Qarabağ (futbol klubu, Ağdam)

"Qarabağ" futbol klubu
Klubun tam adı	"Qarabağ" futbol klubu
Rəngləri	mavi-ağ
Ləqəbi	"Atlılar" "Qaçqın klub" "Qafqazın "Barselona"sı" "Xalq komandası"
Yaranma tarixi	1951 / 1987
Stadionu	Quzanlı Olimpiya Kompleksi stadionu
Tutumu	2000
Prezidenti	Abdulbari Qoozal
Baş məşqçisi	Qurban Qurbanov
Liqa	Premyer liqa
Mövsüm	2011/2012
Sıra	IV
Rəsmi vebsaytı	qarabagh.com
Ev 　 Səfər

"Qarabağ" futbol klubu — Azərbaycanın Ağdam şəhərini təmsil edən peşəkar futbol klubu. 1993-cü ildə Ağdam şəhəri ermənilər tərəfindən işğal olunduqdan sonra, İmarət stadionundan didərgin düşən komanda, hazırda Bakıda fəaliyyət göstərir.

Adları

• "Məhsul": 1951—1977
• "Şəfəq": 1977—1982
• "Kooperator": 1982—1987
• "Qarabağ": 1987—2001
• "Qarabağ-Azərsun": 2001—2004
• "Qarabağ": 2004-cü ildən indiyə kimi

Qeyd edək ki, komandanın yaranma tarixi 1951-ci ildən başlasa da Qarabağ adı ilə 1987-ci ildə yaranmışdır.

Tarixi

1950-ci illər

1953-cü ildə Ağdamda futbol komandası

Klubun yaranma tarixi 1950-ci illərin əvvəllərinə təsadüf edir. Belə ki, 1951-ci ildə Ağdam şəhər stadionunun tikintisi başa çatdıqdan sonra klubun da peşəkar bir idman təşkilatı kimi formalaşdırılması sahəsində ciddi işlər görüldü.

1960-cı illər

Yarandığı gündən sonra bir müddət "Məhsul" adı çıxış edən "Qarabağ" ilk dəfə 1966-cı ildə Azərbaycan SSR çempionatında iştirak etmişdir. Həmin il çempionatı 4-cü yerdə başa vuran "Qarabağ" 4 il ardıcıl olaraq ölkə birinciliyində mübarizə apardı. Bu illər ərzində ən yaxşı nəticəni 1968-ci ildə 2-ci yeri tutmaqla qazandı. Lakin 1968-ci ildən sonra baxımsızlıq üzündən Ağdam uzun müddət ölkə çempionatlarında təmsil olunmadı.

1970-1980-ci illər

"Qarabağ" "İmarət"də. 1988/1989 mövsümü

1977-ci ildə "Qarabağ" yenidən "Şəfəq" adı ilə bərpa edildi. Elə həmin il "Şəfəq" Azərbaycan SSR çempionatının 2-ci dəstəsində yarışdı. "Şəfəq" 1982-ci ilə qədər Ağdam futbolunun yeganə təmsilçisi oldu. 1982-ci ildən 1987-ci ilə qədər isə klub "Kooperator" adı ilə yarışlara qatıldı. "Qarabağ" ilk dəfə Azərbaycan SSR çempionu adına 1988-ci ildə – Azərbaycan keçmiş SSRİ-nin tərkibində olarkən layiq görüldü. Həmin çempionluqdan sonra "Qarabağ" SSRİ çempionatının 2-ci dəstəsinə vəsiqə qazandı. 1989-cu ildə "Qarabağ" SSRİ çempionatının 9-cu zonasında yarışdı. 1990-cı ildə SSRİ çempionatının 2-ci dəstəsinin zona yarışlarında dəyişiklik edildiyindən "Qarabağ" Azərbaycan SSR çempionatının zona yarışlarında iştirak etmək məcburiyyətində qaldı.

1990-cı illər

1990-cı illərin əvvəlləri

1991-ci ildə SSRİ dağılandan sonra Azərbaycan Respublikasının müstəqil futbol çempionatı təşkil olundu. "Qarabağ" Azərbaycanın yeganə klublarından biridir ki, ilk çempionatdan başlayaraq indiyə qədər keçirilən çempionatların hamısında iştirak edib. Təbii ki, müstəqillik illərində "Qarabağ"ın ağır günləri də az olmayıb. Azərbaycan tarixinin ən qara günlərdən biri olan Ağdam şəhərinin işğalı günü (23 iyul 1993-cü il) "Qarabağ" komandasının tarixində də ən qara gündür – həmin tarixdən etibarən komanda "qaçqın klub" kimi fəaliyyət göstərir.

Qeyd edək ki, 1992-1993-cü illərdə rəqiblərini Ağdamda qəbul edən "Qarabağ" burada 28 oyun keçirib. "Qarabağ" Ağdamda keçirdiyi son 22 matçda qalib gəlib. Əyalət təmsilçisinin evdə son məğlubiyyətindən isə daha uzun 27 oyunluq seriya keçir. Maraqlıdır ki, "Qarabağ"ın Ağdamda uduzduğu yeganə oyun onların müstəqilik tarixindəki ilk qarşılaşması olub. Və məğlubiyyətlə başlayan tarix qələbə seriyası ilə davam edib

"İmarət"də son...

• ... son oyun — "Qarabağ" – "Turan" 1:0 (Azərbaycan kubokunun yarımfinalı, 12.05.1993)
• ... son qol — Yaşar Hüseynov ("Qarabağ" – "Turan" 1:0, Azərbaycan kubokunun yarımfinalı, 12.05.1993)
• ... son fiti çalan hakim — Rüstəm Rəhimov ("Qarabağ" – "Turan" 1:0, Azərbaycan kubokunun yarımfinalı, 12.05.1993)
• ... son sarı vərəqə — Vəli Hüseynov ("Qarabağ" – "Turan" 1:0, Azərbaycan kubokunun yarımfinalı, 12.05.1993)
• ... son çempionat oyunu — "Qarabağ" – "Xəzər" (Sumqayıt) 1:0 (09.05.1993)
• ... son qırmızı vərəqə — Aqil Məmmədov ("Qarabağ" – "Xəzər" (Sumqayıt) 1:0, 09.05.1993)
• ... son penalti — Mehman Alışanov ("Qarabağ" – "Xəzər" (Sumqayıt) 1:0, 09.05.1993)
• ... qonaqların son qolu — Samir Ələkbərov ("Qarabağ" – "Neftçi" 2:1, Azərbaycan kubokunun ¼ finalı, 28.04.1993)
• ... son heç-heçə — "Qarabağ" – "Kəpəz" 0:0 (24.06.1992)
• ... son məğlubiyyət — "Qarabağ" – "İnşaatçı" (Sabirabad) 1:2

1990-cı illərin sonları

XX əsrin son illərində klub maddi sıxıntılardan ciddi əziyyət çəkirdi. Məhz bu səbəbdən 1998-2001-ci illərdə ölkə çempionatının güclülər dəstəsində zəif nəticə göstərdi. Üstəlik maddi vəziyyət klubun aparıcı futbolçularının da "Qarabağ"ı tərk etməsinə gətirib çıxartdı.

Bütün bunlara baxmayaraq "Qarabağ" Avrokuboklarda Azərbaycan klublarından ilk dəfə mərhələ adlayan "Qarabağ"ın uğuru da məhz bu dövrə təsadüf edir. İsrailin "Makkabi" klubu ilə oyunlarda qazanılan qələbə Azərbaycan futbolunun tarixində ilk dəfə olaraq Azərbaycana "böyük beşlik" təmsilçisi gəlmişdir. Bu Fransanın "Monpelye" klubu idi.

2000-ci illər

Qarabağ-Azərsun

XXI əsrin əvvəlində klub maddi problemlərlə üz-üzə qaldı. Bu problemlər 2001–ci ildə Azərbaycanda fəaliyyət göstərən ən böyük holdinqlərdən biri olan "Azərsun" şirkətinin komandanı sponsorluğa götürməsindən sonra həll olundu. "Azərsun" Holdinq şirkəti "Qarabağ"ın inkişafı üçün əməli işə girişdi. Şirkətin prezidenti Abdulbari Qoozalın bilavasitə şəxsi köməkliyi ilə komandanın maddi problemləri həll olundu. İmkansızlıq ucbatından digər klublara keçmiş eks-qarabağlılar heyətə qaytarıldı və həmin dövrdən klub "Qarabağ-Azərsun" adı ilə çıxış etməyə başladı.

Maddi vəziyyətin düzəlməsi klubun nəticələrinə də təsir göstərdi. 2001-ci ildə "Qarabağ-Azərsun" ölkə çempionatında 9–cu yeri tutsa da qarşıdakı mövsümə hazırlıq işləri ciddi gedirdi və iddiası böyük olan klubun qarşısına ən yüksək yerləri tutmaq vəzifəsi qoyulmuşdu. Lakin həmin dövrdə Azərbaycan futbolunda baş verən böhran səbəbindən ölkədə 2002-2003-cü ildəki çempionat yarımçıq dayandırıldığı üçün qarşıya qoyulan məqsədə nail olmaq mümkün olmadı.

Azərbaycan futbolundakı böhran başa çatdıqdan sonra, 2003-cü ildə "Qarabağ-Azərsun"un rəhbər strukturunda bir sıra dəyişikliklər aparıldı və Tahir Qoozal komandanın vitse-prezidenti təyin edildi. Tahir Qoozalın kluba gəlişindən sonra "Qarabağ"ın tarixində sanki yeni səhifə açıldı. Komandanın ölkə çempionatında uğur qazanması üçün bütün imkanlar səfərbər edildi. Və məhz bu səylərin nəticəsi idi ki, 2003-2004-cü il mövsümündə "Qarabağ" uzun fasilədən sonra yenidən Azərbaycan çempionatının mükafatçıları sırasında yer aldı və birincilikdə ilk dəfə bürünc medalları qazandı.

Tarixi adın bərpası və yeni loqotip

"Qarabağ"ın rəhbərliyi 2004-2005-ci il mövsümündə İsveçdə yaşayan təcrübəli məşqçi İqor Ponomaryovu baş məşqçi postuna təyin etdi. Bundan sonra qısa zamanda Azərbaycanın müxtəlif yaş qruplarına aid yığma komandalarının üzvü olan bir sıra futbolçular heyətə cəlb olundu. Tahir Qoozalın təşəbbüsü ilə 2004-cü ildə "Qarabağ"ın tarixi adı özünə qaytarıldı və komanda yenidən bu adla adlandırılmağa başlandı.

Qarabağ atının təsviri Azərbaycanın poçt markası üzərində

Bundan başqa Tahir bəy klub üçün yeni loqotip də hazırlatdırdı. İngiltərədə dizaynerlər tərəfindən hazırlanan bu loqotipdə "Qarabağ"ın simvolu olan Qarabağ atları təsvir olunub. Loqotipi bundan başqa futbola aid müxtəlif atributlar bəzəyir.

Əvvəlki loqotip	İndiki loqotip

Qurban Qurbanov komandanın "sükanı arxasında"

2008-ci ildən komandanın baş məşqçi Qurban Qurbanovdur

Hələ 1999-cu ildə "Qarabağ" avrokubokda ilk mərhələ adlayan Azərbaycan təmsilçisi kimi tarixə düşsə də, sonradan ta ki, Qurban Qurbanov komandanın "sükanı arxasına" keçənədək bu uğurun davamı gəlməmişdir. Baş məşqçi kimi ilk iş yeri olan "Neftçi"dən istefaya göndərildikdən sonra, gənc çalışdırcı 2008-ci ildə Ağdam təmsilçisi ilə anlaşır. Bundan sonra işğal altında olan bir rayonu təmsil edən klubun sonrakı illərdəki uğurlarının əsas memarı olur.

Klubun rəngləri

Mavi

Ağ

Ləqəbləri

Komandanın konkret bir ləqəbi olmasa da müəyyən dövrlərdə müəyyən ləqəbləri qazanmışdır. Azarkeşlərin və yerli medianın ona verdiyi bu ləqəblər aşağıdakılardır:

"Atlılar"

"Qarabağ"ın ləqəbləri içərisində ən qədimi "Atlılar" ləqəbidir. Ləqəb "Qarabağ" atları ilə əlaqəlidir. İngiltərədə xüsusi dizaynerlər tərəfindən hazırlanan loqotipdə də "Qarabağ"ın simvolu olan atlar təsvir olunub.

"Qaçqın klub"

1993-cü ildə Ağdam şəhəri ermənilər tərəfindən işğal olunduqdan sonra doğma İmarət stadionundan didərgin düşən komanda məcburi olaraq "Qaçqın klub" adını almışdır.

"Qafqazın "Barselona"sı"

2009-cu il. UEFA Avropa Liqası. "Rusenborq" üzərində qələbə, ardından "Honka" ilə hər iki oyunda qələbə... Bütün bunlar komandaya yeni ad qazandırdı: "Qafqazın "Barselona"sı"

"Xalq komandası"

2009-2010-cu illərdə Qitə miqyasında əldə etdiyi uğurlu nəticələr Azərbaycan xalqının diqqətini bu komandaya yönəltdi. Xalqın tələblərinə cavab verməsi, xüsusilə də, adında Azərbaycan xalqının ağrı-acısını daşıması, heyətinin çox böyük əksəriyyətinin sırf azərbaycanlılardan ibarət olması və bu kimi digər amillər onu "Xalq komandası"na çevirdi.

Qardaşlaşdığı komandalar

"Qarabağ"ın qardaşı "Tvente"nin loqosu

Vaqif Cavadov "Tvente"də

"Qarabağ"ın ilk qardaşlaşdığı komanda Niderlandın Enshede şəhərinin "Tvente" klubudur. Onlar bu barədə 2009-cu ilin yayında – UEFA Avropa Liqasının pley-off mərhələsində qarşılaşdıqları zaman razılığa gəliblər. Bu razılığın ilkin nəticəsi olaraq "Qarabağ"ın gənc futbolçusu Vaqif Cavadov "Tvente" klubuna transfer olunmuşdur. Vaqif 11 yanvar 2010-cu ildə "Tvente" klubu ilə 4,5 illik (3,5 + 1 il) müqaviləyə imza atıb..

"Qarabağ"ın bütün qardaşlaşdığı komandaların siyahısı aşağıdakı kimidir:

• Tvente (Enshede)

Uğurları

Ölkədaxili turnirlərdə

Azərbaycan Superkuboku

• • Qalib (1) — 1994

Azərbaycan çempionatı

• • Qızıl medal (1) — 1993
  • Gümüş medal (2) — 1993/1994, 1996/1997
  • Bürünc medal (3) — 2003/2004, 2009/2010, 2010/2011

Azərbaycan Kuboku

• • Qalib (3) — 1993, 2005/2006, 2008/2009
  • Finalçı (3) — 1995/1996, 1997/1998, 1999/2000

Azərbaycan SSR Milli Futbol Çempionatı

• • Çempion (1) — 1988

Beynəlxalq arenada ən yaxşı nəticələri

UEFA Avropa Liqası

• • Pley-off (2) — 2009/2010, 2010/2011

Birlik Kuboku

• • 5-ci yer (1) — 1994

Azərbaycan Çempionatında və Kubokunda

Mövsüm	Liqa	Yer	O	Q	H	M	VT	BT	Xal	Ölkə kuboku	VT
1992	Güclülər Dəstəsi	4	36	24	7	5	76	26	55	iştirak etməyib
1993	Güclülər Dəstəsi	1	18	9	7	2	23	11	25	Qalib	25
1993/1994	Güclülər Dəstəsi	2	30	21	7	2	52	12	49	1/2 final	16
1994/1995	Güclülər Dəstəsi	4	24	13	6	5	42	31	32	1/8 final	4
1995/1996	Güclülər Dəstəsi	5	20	4	9	7	25	26	21	Finalçı	13
1996/1997	Güclülər Dəstəsi	2	30	23	2	5	61	25	71	1/2 final	14
1997/1998	Güclülər Dəstəsi	4	26	14	7	5	43	22	49	Finalçı	19
1998/1999	Güclülər Dəstəsi	4	36	20	6	10	50	29	66	1/8 final	9
1999/2000	Güclülər Dəstəsi	8	22	5	10	7	21	25	25	Finalçı	6
2000/2001	Güclülər Dəstəsi	9	20	5	4	11	19	34	19	1/8 final	1
2001/2002	yarımçıq dayandırılıb										6
2002/2003	oynanılmadı
2003/2004	Güclülər Dəstəsi	3	26	19	3	4	63	17	60	1/2 final	12
2004/2005	Güclülər Dəstəsi	6	34	22	5	7	61	31	71	1/8 final	12
2005/2006	Güclülər Dəstəsi	5	26	12	4	10	32	32	40	Qalib	14
2006/2007	Güclülər Dəstəsi	8	24	6	9	9	20	27	27	1/8 final	8
2007/2008	Premyer Liqa	5	26	11	8	7	25	16	41	1/4 final	11
2008/2009	Premyer Liqa	5	26	14	7	5	35	22	49	Qalib	9
2009/2010	Premyer Liqa	3	22	11	9	2	21	12	42	1/4 final	6
2010/2011	Premyer Liqa	3	32	17	7	8	41	22	58	1/8 final	0
2011/2012	Premyer Liqa	4	32	15	8	9	37	28	53	1/2 final	6

Azərbaycan çempionatında yubiley qolları

yubiley qolu	müəllif	tarix	rəqib	meydan	yubiley qolunun dəqiqəsi
1	Mehman Alışanov	03.05.1992	İnşaatçı (Sabirabad)	e	4
100	Səttar Əliyev	30.09.1993	Xəzər (Sumqayıt)	e	69
200	Müşfiq Hüseynov	01.10.1995	Kür-Nur (Mingəçevir)	e	-
300	Bəxtiyar Musayev	22.11.1997	Neftçi (Bakı)	e	64
400	Elmir Xankişiyev	03.04.2000	Şəfa (Bakı)	s	13
500	Eldəniz Məmmədov	13.09.2003	Şahdağ-Samur (Qusar)	s	89
600	Vasif Haqverdiyev	29.04.2006	MOİK (Bakı)	e	14
700	Rəşad Sadiqov	06.12.2009	Qəbələ (Qəbələ)	s	78

UEFA turnirlərində

Əsas məqalə: Azərbaycan klubları UEFA turnirlərində

"Qarabağ" UEFA bayrağı altında keçirilən və Azərbaycan klublarının qatıldığı 5 qitə turnirinin 4-də, ümumilikdə 8 dəfə iştirak edib. "Qarabağ"ın iştirak etmədiyi yeganə turnir UEFA Çempionlar Liqasıdır.

UEFA turnirlərindəki statistika

Mənbə: uefa.com
Son yenilənmə: 07 iyul 2010

Turnir	İştirak	Oyun	Q	H	M	T/F	T/B
UEFA Kuboklar Kuboku	2	4	0	1	3	1 – 12	-11
UEFA Kuboku	3	6	0	1	5	2 – 15	-13
UEFA İntertoto Kuboku	1	4	1	0	3	2 – 11	-9
UEFA Avropa Liqası	3	20	10	6	4	27 – 20	+7
Cəmi	9	34	11	8	15	32 – 58	-26

UEFA turnirlərindəki oyunlar

Mövsüm	Turnir	Mərhələ	Rəqib	I oyun	II oyun	Nəticə
1996/1997	UEFA Kuboklar Kuboku	I t/m.	MüPa-47 (Anyalankoski)	(e) 0:1	(s) 1:1 ə.v.	1-2
1997/1998	UEFA Kuboku	I t/m.	Yablonets (Yablonets nad Nisou)	(s) 0:5	(e) 0:3	0-8
1998/1999	UEFA Kuboklar Kuboku	I t/m.	Kopenhagen (Kopenhagen)	(s) 0:6	(e) 0:4	0-10
1999	UEFA İntertoto Kuboku	I mər.	Makkabi (Hayfa)	(s) 2:1	(e) 0:1	2-2 s.q.
		II mər.	Monpelye (Monpelye)	(e) 0:3	(s) 0:6	0-9
2004/2005	UEFA Kuboku	I t/m.	Dukla (Banska-Bistritsa)	(s) 0:3	(e) 0:1	0-4
2006/2007	UEFA Kuboku	I t/m.	Zimbru (Kişnyov)	(s) 1:1	(e) 1:2 ə.v.	2-3
2009/2010	UEFA Avropa Liqası	II t/m.	Rusenborq (Tronheym)	(s) 0:0	(e) 1:0	1-0
		III t/m.	Honka (Tapiolan)	(s) 1:0	(e) 2:1	3-1
		pley-off	Tvente (Enshede)	(s) 1:3	(e) 0:0	1-3
2010/2011	UEFA Avropa Liqası	I t/m.	Metalurq (Skopye)	(e) 4:1	(s) 1:1	5-2
		II t/m.	Portadaun (Portadaun)	(s) 2:1	(e) 1:1	3-2
		III t/m.	Visla (Krakov)	(s) 1:0	(e) 3:2	4-2
		pley-off	Borussiya (Dortmund)	(s) 0:4	(e) 0:1	0-5
2011/2012	UEFA Avropa Liqası	I t/m.	Banqa (Qarqcay)	(s) 4:0	(e) 3:0	7-0
		II t/m.	EB (Streymur)	(s) 1:1	(e) 0:0	1-1 s.q.
		III t/m.	Brügge (Brügge)	(s) 1:4	(e) 1:0	2-4

UEFA turnirlərində "Qarabağ"ın Azərbaycan siftələri

"Qarabağ" avrokuboklarda Azərbaycanın bir sıra "siftə"lərinə imza atıb. Belə ki, avrokuboklarda səfərdə ilk xal məhz bu komanda sayəsində qazanılıb. Ağdam klubu qitə miqyasında debüt mövsümündə Bəxtiyar Musayevin vurduğu qol sayəsində buna nail olmuşdu. Həmin qol Azərbaycan klublarının UEFA Kuboklar Kubokunda vurtduğu ilk və son qol idi.

Azərbaycan klublarından avrokuboklarda ilk dəfə mərhələni İsrailin "Makkabi" klubunu yenən "Qarabağ" keçib. "Qarabağ"ın məşqçisi Müşfiq Hüseynov 1999-cu ildə hücumçu kimi UEFA İntertoto Kubokunda Hayfa təmsilçisi ilə görüşdə etdiyi dublla qələbənin memarı olub – 2:1. Bu, eyni zamanda Azərbaycan klublarının Avropa miqyasında ilk səfər qələbəsi kimi tarixə düşüb.

Nəhayət, UEFA Kubokunun xələfi, UEFA Avropa Liqası adlanan turnirdə iki mərhələni ilk keçən də "Qarabağ"dır. 2009-cu ildə Skandinaviya təmsilçilərini yenən ağdamlıların xüsusilə "Rusenborq" kimi güclü klubu turnirdən kənarlaşdırması Avropada da böyük əks-səda doğurdu.

2010-cu ildə isə UEFA Avropa Liqasında ardıcıl üç mərhələ keçərək daha bir tarix yazdı. Bu da Azərbaycan futbolu tarixində ilk dəfə idi. Həmin turnirin III təsnifat mərhələsində "Visla"nın mübarizədən kənarlaşdırılması isə Azərbaycan futbolundakı "Polşa sindromu"na son qoydu.

2011-ci ilin 30 iyununda UEFA Avropa Liqasında ilk dəfə Azərbaycan komandası səfərdə 3 və ya daha çox top fərqi ilə qalib gəldi ki, bu qələbə də "Banqa"nı səfərdə 4:0 hesabı ilə məğlub edən "Qarabağ"ın aktivindədir. Bu qələbə eyni zamanda Azərbaycanın avrokuboklarda ən böyük hesablı qələbəsidir.

Birlik Kubokundakı iştirakı

Əsas məqalə: Azərbaycan Birlik Kubokunda

Ağdamlılar 1994 və 2004-cü illərdə 2 dəfə Birlik Kubokunda iştirak etmişdir.

Birlik Kubokundakı bütün oyunları

№	Tarix	Mərhələ	Adı	Rəqib	Hesab
2-ci Birlik Kuboku – Moskva 1994
1	29.01.1994	Qrup	Qarabağ	Sitora	4:0
2	30.01.1994	Qrup	Qarabağ	Romar	2:1
3	31.01.1994	Qrup	Qarabağ	Dinamo T.	0:3
12-ci Birlik Kuboku – Moskva 2004
4	17.01.2004	Qrup	Qarabağ-Azərsun	U-18	0:1
5	18.01.2004	Qrup	Qarabağ-Azərsun	Şerif	0:0
6	20.01.2004	Qrup	Qarabağ-Azərsun	Kaunas	0:3

Birlik Kubokundakı nəticəsi

İl	Yer	Adı	O	Q	H	M	T/F	B	Xal
1994	5	Qarabağ	3	2	0	1	6:4	+2	6
2004	13	Qarabağ-Azərsun	3	0	1	2	0:4	-4	1
2 turnir	V yer	Cəmi	6	2	1	3	6:8	-2	7

Beynəlxalq Futbol Tarixi və Statistikaları Federasiyasının reytinq cədvəlində

2009/2010 mövsümündə "Qarabağ"ın Avropa Liqasındakı uğurlu çıxışı komandanın reytinqinin yüksəlməsinə səbəb olub. Azərbaycanın müstəqillik tarixində ilk dəfə reytinq gətirən yarışda 2 mərhələ keçən komanda 11 xal toplamaqla Beynəlxalq Futbol Tarixi və Statistikaları Federasiyasının (İFFHS) reytin cədvəlində dünyanın 350 ən güclü klubunun sırasına düşüb. "Qarabağ" İFFHS-in siyahısında 418-ci pillədən 279-cu yerə yüksəlib. Növbəti ayda daha 20 pillə irəliləyən "Qarabağ" aktivindəki 76,5 xal ilə "CAPS United Harara" (Zimbabve") və "Falkirk" (Şotlandiya) komandaları ilə birgə 259-cu pilləyə şərik çıxmışdır. Dünya klublarının reytinq cədvəlində yüksəlişi davam etdirən Ağdamlılar 2009-cu ilin dekabr ayının əvvəlinə olan reytinqdə 249-cu pillədə qərarlaşmışdır.

2010/2011 mövsümündə də "Qarabağ"ın uğurlu çıxışı davam etmişdir. Belə ki, 30 iyul 2010-cu ildə açıqlanmış son siyahıda isə "Qarabağ" 88,5 xal ilə 189-cu pillədə qərarlaşmışdır.

2010-cu il noyabrın 26-da açıqlanan klublarının XXI əsr üçün reytinqində isə ilk onilliyi 357 xal ilə Azərbaycan klubları arasında 2-ci, dünyada isə 339-cu pillədə başa vurmuşdur.

Komandanın heyəti

8 avqust 2010 tarixinə olan məlumat:

Şəkil	Nömrəsi	Vətəndaşlığı	Mövqe	Adı	Təvəllüdü	Şəkil	Nömrəsi	Vətəndaşlığı	Mövqe	Adı	Təvəllüdü
	1		qapıçı	Fərhad Vəliyev (V-K)	01.11.1980		13		yarımmüdafiəçi	Samir Abbasov	01.02.1978
	2		müdafiəçi	Qara Qarayev	12.10.1992		14		müdafiəçi	Rəşad Sadıqov	16.06.1982
	3		müdafiəçi	Avtandil Hacıyev	13.08.1981		15		yarımmüdafiəçi	Ayxan Abbasov	25.08.1981
	4		müdafiəçi	Zaur Həşimov	24.10.1981		16		yarımmüdafiəçi	Rəşad Kərimov	02.04.1986
	5		müdafiəçi	Maksim Medvedev	29.09.1989		17		hücumçu	Vüqar Nadirov	15.06.1987
	6		yarımmüdafiəçi	Rəşad Sadiqov	08.10.1983		22		yarımmüdafiəçi	Əfran İsmayılov	08.10.1988
	7		yarımmüdafiəçi	Namiq Yusifov	14.08.1986		23		hücumçu	Tural İsgəndərov	09.02.1992
	8		yarımmüdafiəçi	Aslan Kərimov	01.01.1973		24		müdafiəçi	Admir Teli	02.06.1981
	9		yarımmüdafiəçi	Elvin Məmmədov	18.07.1988		25		müdafiəçi	Ansi Aqolli	11.10.1982
	10		yarımmüdafiəçi	Emin İmaməliyev	07.08.1980		31		yarımmüdafiəçi	Andrey Rubins	26.01.1978
	11		hücumçu	Rauf Əliyev	12.02.1989		77		hücumçu	Georgi Adamiya	10.03.1981
	12		qapıçı	Sahil Kərimov	22.01.1979		99		qapıçı	Osman Umarov	10.02.1990

Komandanın keçmişində əməyi olanlar

Keçmişindəki məşhur futbolçular

• Müşfiq Hüseynov
• Samir Abbasov
• Samir Musayev
• Tərlan Əhmədov
• Vaqif Cavadov
• Aslan Kərimov
• Anatoli Ponomaryov
• Sahil Kərimov
• Vidadi Rzayev
• Rəşad Sadıqov
• Rəşad Sadiqov
• Zaur Ramazanov
• Admir Teli
• Aleksandr Qoqoberişvili
• Georgi Adamiya
• Artyom Şakiri
• Əliyar İsmayılov
• Denis Sokolovski

Əvvəlki baş məşqçiləri

• Allahverdi Bağırov
• Ağasəlim Mircavadov
• Böyükağa Ağayev
• Elşad Əhmədov
• Şahin Diniyev
• İqor Ponomaryov
• Elxan Abdullayev
• Rasim Kara

Əvvəlki prezidentləri

• Yunis İldırımzadə

İndiki rəhbərlik

Vəzifəsi	Adı
Prezident	Abdulbari Qoozal
Vitse-prezident	Tahir Qoozal
Klub direktoru	Emrah Çelikel
Maliyyə direktoru	Murat Karaman
İdarə və Maliyyə işlər üzrə menecer	Asif Əsgərov
Mətbuat katibi	Nurlan İbrahimov
Baş məşqçi	Qurban Qurbanov
Məşqçi	Elçin Rəhmanov
Məşqçi	Cudomir Cakarov
Məşqçi	Müşviq Hüseynov
Məşqçi	Elşad Xudadatov
Məşqçi	Elxan Həsənov

Şəkillər

Komanda

Türkiyədə məşq zamanı. 27 iyun 2009	"Tvente"yə transfer olunan Vaqif Cavadov	Əfran İsmayılov oyunda

Həmçinin bax

• İmarət stadionu
• Azersun Holdinq

Xarici keçidlər

• "Qarabağ" Futbol Klubunun Rəsmi Saytı (azərb.) (ing.) (rus.)
• "İmarət" Fan Klubun Saytı (azərb.)
• "Azersun Holding"in Rəsmi Saytı (azərb.) (ing.) (rus.) (türk.)
• Qarabağ pfl.az Saytında (azərb.)
• Qarabağ uefa.com Saytında (ing.)
• Qarabağ playerhistory.com Saytında (ing.)
• Qarabağ transfermarkt.de Saytında (alm.)
• Qarabağ eufo.de Saytında (alm.)
• Qarabağ weltfussball.de Saytında (alm.)
• Qarabağ national-football-teams.com Saytında (ing.)
• Qarabağ soccerway.com Saytında (ing.)
• Qarabağ betstudy.com Saytında (ing.)