Qürbət Qurbanov

Vikipediya, azad ensiklopediya
Naviqasiyaya keçin Axtarışa keçin
Qürbət Qurbanov
Doğum tarixi
Doğum yeri Qarabağlı,Şirvan
Vəfat tarixi (79 yaşında)
Vəfat yeri Bakı

Qürbət Qurbanov teatr xadimi.

Həyatı[redaktə | mənbəni redaktə et]

Tanınmış teatr xadimi Qürbət Qurbanov 1924-cü il martın 12-də Şirvan şəhərinin Qarabağlı kəndində (hal-hazırda Salyan rayonuna daxildir) dünyaya göz açıb. İlk təhsilini kənd məktəbində alıb. 1934-cü ildə ailəsi Bakıya köçür və o, orta təhsilini Bakıda davam etdirir. Qürbət müəllim görkəmli Azərbaycan ədibi Süleyman Sani Axundov un rəhbərlik etdiyi 172 saylı məktəbdə təhsil alır. 1939-cu ildə aktyor Ağadadaş Qurbanov 172 saylı məktəbdə dram dərnəyi təşkil edir. Qürbət Qurbanov həmin dərnəyə üzv olur. 1942-1945-ci illərdə Bakı Teatr Texnikumunda təhsil alır. Təhsil aldığı illərdə Azərbaycan Dövlət Dram Teatrı nda təcrübə keçməyə başlayır. Böyük Vətən Müharibəsi illərində hərbi xəstəxanalarda, kənd zəhmətkeşləri qarşısında çıxışlar edir. Buna görə də 1941-1945 ci illər Böyük Vətən Müharibəsi illərində fədakar əməyə görə medalı ilə təltif olunur. Texnikumu bitirdikdən sonra Akademik Dram Teatrında aktyor və rejissor köməkçisi kimi fəaliyyətə başlayır. O, bu teatrın səhnəsində 40-a yaxın müxtəlif xarakterli obrazlar yaradıb. Qürbət müəllim 1960-cı ildən Azərbaycan Dövlət Dram Teatrında truppa müdiri kimi fəaliyyətə başlayır. Qısa müddət sonra o, Gənc Tamaşaçılar Teatrında truppa müdiri vəzifəsini icra edir. 1961-ci ildən yenidən Dram Teatrına qayıdaraq truppaya rəhbərlik edir. Qürbət Qurbanov keçmiş SSRİ məkanında yeganə insan idi ki, uzun müddət truppa müdiri vəzifəsində fəaliyyət göstərmişdi. O, öz fəaliyyəti dövründə Azərbaycan Dövlət Akademik Dram Teatrının zəngin salnaməsini yaratdı. 1956-cı ildən ömrünün sonuna qədər teatrda baş verən bütün prosesləri xüsusi dəftərlərdə qeyd edib. Hal-hazırda Cəfər Cabbarlı adına Dövlət Teatr Muzeyinin zəngin fondunu bəzəyən fotoşəkillərin bir çoxunu Qürbət Qurbanov lentə alıb. 1957-ci ildən 1987-ci ilə qədər teatrda oynanılan bütün tamaşaları, eləcə də rayonlarda qastrol zamanı oynanılan tamaşaları fotolentə alaraq əbədiləşdirib. 1956-cı ildə fəaliyyətə başlayan Azərbaycan Televiziyasında da Qürbət müəllim fəaliyyət göstərib. O illərdə canlı olaraq uşaqlar üçün nümayiş olunan "Bilici baba" verilişində Bilici babanı canlandırır. 1967-1972-ci illərdə M. Əliyev adına Teatr İnstitutunun rejissorluq fakultəsində təhsil alıb. 1988-ci ildən etibarən xalq şairi Nəriman Həsənzadə nin dəvəti ilə o zamankı Ədəbiyyat və incəsənət qəzetində təsərrüfat müdiri vəzifəsində fəaliyyətə başlayıb. 1996-cı il yanvarın 17-də Qürbət Qurbanov yenidən Akademik Milli Dram Teatrına qayıdır və truppa müdiri vəzifəsini icra etməyə başlayır. 2000-ci ildə ümummilli liderimiz Heydər Əliyev Qürbət Qurbanovu Azərbaycan Respublikasının əməkdar mədəniyyət işçisi fəxri adına layiq görüb. 2003-cü il oktyabrın 9-da Qürbət Qurbanov Bakı şəhərində vəfat edib.