Qaranlığın ordusu (film, 1992)

Vikipediya, azad ensiklopediya
Naviqasiyaya keçin Axtarışa keçin
Qaranlığın ordusu
ing. Army of Darkness
Janr Qara komediya
Əsas mövzu Zamanda səyahət, Demon
Rejissor Sem Reymi
Prodüserlər Robert Teypert
Brüs Kempbell
Dino De Laurentis
Ssenari müəllifləri Sem Reymi
Ayvan Reymi
Baş rollarda Brüs Kempbell
Embedt Devitz
Bricit Fonda
Operator Bill Poul
Bəstəkar Cozef LoDuka
Rəssamlar Entoni Tremble
Aram Allan
Ayda Ciron
Mişel Pulik
İstehsalçılar Dino De Laurentiis Communications
Renaissance Pictures
Distribütor Universal Pictures, Netflix
İlk baxış tarixi İspaniya 9 oktyabr 1992
Müddət 95 dəqiqə
Büdcə $13 milyon
Gəlir $21,502,796[1]
Ölkələr ABŞ ABŞ
Dil İngilis dili
İl 1992
Əvvəlki film Qorxunc ölülər 2
Rəng rəngli
IMDb ID0106308
Vikianbarın loqosu Vikianbarda əlaqəli mediafayllar

Qaranlığın ordusu (ing. Army of Darkness) – 1992-ci ildə "Qara Komediya" janrında çəkilən ABŞ filmidir. Filmin rejissoru və ssenaristi Sem Reymidir. Filmin distribütori Universal Studios və Metro-Goldwyn-Mayer studiyalarıdır.

Məzmun[redaktə | mənbəni redaktə et]

Xəbərdarlıq Xəbərdarlıq: Yazının davamı əsərin məzmunu haqqında məlumat ehtiva edir.

Əvvəlki filmlərdə İblisləri sərbəst buraxan "Ölülərin kitabı" (ing. Book of the Dead) mənasına gələn "Necronomicon ex Mortis" adlı kitabı tapan Eş Vilyams sehirli sözlər deyərək avtomobili ilə birlikdə zaman çuxuru tərəfindən 1318-ci ilə düşür. Eş 1318-ci ilə düşən zaman düşdüyü yerin insanları onu ingilis cəngavərləriylə döyüşən Skoç Dyuk Henrinin adamlarından biri sayaraq onu əsir götürür və aparırlar. Rahib onun səmadan gələn xilaskar sayaraq silahlarını saxlayır. Eş qalada öldürülməsi üçün İblisə bənzər bir varlığın yaşadığı çuxura atılır. Eş onunla mübarizə aparan zaman Rahib onun zəncirli mişarını verir. Həmin varlığın üzərində qələbə çalan Eş çuxurdan çıxır. "Boomstick" dediyi tüfəngini tapan Eş öz zamanına geri dönməsinə kömək etmələri üçün çuxur ətrafından toplaşan insanları qorxudur. Rahibə görə Eşi geri göndərməyin tək yolu "Necronomicon ex Mortis" kitabını tapıb gətirmək və bu zaman sehrli sözlər söyləməkdir. Bu müddətdə Eş Şeyla adlı xanıma aşiq olur.

Eş Vilyams "Necronomicon ex Mortis" kitabını tapmaq üçün yola çıxır. Bu zaman pərili meşədən keçər. Görünməyən varlıqlar isə Eşi izləməyə başlayır. İki ağacın arasından keçərkən ona siması görünməyən qəribə sifət baxır. Bu zaman varlıqlardan qaçan Eş yeldəyirmana tərəf sığınır. Lakin Eç burada səhvən bir ayna qırar. Bu zaman Eşin aynanın qırıq parçalarındakı əks olunmaları canlanır və onlar Eşə əziyyət verməyə başlayırlar. Onlardan biri Eşin mədəsini girir. Eş isə qaynar su içərək onu öldürməyə çalışır. Bir müddət sonra Eşin çiynindən kəllə çıxmağa başlayır. Eş təşvişə düşərək meşəyə qaçır. Meşədə isə pis Eş və yaxşı Eş olaraq iki hissəyə ayrılırlar. Eş pis Eşi sifətindən vuraraq onu zəncirli mişarıyla parçalara bölür və ardınca torpağa basdırır.

Eş kitabın saxlandığı yerə çatdığı zaman 1 kitab yerinə 3 kitab tapır. Əziyyətli sınaqlardan keçəndən sonra əsl kitabı tapır. Sehrli sözləri söyləməyə çalışan Eş, bu sözləri unutduğunu zənn edir. Zənn etdiyi doğru sözləri söyləyir, lakin bu sözlər doğru çıxmır. Əslində isə Eş həmin sözlər hesabına pis ruhları yenidən sərbəst buraxır. Eş kitabı bağlayır və qalaya qaçır. Bu vaxt pis Eş məzarından çıxır və "Qaranlığın Ordusu"nu hazırlayır.

Qalaya geri dönən Eş yaratdığı problemlərə baxmayaraq öz zamanına dönmək üçün israr edir. Amma Şeyla uçan bir iblis tərəfindən qaçırıldıqdan sonra "Qaranlığın ordusu" ilə döyüşmək üçün insanlara başçılıq etməyə qərar verir. İnsanlar istəmədən döyüşsələr də, Eşin tərəfindən iştirak edirlər. Eş müasir məlumatları, avtomobilinin baqajındaki kimya və mühəndislik kitabları, həmçinin, Dyuk Herrinqin köməyi ilə Qaranlığın ordusunu məğlubiyyətə uğradır və Şeylanı xilas edir. Bütün baş verən hadisələrdən sonra Eş gələcəyə dönmək istəyir. Lakin bu zaman Eş çox irəli gedir... Filmin sonunda Eş dükanda olarkən qorxunc ölülərdən biriylə üzləşir. Eş ona çox sayda atəş açaraq qəhrəmanlığını bir daha göstərir.

Xəbərdarlıq Xəbərdarlığın sonu.

Rollarda[redaktə | mənbəni redaktə et]

Ad Rol Qeydlər
Brüs Kempbell Eş Vilyams Baş qəhrəman
Embedt Devitz Şeyla
Bricit Fonda Linda
Markus Qilbert Lord Artur
Yen Eberkrombi Ueysmen
Ted Reymi Qorxaq döyüşçü
Dek Anderson Mini-Eş #2
Brüs Tomas Mini-Eş #3
Sara Şirer Qoca qadın
Patrisiya Tellman Küpəgirən qarının təsiri altındakı qadın
Ancela Fezerstoun S-Mart-dakı qız
Sem Reymi Cəngavərlərdən biri titrdə göstərilməyib
Coş Beker Feyk Şemp filmin üç hissəsində müxtəlif rollarda iştirak edib
Bernard Rouz Feyk Şemp
Ayvan Reymi Feyk Şemp

Maraqlı faktlar[redaktə | mənbəni redaktə et]

  • Film üç adla tanınır: "Qaranlığın ordusu", "Qorxunc ölülər 3: Qaranlığın ordusu" və "Brüs Kempbell Qaranlıq ordusuna qarşı".
  • Filmin üç versiyası mövcuddur: 88 dəqiqə[2] (teatr versiyası), 80 dəqiqə (DVD versiya), 95 dəqiqə (orijinal versiya).

İstinadlar[redaktə | mənbəni redaktə et]

  1. ↑ "Army of Darkness". The Numbers. Nash Information Services. October 24, 2013 tarixində arxivləşdirilib. İstifadə tarixi: July 15, 2012.
  2. ↑ "Army of Darkness (15)". British Board of Film Classification. 1992-12-18. 2016-03-05 tarixində arxivləşdirilib. İstifadə tarixi: 2013-03-28.

Xarici keçidlər[redaktə | mənbəni redaktə et]


Mənbə — "https://az.wikipedia.org/w/index.php?title=Qaranlığın_ordusu_(film,_1992)&oldid=7198858"