Rövşən Əliyev (milli qəhrəman)
| Rövşən Əliyev | |
|---|---|
| Rövşən Nəriman oğlu Əliyev | |
.jpg) | |
| Şəxsi məlumatlar | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vəfat tarixi | (19 yaşında) |
| Vəfat yeri | Dəhrəz, Xocalı rayonu, Azərbaycan |
| Vəfat səbəbi | Şəhid olmuşdur |
| Dəfn yeri | Bakı şəhəri Şəhidlər xiyabanı |
| Vətəndaşlığı | |
| Atası | Nəriman Əliyev |
| Hərbi fəaliyyəti | |
| Mənsubiyyəti | Azərbaycan Respublikası |
| Döyüşlər | |
| Təltifləri |
 |
Rövşən Əliyev (30 avqust 1972, Bakı – 14 iyun 1992, Dəhrəz, Xocalı rayonu) — Azərbaycanın Milli Qəhrəmanı; Qarabağ müharibəsi şəhidi.
Həyatı[redaktə | mənbəni redaktə et]
30 avqust 1972-ci ildə Bakı şəhərində doğulmuşdur. Əslən Göyçə mahalının Basarkeçər rayonunun Yarpızlı kəndindəndir. 1989-cu ildə Xətai rayonundakı 254 saylı orta məktəbi bitirdikdən sonra Azərbaycan Dövlət Politexnik İnstitutunun maşınqayırma fakültəsinə daxil olmuşdur. 1991-ci ilin mayında könüllü olaraq orduya yazıldı.
Döyüşlərdə iştirakı[redaktə | mənbəni redaktə et]
Rövşən Əliyev Ağdamda yaradılmış milli müdafiə taboruda döyüş meydanına atıldı. O, döyüşlərdə Sırxavənd, Qazançı kəndlərinin düşməndən azad edilməsində yaxından iştirak etdi. Cəsur döyüşçü 1992-ci ilin martında yeni tapşırıq aldı: "Əsgərlərimiz Muğanlı, Şıxbabalı yüksəkliklərində mövqe tutmalıdır". Verilən bütün əmr və tapşırıqları layiqincə yerinə yetirən Əliyev Rövşən 1992-ci il 14 iyunda Xocalı rayonunun Dəhrəz kəndində gedən döyüşlərdə iştirak edərkən düşmən gülləsi onun arzularla dolu qəlbini susdurmuşdur.
Ailəsi[redaktə | mənbəni redaktə et]
Subay idi.
Milli Qəhrəman[redaktə | mənbəni redaktə et]
Azərbaycan Respublikası prezidentinin 7 dekabr 1992-ci il tarixli 350 saylı fərmanı ilə Əliyev Rövşən Nəriman oğluna ölümündən sonra "Azərbaycanın Milli Qəhrəmanı" adına layiq görülmüşdür.
Bakı şəhərinin Şəhidlər xiyabanında dəfn edilmişdir.
Vaxtilə təhsil aldığı 254 saylı orta məktəbə və Bakı şəhərindəki küçələrdən birinə qəhrəmanın adı verilmişdir.
Ədəbiyyat[redaktə | mənbəni redaktə et]
- Elbrus Şahmar "Şah İsmayıl qartalları" Bakı-1996. ("Haqq özü gələcək Azərbaycana" oçerki) səh.54-57.
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 88-89.
