Qənirə Paşayeva

Qənirə Paşayeva
Qənirə Ələsgər qızı Paşayeva
Doğum tarixi:	24 mart 1975-ci il (1975-03-24)
Doğum yeri:	Düz Qırıqlı, Tovuz
Atası:	Ələsgər
Anası:	Tehran xanım

Paşayeva Qənirə Ələsgər qızı — jurnalist, millət vəkili, Gürcüstanın fəxri vətəndaşı.

Həyatı

Qənirə Paşayeva 1975-ci il martın 24-də Tovuz rayonunun Düz Qırıqlı kəndində anadan olmuşdur. Azərbaycan Dövlət Tibb Universitetinin pediatriya fakültəsini və Bakı Dövlət Universitetinin beynəlxalq hüquq fakültəsini bitirmişdir. Rus və ingilis dillərini bilir.

1998-ci ildən ANS televiziya şirkətinin Xəbərlər xidmətində reportyor, müxbir, redaktor, aparıcı redaktor, baş aparıcı redaktor, baş redaktorun müavini, Xəbərlər redaksiyası baş redaktorunun müavini vəzifələrində çalışmışdır. 2005-ci ildən Heydər Əliyev Fondunun İctimaiyyətlə əlaqələr departamentinin rəhbəridir.

2005-ci il noyabrın 6-da 105 saylı Tovuz seçki dairəsindən deputat seçilmişdir. Milli Məclisin Beynəlxalq münasibətlər və parlamentlərarası əlaqələr daimi komissiyasının üzvüdür. Azərbaycan-Gürcüstan parlamentlərarası əlaqələr üzrə işçi qrupunun rəhbəri, Azərbaycan-Hindistan, Azərbaycan-Türkiyə, Azərbaycan-Yaponiya parlamentlərarası əlaqələr üzrə işçi qruplarının, Avropa Şurasının Parlament Assambleyasında Azərbaycan nümayəndə heyətinin üzvüdür.

30 sentyabr 2011-ci il tarixində "İslahatçı Gənclər" İctimai Birliyi Qənirə Paşayevanı hər il ənənəvi olaraq təqdim etdiyi "Xəzər" Milli Mükafatının qaliblərindən biri elan edib.

Subaydır. Firuzə adlı mənəvi qızı var.

Kitabları

• Nobel mükafatlı qadınlar.Bakı: Elm və təhsil, 2009.

Məqalələri

• "Bülbül kimi gül aşiqi", "Ozan dünyası" jurnalı, №3(10) 2012.

Filmoqrafiya

1. Erməni soyqırımı. Türkün sözü (film, 2001)
2. Mənə inanın! (film, 2007)