Qala (film, 2008)

Bu məqalə Qala filmi haqqındadır. Digər mənalar üçün Qala (dəqiqləşdirmə) səhifəsinə baxın.

QALA
Ssenari müəllifi:	Şamil Nəcəfzadə, Ramiz Rövşən
Rejissor:	Şamil Nəcəfzadə
Operator:	Kənan Məmmədov
Rəssam:	Arif Məhərrəmov, Əziz Məmmədov
Bəstəkar:	Cahangir Zülfüqarov
Rollarda:	Rasim Balayev-Soltan Firəngiz Mütəllimova-Nazpəri Sona Mikayılova-Əsli
Janr:	Dram Faciəvi komediya
İlk baxış tarixi:	2 Avqust, 2008, Bakı
Dil:	Azərbaycan dili
Ölkə:	Azərbaycan
İstehsalçı qurum:	"Azərbaycanfilm" Kinostudiyası
Filmin növü:	Tammetrajlı Bədii Film
Rəng:	Rəngli
İl:	2008
Film çəkilən yerlər:	Bakı, Şirvanşahlar sarayı Bakı, Karvansara Bakı, Mərdəkan, Xanbaba hamamı Bakı, kinostudiyanın pavilyonu Gədəbəy, Koroğlu qalası Gədəbəy, Qala kəndi Gədəbəy, Slavyanka kəndi Gədəbəy, Zəhmət kəndi
Texniki məlumatlar:	35 mm
IMDb səhifəsi

Məzmun

Hadisələr təxminən 20-ci əsrin 90-cı illərində baş verir. Filmdə bir qala obrazı var və bu qala bütün hadisələrin şahididir. Dağların arasında ucqar bir kəndin yaxınlığındakı bu qədim qala vaxtilə düşmənlərin hücumuna məruz qalıb. Amma heç vaxt təslim olmayıb.

Kəndə film çəkən qrup gəlir. Burada olan tarixi qala uzun müddət baxımsızlıq ucbatından dağılmış, kənd camaatı onun daşlarını da söküb özləri üçün ev tikmişlər. Ancaq bu insanlar çəkiliş qrupunun bu qalaya göstərdiyi maraq nəticəsində ona münasibətlərini dəyişmişlər. İndi artıq onlar bu qalanı tək abidə kimi yox, həm də xalqın tarixi yaddaşının daşıyıcısı kimi qəbul edirlər.

Düşmənlə sərhəddə yerləşən kənd camaatı hər gün səksəkə içərisindədir. Və bir gün kəndi boşaltmaq lazım gəlir. Çünki düşmən sərhədi keçib, kəndə doğru böyük qüvvə ilə irəliləyir. Hamı kəndi qoyub gedir. Yalnız çəkiliş qrupu üzvlərindən biri kəndi tərk etmək istəmir və həmin qalada qalır. Deyir ki, nə qədər qaçacağıqsa, bizi bir o qədər də qovlayacaqlar.

Film haqqında

• Filmin nüsxəsi İranda çıxarılmış, səs yazılma prosesi isə Moskvada həyata keçrilmişdir. "Dolbi stereo" səs sistemi ilə yazılmışdır.
• Kütləvi səhnələrdə kənd camaatından istifadə olunub.
• Şamil Nəcəfzadə filmin süjetini hələ 1991-ci ildə yazmışdı.

Filmin heyəti

Film üzərində işləyənlər

Quruluşçu rejissor : Şamil Nəcəfzadə

Ssenari müəllifi : Şamil Nəcəfzadə, Ramiz Rövşən

Quruluşçu operator : Kənan Məmmədov

Quruluşçu rəssam : Arif Məhərrəmov, Əziz Məmmədov

Bəstəkar : Cahangir Zülfüqarov

Rejissor : Akif Rüstəmov

Rejissor assistenti : Murad Muradov, , Günel Nəcəfzadə, Natiq Əliyev (II)

Geyim rəssamı : Şahin Həsənov

Qrim rəssamı : Elbrus Vahidov

Prodüser : Xamiz Muradov, Rauf Atamalıbəyov, Timur Vaynşteyn

İcraçı prodüser : Arif Səfərov

Rollarda

Rasim Balayev-Soltan

Firəngiz Mütəllimova-Nazpəri

Sona Mikayılova-Əsli

Qorxmaz Əlili

Məbud Məhərrəmov

Elman Rəfiyev

Məmməd Əlili (II)-Xanbala

Qurban İsmayılov

Rasim Cəfərov

Zümrüd Qasımova

Alyona Zinovyeva

Yuliya Peresild

Vidadi Həsənov

Pərviz Məmmədrzayev-Osman

Həmçinin bax

	Azərbaycan kino sənəti portalı

Xarici keçidlər

Video

İzlə

YouTube

• Filmi izlə (azərbaycan dilində) sayt YouTube
• Filmi izlə (azərbaycan dilində, rus dilində altyazılı) sayt YouTube