Qış sarayının Feldmarşallar zalı

Vikipediya, açıq ensiklopediya
Keçid et: naviqasiya, axtar

Feldmarşallar zalı

S.K. Zaryanko, 1836
Zalın sarayın planında yeri

Feldmarşallar zalı (rus. Фельдмаршальский зал) - Sankt-Peterburqdakı Qış sarayında Neva enfiladasına açılan böyük zaldır. Zal Rusiya feldmarşallarının şərəfinə inşa edilmişdir.

Tarixi[redaktə]

Zal 18331834-cü illərdə memar Oqüst Monferranın layihəsi əsasında inşa edilmişdi.[1] 1834-cü ildə zalda inşaat işləri tamamlandıqdan sonra, onun divarlarında Rusiya feldmarşallarının portretləri asılmışdı:P.A. Rumyantsev-Zadunayski (F.Rise), Q.A. Potyomkin (A. Viqi), A.V. Suvorov (N.S.Froste), M.İ.Kutuzov (P.Basin), İ.İ.Dibiç-Zabalkanski (P.Basin), İ.F.Paskeviç-İrəvanski (F.Krüger). Portretlər zaldakı yeddi nişdən altısında yerləşdirilmişdi.

17 dekabr 1837-ci ildə Qış sarayında baş vermiş və 30 saat ərzində nəhəng sarayı məhv etmiş yanğın məhz bu zaldan başlamışdı.[2]

Birinci dünya müharibəsi zamanı Feldmarşallar zalı Hospital palatası kimi istifadə olunmuşdu. 1917-ci ildən sonra zaldakı bütün rəsmlər çıxarılmış və ölkənin muzeylərinə paylanmışdı. 2004-cü ildən etibarən əsərlərin yenidən zala qaytarılmasına və bərpasına start verilmişdir. 2012-ci ilin martında uzun müddət fasilədən sonra bütün əsərlər yenidən zalda öz yerini tutmuşdur. XIX əsrdə olduğu kimi, yenə də yeddinci niş boş olaraq qalmaqdadır.

Hal-hazırda zalda Qərbi Avropa və Rusiya rəssamlarının əsərləri, həmçinin İmperator Farfor Zavodunun XIX əsrin I yarısına aid bəzi məhsulları sərgilənir.

Memarlıq xüsusiyyətləri[redaktə]

Yanğından sonra zal memar V. Stasov tərəfindən klassisizm stilində bərpa edilmişdi. Zalın dekorunda qızıl suyuna salınmış bürünc çilçıraqlar istifadə olunmuş, qrizal bəzəkləri kimi isə kubok formalı güldanlar və dəfnə çələnglərindən istifadə olunmuşdu.

1854-cü ildə zalın cənub divarında, Kiçik taxt zalına açılan qapının hər iki tərəfində, rəssam Oras Vernenin "Varşavanın ruslar tərəfindən mühasirəyə alınması" və rəssam Boqdan Villevaldenin "Vilaqosda rusların genaral Qerqenin rəhbərlik etdiyi macar ordusuna yol verməsi" adlı əsərləri asılmışdı.

İstinadlar[redaktə]

  1. Hermitage Museum (1833)
  2. Ermitajın saytı.

Ədəbiyyat[redaktə]

  • Budberg, Moura (1969). Great Palaces (The Winter Palace. Pages 194–201). London: Hamlyn Publishing Group Ltd. ISBN 0-600-01682-X.
  • Norman, Geraldine (1998). The Hermitage: The Biography of a Great Museum. New York: Fromm International Publishing. ISBN 0-88064-190-8.
  • Stuart, D (1982). Dear Duchess: Millicent, Duchess of Sutherland (1867 - 1955).. London: Victor Gollancz Ltd.. ISBN.
  • History of the Hermitage retrieved 1 November 2008

Koordinatlar: 59° şm. e. 30° ş. u. (G)