Qao Sinszyan

Vikipediya, açıq ensiklopediya
Keçid et: naviqasiya, axtar

Qao Sinszyan

Qao Sinszyan

Qao Sinszyan 4 yanvar 1940-cı ildə Çinin o vaxtlar yaponlar tərəfindən işğal olunmuş Xançjo (Şanxay yaxınlığında) şəhərində anadan olub. Onun atası bank işçisi, anası isə aktrisa idi. Bu isə Mao Tsedzunun hakimiyyəti illərində Haonun həyatına təsirsiz ötüşmədi. Ailəlikcə təqiblərə məruz qalan Haogil, uzun müddət səfalət içərisində yaşamaq məcburiyyətində qaldılar. Belə ki, siyasi hakimiyyət həm ailəsini, həm də Haonu daim nəzarətdə saxlayır,onlara şəhəri tərk etməyi və ictimai yerlərdə görünməyi qadağan edirdi. Haonun gənclik illərində yazdığı əsərlərindən demək olar ki, heç nə qalmayıb. Evlərində axtarış aparıla biləcəyini əvvəlcədən hiss edən Hao bütün əlyazmalarını yandırmışdı. 1980-ci ildə Haonun "Qəlbimin dağı" adlı ilk romanının çapına icazə verilmir. Yalnız bir ildən sonra Hao "Müasir nəsr sənəti barədə bəzi düşüncələr" adlı ilk kitabının nəşrinə müvəffəq olur. Amma yenə də, teatrlarda Haonun yazdığı çoxsaylı pyeslərin səhnələşdirilməsinə icazə verilmirdi. 1982-ci ildə senzuradan keçdikdən sonra Çin teatrlarından birində Qao Syntszyan "Həyəcan siqnalı" adlı pyesi tamaşaya qoyulur. Lakin Haonun sevinci çox çəkmir. Onun "Avtobus dayanacağı" (1983), "Başqa sahil" (1986) adlı əsərləri "ideoloji cəhətdən təhlükəlidir" damğası ilə çapa verilmir. Haoya qarşı təqiblər artmağa başlayır. Belə olanda Hao şəhərdən qaçır və uzun müddət Siçuan meşələrində və dağlarında gizlənir. 1987-ci ildə Pekin Haonu tutur, lakin Çində qalmasını məqsədəuyğun hesab etməyərək Fransaya "sürgün edir". Sürgünün məqsədindən fərqli olaraq, Fransa Haoya çox doğma gəlir (o, Çində xarici dillər institutunun "Fransız dili" fakültəsini bitirib) və o, tezliklə burada normal həyat tərzinə qovuşur, əsərlərini heç bir maneəsiz nəşr etdirir. Buradaca ədəbiyyat sahəsində ilk mükafatını alır. Haonun əsərlərinin əsasını Çin QULAQının dəhşətli işgəncələri və bu işgəncələrə məruz qalanların həyatı təşkil edir. O, bütün yazılarında səmimidir, başına gələnləri əsərlərinə köçürür, milyonların düçar olduğu əzabdan və qurtuluş yollarından danışır. Bu ədəbi tənqidçilərin Haonun əsərləri haqqında dedikləridir. Haonun yaradıcılıq piki "Möcüzə yaradan dağlar" adlı 800 səhifəlik romanıdır. 1999-cu ildə o, dünyəvi problemləri işıqlandıran, həlli yollarını göstərən, bəşəriyyəti düşündürən, Çin nəsrini və dramaturgiyasını müasir səviyyəyə qaldıran əsərlərinə görə Nobel mükafatına layiq görülüb.

Xarici keçidlər[redaktə]

Həmçinin bax[redaktə]

VikiAnbarda Qao Sinszyan ilə əlaqəli mediafayllar var.