlişi
Merimenin ədəbiyyat sahəsində ilk addımı 20 yaşında yazdığı "Kromvel" tarixi dramıdır. Lakin müəllif bu əsərdən razı qalmadığına görə onu nəşr etdirməyib. 1825-ci ildə o, özünün bir neçə dramatik pyesini "Klara Qasul teatrı" başlığı altında nəşr etdirdi. Lakin mistifikasiyaları çox sevən müəllif ön sözdə qeyd edirdi ki, bu pyesləri ispancadan tərcümə edib və guya onların müəllifi səyyar truppanın naməlum aktrisasıdır. Hətta nəşrin bəzi nüsxələrinə həmin aktrisanın portreti də əlavə olunmuşdu. Əslində isə bu Merimenin qadın paltarında çəkdirdiyi öz şəkilləri idi.
[redaktə / تحریر] Roman və povestləri
- Guzla (fr. Guzla) – 1827
- Jakeriya (fr. Jacquerie) – 1828
- Karvahal ailəsi (fr. Famille Carvajal) – 1828
- IX Karlın hakimiyyətinin xronikası (fr. Chronique du temps de Charles IX) – 1829
- Matteo Falkone (fr. Mateo Falcone) – 1829
- Tamanqo (fr. Tamango) – 1829
- Toledo incisi (fr. Perles Toledo) – 1829
- Etrusk vazası (fr. Vaseé trusque) – 1830
- Cəhənnəm sakinləri (fr. Ames du purgatoire) – 1834
- İlli Venera (fr. Vénus d’Ille) – 1837
- Jaklin (fr. Jacqueline) – 1839
- İkili səhv (fr. Double méprise) – 1839
- Kolomba (fr. Colomba) – 1841
- Karmen (fr. Carmen) – 1845
- Lokis (fr. Lokis) – 1869
Ölümündən sonra çap olunan əsərləri
- Mavi otaq (fr. Chambre bleue) – 1873
- Son novellalar (fr. Dernières novelles) – 1873
- Naməlum qadına məktublar (fr. Lettres à une inconnue) – 1874
- Digər naməlum qadına məktublar (fr. Lettres à une autre inconnue) – 1875
[redaktə / تحریر] Merime və Azərbaycan kinosu
1960-cı ildə Prosper Merimenin Matteo Falkone əsəri əsasında Azərbaycanfilm kinostudiyası eyniadlı film çəkmişdir.
[redaktə / تحریر] Xarici keçidlər
- [1] LibAldebaran.ru
