Gilənar

Gilənar (lat. Prunus cerasus), qızılgülçiçəklilər – Rosaceae fəsiləsindən olub, respublikamızda geniş yayılan meyvəli bitkilərdəndir. Gilənarın çoxlu növü və sortları respublikamızda geniş becərilir. Meyvəsinin tərkibində 14 %-ə qədər şəkər, 2,5 %-ə qədər üzvi turşular [alma, limon və s.] aşı maddəli, pektin, zülal və mineral maddələr vardır. Gilənarın sortundan asılı olaraq o, iyun ayından başlayaraq avqustun axırına qədər yetişmə dövrü keçirir. Bu dövrdə meyvələrini toplayıb, həm təzə dərilmiş halda, həm də kampot, mürəbbə, şirə hazırlayıb istifadə edilir. Gilənar və ondan hazırlanan mürəbbə böyrək və sidik yolları xəstəliklərində, xüsusən sidik yollarında daş bağlayan zaman çox faydalıdır. Həmçinin o, xroniki mədə-bağırsaq xəstəliklərində mədənin həzmetmə prosesini yaxşılaşdırır, orqanizmdə gedən maddələr mübadiləsini tənzim edir və iştahanı artırır.

Gilənarın sol illərdə şirəsi şəkər xəstəliyinin ilk dövründə şəfaverici dərman kimi işlədəlir.

Ümumi görünüşü	Yarpaqları	Çiçəkləri	Meyvələri