Qurban Namazəliyev
| QURBAN NAMAZƏLİYEV | |
| Qurban Hüseyn oğlu Namazəliyev | |
| Doğum tarixi: | 17 noyabr 1947-ci il |
|---|---|
| Doğum yeri: | Horadiz kəndi Füzuli rayonu |
| Vəfatı: | 20 noyabr 1991-ci il (44 yaşında) |
| Vəfat yeri: | Bakı |
Qurban Namazəliyev - nazir müavini, şəhid.
[redaktə] Həyatı
Qurban Hüseyn oğlu 17 noyabr 1947-ci ildə Füzuli rayonunun Horadiz kəndində anadan olmuş, 1954-1965-ci illərdə orta məktəbdə təhsil almış, Azərbaycan Politexnik İnstitutunu 1971-ci ildə bitirdikdən sonra Bakı şəhəri 4 №-li tikinti trestində mühəndis, usta, sahə rəisi, baş mühəndis vəzifəsində çalışmışdı. Nazirlər Sovetində tikinti şöbəsində işləmişdi. 5 il Naftalan şəhər sovetinin sədri vəzifəsini icra etmişdi. 1991-ci il avqust ayından Azərbaycan Respublikası Meliorasiya və Su Təsərrüfatı Nazirinin birinci müavini təyin edilmişdi.
1991-ci il 20 noyabrda Qarakəndə uçan Mİ-8 vertolyotu vurulmuş və respublikanın bir sıra məsul şəxsləri: Tofiq İsmayılov – dövlət katibi, Məhəmməd Əsədov– Daxili İşlər Naziri, İsmət Qayıbov – Azərbaycan Respublikasının Baş Prokuroru və digər şəxslərlə bərabər Qurban Namazalıyev də şəhid olmuşdur. Bakıda Fəxri Xiyabanda dəfn edilib.
Qurban Namazalıyev Xurşud xanımla ailə qurmuşdu. Ruslan adlı oğlu, Leyla və Nigar adlı qızları vardır.
