Qəhvəyi

Vikipediya, açıq ensiklopediya
Keçid et: naviqasiya, axtar
{{{title}}}
— Rəng koordinatları —
HEX #964B00
RGB¹ (r, g, b) (150, 75, 0)
CMYK² (c, m, y, k) (0, 50, 100, 41)
HSV (h, s, v) (30°, 100%, 59%)

¹: [0–255] ilə normallaşdırılmışdır
²: [0–100] ilə normallaşdırılmışdır

Qəhvəyi – rənglərdən biri.

Ümumi məlumat[redaktə]

Ağır, isti, qəmgin rəngdir. O, qocalığı simvolizə edir. İstifadə edildiyi məkanların həcmini kiçildir. Saturnun rəngidir.[1]

Qəhvəyi rəng qaynaqlarda qonur və dür rənglər eyni mənada izah olunmuşdur. Yəni qonur da, dor da şabalıdı, acıq şabalıdı, yanıq şabalıdı, qəhvəyi, acıq-qəhvəyi, xurmayı deməkdir.

Qəhvəyi (qonur, dor) – umumi rənglər aləmində uğur simvolu sayılır.

Amma bu da var ki, bəzən yazılışda və deyilişdə "dor" səhv olaraq "dür" şəklinə salınır. Misal ucun, Koroğlunun Qıratı ilə yanaşı, Doratı da vardır. Bu atın adı isə dastanda da, araşdırmalarda da "Dürat" olaraq gostərilir. Elə "Kitabi-Dədə Qorqud"da da Dədə Qorqudun Bamsı Beyrək ucun Banıcicəyi istəməyə – elciliyə gedəndə mindiyi atlardan da birinin adının "Dürü ayğır" olduğu bildirilir. Bu, çox ola bilsin ki, "Kitabi-Dədə Qorqud"un, eləcə də "Koroğlu" eposunun ilk əlyazma nusxələrinin ərəb əlifbasında olması faktı ilə əlaqədardır. Cünki ərəb əlifbasında "u", "o", "ö", "ü", "v" səsləri yalnız "ü" şəklində yazılır. Mətnləri oxuyanlar dur"un hec bir məna vermədiyi, "dor"un isə rəng adı olduğuna əhəmiyyət vermədiklərindən məsələ belə bir şəkil almışdır. Unudulmuşdur ki, türklərdə atlara ad, əsasən, rənglərinə görə verilir.

Qəhvəyi (qonur, dor) rənginin uğur rəmzi bildirdiyi üçün elə bu rənglərdə olan atların da hünərli, qacağan olması haqqında xəbərlər az deyil. Qonur rəngli atın üc günlük yolu bir gündə getməsi söylənilir. Elə Doratın da bu xasiyyətdə olması bildirilir. Dor rəngli atın qadirliyi haqqına olan bir məlumat olduqca maraqlıdır. Deyilənə gorə, İskəndər Zulqərneyn zülmət səfərinə hazırlaşarkən Ərəstunu yanına cağırıb bu səfər üçün at secməyi tapşırır. Ərəstunun cəm etdiyi atlar axurlara bağlanılır. Amma onlara yem və su verilmir. Üç gün kecəndən sonra gəlib görürlər ki, ...qırmızı, dördüncü gün sarı, beşinci gün qır, altıncı gün çil, yeddinci gün qara, səkkizinci gün dəmir qır, doqquzuncu gün acıq-qırmızı rəngdə olan atlar taqətdən duşub. Onuncu gün baxdıqda dor rəngli atın hələ də zəifləmədiyini görürlər. Deməli, bu rəngdə olan at aclığa, susuzluğa dözən atdır. Bundan sonra, səfər zülmətə olduğundan atları qaranlıqda sınayırlar. Zil qaranlıq gecədə onların yoluna qara rəngli tuk çəkirlər. Bunu qara və dor rəngli atlar görürlər. Buna görə İskəndərin zulmət səfəri üçün yüz iyirmi min qara və dor rəngli at tədarük edirlər.

Rənglər insan həyatında[redaktə]

Qəhvəyi rəngi xoşlayan insanlar xasiyyətcə təmkinli olurlar. Ancaq düşünülmüş addımlar atır, tənhalığı səs-küylü kampaniyalardan üstün tuturlar. Onlar münasibətdə çox ciddi, həyatda dözümlü və qənaətcil olurlar. Hakimiyyətdə olmağı sevir və ona can atırlar. Bu insanlar üçün ən əsası ayaqda möhkəm durmaqdır. Məhəbbətdə aktiv olur, vaxtlarının çox hissəsini sevgiyə həsr edirlər. Ətrafdakılara parlaq təsir bağışlamasalar da, onlara güvənmək olar. Dünyəvi problemlər üzərində düşünməyə meyillidirlər, qarşılarına qoyduqları məqsədə nə olur-olsun çatmağa can atırlar. Bu rəngi, adətən kamil insanlar seçirlər.[2]

İnsanın müxtəlif bədən üzvləri, bürcü, doğulduğu il onun xasiyyəti haqqında məlumat verdiyi kimi onun göz rəngi də insan haqqında ətraflı məlumat almağa imkan yarada bilər.

Qəhvə rəngli göz – belə insanların ən pis xüsusiyyəti özlər haqqında olan sirləri hamıya demələridir. Adətən "gözü bağlı" olurlar. Yaşadıqları uğursuzluqlar həyatda daha real qərarlar verməklərinə kömək edir. Qəhvərəngli gözlü insanlar başqalarını düşünən, hamı ilə yola getməyi bacarırlar. Amma bəzən onların sədaqətsiz olmaları və işlər istədiyi kimi getməyəndə, çox əsəbləşdiklərini görmək olar.[3]

İstinadlar[redaktə]

  1. Hər bürcün özünəməxsus rəngi var
  2. Rənglər haqqımızda nə deyir?
  3. Gözlərin rəngi insan haqda nə deyir?
Veb rəngləri Qara Gümüş Boz Qırmızı Tünd qırmızı Bənövşəyi Açıq bənövşəyi Yaşıl Açıq yaşıl Zeytun Sarı Narıncı Göy Tünd göy Firuzə Mavi
                                 
Yazılış black silver gray white red maroon purple fuchsia green lime olive yellow orange blue navy teal aqua