Rövnəq Abdullayev

Vikipediya, açıq ensiklopediya
Keçid et: naviqasiya, axtar
Rövnəq Abdullayev
Rövnəq İbrahim oğlu Abdullayev
Rövnəq Abdullayev
Bayraq
Azərbaycan Respublikası Dövlət Neft Şirkətinin prezidenti
Bayraq
9 dekabr 2005 — indiyə kimi
Sələfi: Natiq Əliyev
 
Təvəllüdü: 3 aprel 1965 (1965-04-03) (49 yaş)
Naxçıvan şəhəri
Uşaqları: Rəşad Abdullayev[1]

Rövnəq Abdullayev — Azərbaycan Respublikası Dövlət Neft Şirkətinin prezidenti, Milli Məclisin deputatı, AFFA-nın prezidenti .

Həyatı[redaktə]

Rövnəq Abdullayev 1965-ci il aprelin 3-də Naxçıvan şəhərində anadan olmuşdur.

1982-ci ildə Azərbaycan İnşaat Mühəndisləri İnstitutunun "Sənaye və mülki tikinti" fakültəsinə daxil olub. 1983-1985-ci illərdə ordu sıralarında həqiqi hərbi xidmətdə olub. 1985-ci ildə köçürmə yolu ilə V.V. Kuybışev adına Moskva İnşaat Mühəndisləri İnstitutuna göndərilib, 1989-cu ildə həmin institutu bitirərək "Neft Daşları"nda əmək fəaliyyətinə başlayıb.

Fəaliyyəti[redaktə]

1990-cı ildən "28 May" NQÇİ-də əsaslı tikinti şöbəsində mühəndis, 1991-ci ildən "Xəzərdənizneftqazinşaat" Trestinin 3 saylı Tikinti Quraşdırma İdarəsinin istehsalat texniki şöbəsinin rəisi, 1994-cü ildə isə həmin idarənin baş mühəndisi vəzifələrində çalışıb. 1997-ci ildən "Xəzərdənizneftqaztikinti"trestinin müdiri vəzifəsində işləyib, 31 mart 2003-cü il tarixdə Heydər Əliyev adına Bakı Neft Emalı zavodunun direktoru vəzifəsinə təyin edilib. 6 noyabr 2005-ci il tarixdə üçüncü çağırış Azərbaycan Respublikası Milli Məclisinin deputatı seçilib. 9 dekabr 2005-ci il tarixdə Azərbaycan Dövlət Neft Şirkətinin prezidenti vəzifəsinə təyin edilib.

2004-cü ilin fevralından "Neftçi" Peşəkar Futbol Klubunun prezidenti olmuş, 2008-ci ildən AFFA prezidentidir. Onun rəhbərliyi altında komanda 2004 və 2005-ci illərdə Azərbaycan çempionu olub, 2004-cü ildə ölkə kubokunu qazanıb. 2005-ci ildən MDB və Baltikyanı ölkələrin çempionlarının "Birlik kuboku" turnirində yalnız finalda uduzaraq ikinci yeri tutan "Neftçi" həmin il Ermənistan çempionu "Pünik"i məğlub etməklə futbol tariximiz üçün vacib olan qələbə qazanıb. R. Abdullayevin kluba rəhbərlik etdiyi dövrdə görülən işlər beynəlxalq arenada da tezliklə bəhrəsini verib. 2006-cı ildə "Birlik kuboku"nu qazanan "Neftçi" iki il ardıcıl olaraq UEFA çempionlar Liqasında mərhələ keçib.

Yeni Azərbaycan Partiyası Siyasi Şurasının üzvüdür.

2005-ci və 2010-cu illərdə keçirilən üçüncü və dördüncü çağırış Azərbaycan Respublikası Milli Məclisinə seçkilərdə 24 saylı Nizami birinci seçki dairəsindən deputat seçilmişdir. Milli Məclisin Təbii ehtiyatlar, energetika və ekologiya məsələləri daimi komissiyasının üzvüdür. Azərbaycan-Norveç parlamentlərarası əlaqələr üzrə işçi qrupunun rəhbəri, Azərbaycan-Böyük Britaniya, Azərbaycan-Gürcüstan, Azərbaycan-Rusiya parlamentlərarası əlaqələr üzrə işçi qruplarının üzvüdür.

Evlidir, 2 övladı var.

Mükafatları[redaktə]

  • 2012 — Flag of Georgia.svg "Şəfəq" ordeni[2][3]

Şəkilləri[redaktə]

Mənbə[redaktə]

İstinadlar[redaktə]

  1. Məşhurların övladları: Rövnəq Abdullayevin oğlu. modern.az, 15.10.2014. (azərb.)
  2. ARDNŞ prezidenti Gürcüstan Prezidentinin “Şəfəq” ordeni ilə təltif olunmuşdur
  3. Gürcüstan Prezidentinin 10 sentyabr 2012-ci il tarixdə imzaladığı 10/09/08 saylı Sərəncam

Xarici keçidlər[redaktə]

VikiAnbarda Rövnəq Abdullayev ilə əlaqəli mediafayllar var.