Qubalıbalaoğlan

Vikipediya, azad ensiklopediya
Naviqasiyaya keçin Axtarışa keçin
Qubalıbalaoğlan
40°07′48″ şm. e. 49°03′47″ ş. u.
Ölkə  Azərbaycan
Rayon Hacıqabul rayonu
Tarixi və coğrafiyası
Mərkəzin hündürlüyü 49 ± 0 m
Saat qurşağı
Əhalisi
Əhalisi 2.865 nəfər (2019)
Xəritəni göstər/gizlə
Qubalıbalaoğlan xəritədə
Qubalıbalaoğlan
Qubalıbalaoğlan
Vikianbarın loqosu Vikianbarda əlaqəli mediafayllar

QubalıbalaoğlanAzərbaycan Respublikasının Hacıqabul rayonunun inzibati ərazi vahidində kənd. Bakı şəhərindən 80 km qərbdə yerləşən yaşayış məskəni dəniz səviyyəsindən 51 metr yüksəklikdədir. Hacıqabul rayonundan məsafəsi 13.8 km-dir. Kənd Udulu, Rəncbər kəndləri ilə qonşudur.

Tarixi[redaktə | mənbəni redaktə et]

Hacıqabul rayonunun ən qədim kəndlərindən biridir. Təbii şəraiti fiziki coğrafi quruluşu kəndi daha qorunacaqlı bir məskənə çevirdiyi üçün insanlar burda məskunlaşmışlar. Kəndin əsası minilliyin əvvəllərində qoyulmuşdur. Kənd Pirsaatcayinın üzərində yerləsir. Kəndin yaxinlığında XII əsr tarixi abidə "Pirhüseyn xanəgahı" yerləşır. Xanəgah təmirdən sonra yeni çəkilən yol vasitəsilə dahada çox ziyarətçi və turist qəbul etməyə başlamışdır. Kənd 1918-ci ildə erməni daşnak silahlı hücumuna məruz qalmış və 535 nəfər (250 kişi, 150 qadın, 135 uşaq) qətlə yetirilmişdir. Həmçinin, Qubalı Balaoğlan kəndi uğrunda gedən döyüşlərdə Qafqaz İslam Ordusunun 12 nəfər əsgəri şəhid oldu: 6 türk və 6 azərbaycanlı döyüşçü bu kənddə torpağa tapşırıldı. Kənddən 10 nəfər Qafqaz İslam Ordusuna qoşuldu.Kərbəlayi Həsən kişi onbaşı idi, Nuru Paşa ona medal vermiş, namaz xalçası,mücrü və xəncər bağışlamışdır.

2016-cı ildə Türkiyə Cümhuriyyətinin Azərbaycan Respublikasındakı səfirliyinin maliyyə yardımı ilə kənddəki Türk şəhid məzarı üzərində abidə ucaldılmışdır.

Toponimikası[redaktə | mənbəni redaktə et]

Qubalıbaloğlan Hacıqabul r-nunun Qubalıbalaoğlan bələdiyyəsi i.ə.v.-də kənd. Pirsaat çayının sahilində, düzənlikdədir. Əsl adı Qubalı Ərəb Balaoğlan olmuşdur. Ərəb Balaoğlan XIX əsrin ortalarında Muğanda ərəb mənşəli tayfalardan biri idi. Oykonimdəki qubalı sözü əslində kufali sözünün təhrif olunmuş formasıdlr. Ərəb işgalları dövründə (VII əsr) İraqın Küfə mahalından Azərbaycana köçürülmüs əhali kufəli adlanmış sonralar təhrif olunaraq, qubalı şəklinə düşmüşdür.[1]

Əhalisi[redaktə | mənbəni redaktə et]

2009-cu ilin siyahıyaalınmasına əsasən kənddə 2715 nəfər əhali yaşayır. 2013-cü ilin may ayına olan məlumata əsasən kənd əhalisi 2865 nəfərdir. Əhalinin əksər hissəsi kənd təsərrüfatı ilə məşğul olur.[2][3]

Abidələri[redaktə | mənbəni redaktə et]

Pirsaat xanəgahı, Pirsaatçay xanəgahı və ya Pir Hüseyn xanəgahı – Qubalıbalaoğlan kəndi ərazisində yerləşən XI – XII əsrlərə aid sufi xanəgahı.

Din[redaktə | mənbəni redaktə et]

Kənddə Qubalıbalaoğlan kənd məscidi dini icması fəaliyyət göstərir.[4]

Telekomnikasiya və rabitə[redaktə | mənbəni redaktə et]

Kənddə poçt mərkəzi 2007-ci ildə açılmışdır. Kənd ərazisinin bəzi hissələrinə telefon xəttləri çəkilmişdir lakin tam olaraq yekunlaşdırılmamışdır.

Əkin sahələri[redaktə | mənbəni redaktə et]

Kənd ərazisində Pirsaat su anbarı 1960-cı ildən sonra inşa olunmuşdur. 1964-cü ildə anbar istifadəyə verilmişdir. Kənd təsərrüfatında bağçılıq, bostançılıq və taxılçılıq əsas yer tutur. Ərik,nar,heyva,əncir,armud əsas yetişdirilən meyvələrdir. Kəndin əkin sahələri Pirsaat su anbarına toplanan suyun hesabına suvarılır. Yay aylarında quraqlıqlar yaşanır.[5]

Həmçinin bax[redaktə | mənbəni redaktə et]

Xarici keçidlər[redaktə | mənbəni redaktə et]

İstinadlar[redaktə | mənbəni redaktə et]

  1. Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
  2. Zaman qəzeti, 2 may 2013-cü il tarixli buraxılışı, "Bölgə" yarımbaşlığı, səhifə 6
  3. Hacıqabul rayon İcra Hakimiyyəti: Xəbərlər: Qubalıbalaoğlan kəndinə içməli suyun verilməsi Arxivləşdirilib 2021-03-02 at the Wayback Machine, yayınlanma tarixi: 2013–04-30
  4. MÜSƏLMAN DİNİ İCMALAR — 2016-cı ildə qeydiyyatdan keçənlər Arxivləşdirilib 2019-12-21 at the Wayback Machine. scwra.gov.az  (az.)
  5. SOS! Pirsaat su anbarı quruyub Arxivləşdirilib 2014-09-15 at the Wayback Machine. lent.az 13.09.2014.  (az.)