Rəşad Sadıqov

Vikipediya, açıq ensiklopediya
Keçid et: naviqasiya, axtar
Futbol
Rəşad Sadıqov
Reshad Sadixov.jpg
Ümumi məlumat
Tam adı Rəşad Fərhad oğlu Sadıqov
Ləqəbi Terminator
Doğum tarixi 16 iyun 1982 (1982-06-16) (32 yaş)
Doğum yeri Flag of the Soviet Union.svg SSRİ, Azərbaycan SSR, Bakı
Vətəndaşlıq Flag of Azerbaijan.svg Azərbaycan
Boyu 181 sm
Çəkisi 77 kq
Mövqeyi Müdafiəçi
Komanda haqqında məlumat
Klub Flag of Azerbaijan.svg Qarabağ Ağdam
Nömrəsi 14
Karyerası
Peşəkar karyerası*
2000-2001 Flag of Azerbaijan.svg Turan Tovuz 26 (4)
2001-2002 Flag of Azerbaijan.svg Neftçi Bakı 23 (1)
2002-2003 Flag of Iran.svg Fulad 20 (0)
2003-2005 Flag of Azerbaijan.svg Neftçi Bakı 44 (1)
2005-2006 Flag of Turkey.svg Kayserispor 10 (0)
2006-2008 Flag of Azerbaijan.svg Neftçi Bakı 40 (7)
2008-2009 Flag of Turkey.svg Kocaelispor 16 (0)
2009-2010 Flag of Azerbaijan.svg Qarabağ Ağdam 20 (1)
2010-2011 Flag of Turkey.svg Əskişəhərspor 5 (0)
2011–h.h Flag of Azerbaijan.svg Qarabağ Ağdam 91 (5)
Milli yığma**
2001—h.h. Flag of Azerbaijan.svg Azərbaycan 94 (4)

* Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı . 17 may 2014 tarixində redaktə olunub.

** Rəsmi oyunlarda milli yığmanın heyətində keçirdiyi oyunların və vurduğu qolların sayı. 20 oktyabr 2013 tarixində redaktə olunub.

Rəşad Sadıqov (d. 16 iyun 1982(1982-06-16), Bakı, Azərbaycan SSR, SSRİ) — azərbaycanlı futbolçu, Azərbaycan milli futbol komandasının və "Qarabağ" klubunun kapitanıdır. Müdafiəçi mövqeyində oynayır.

2000-2001-ci illərdə Azərbaycanın "Turan Tovuz", 2001-2002, 2003-2005, 2006-2008-ci illərdə "Neftçi Bakı", 2009-2010-cu illərdə "Qarabağ", 2002-2003-cü illərdə İranın "Fulad Xuzistan" və 2005-2006-cı illərdə Türkiyənin "Kayserispor", 2008-2009-cu illərdə "Kocaelispor", 2010-2011-ci illərdə Əskişəhərspor klublarının heyətində çıxış edib. 2011-ci ildən Azərbaycanın "Qarabağ" klubunda çıxış edir.

Dörd dəfə Azərbaycanda ilin futbolçusu seçilib. Üç dəfə Azərbaycan Premyer Liqasının, iki dəfə isə Azərbaycan Kubokunun qalibi olub.

2001-ci ildən Azərbaycan milli futbol komandasında çıxış edir. Milli komandada 94 oyun keçirib və 4 qol vurub.

Bir müddət basketbolla da məşğul olub.

Həyatı[redaktə]

Rəşad Sadıqov 16 iyun 1982-ci ildə Bakıda anadan olub. Əslən Şuşalıdır.[1] Təhsilə 1989-cu ildə Suraxanı rayonu 226 saylı orta məktəbdə başlayıb. 1 il sonra 34 nömrəli məktəbə keçib, qalan 10 ili orada oxuyub.[2] Rəşad Sadıqov futbola 1992-ci ildə 10 yaşında məktəb illərində Tofiq Bəhramov adına futbol məktəbinə məşqlərə gedib.[2] Müəllimi Vaqif Paşayev olub. O, həmçinin Bakıda "Şərur", "Hava qüvvələri" komandası, "Real Bakı" komandalarında futbol oynayıb.[3]

Karyerası[redaktə]

2000-2009[redaktə]

Rəşad Sadıqov 2000-2001-ci illərdə "Turan"ın heyətində çıxış edib. Burada cəmi 9 oyun keçirib[4] və qol vurmayıb. Rəşad 2001-ci ildə "Neftçi"nin heyətinə qoşulub. Burada 2001-2002 mövsümündə 23 oyun keçirib və 1 qol vurub. 2002-ci ildə klubdan ayrılıb. Rəşad Sadıqov 2002-2003-cü illərdə İranın "Fulad" klubunun heyətində çıxış edib. Burada 20 oyun keçirib, qol vurmayıb.

2003-cü ildə yenidən "Neftçi"nin heyətinə qayıdıb. 2003-2004-ci illər mövsümündə Neftçinin heyətində 10 oyun keçirib, qol vurmayıb. 2004-2005 mövsümündə 21 oyunda meydana çıxıb və 1 dəfə fərqlənib. Sadıqov 2005-ci ilin avqustunda "Neftçi"nin UEFA Çempionlar Liqasında mübarizəni dayandırdıqdan, Belçikanın "Anderlext" klubuna Bakıda 1:0 hesabı ilə qalib gəldiyi cavab görüşündən sonra klubdan ayrılıb. Sadıqov 2005-2006 mövsümündə 13 oyun keçirib və qol vurmayıb. Rəşad 2003-2005-ci illərdə "Neftçi"nin heyətində ümumilikdə 44 oyun keçirib və cəmi 1 dəfə fərqlənib.

Neftçidən ayrıldıqdan sonra Rəşad karyerasını baş məşqçi Ərtoğrul Sağlamın istəyi ilə Türkiyənin "Kayserispor" klubunda davam etdirdi. 20 avqust 2005-ci ildə "Dənizlispor"la oyunda debüt edib, oyunu əvəzolunmadan keçirib.[5] Transfer olunduğu ilk vaxtlarda Rəşadın işləri yaxşı gedirdi. Ancaq qış fasiləsinə yaxın Rəşad zədələnəndi və heyətdən kənarda qaldı. Zədəsi sağaldıqdan sonra Neftçiyə 6 aylığa icarəyə verildi. "Kayserispor" mövsümü bürünc medalla başa vurdu. Mövsüm bitəndən sonra Rəşad kluba qayıtdı və UEFA İntertoto Kuboku oyunlarında iştirak etdi. Macarıstanın "Sopron" klubu ilə ikinci təsnifat mərhələsinin oyunlarında meydana çıxdı. "Kayserispor" iki oyunun nəticəsinə görə növbəti mərhələyə vəsiqə qazandı. Üçüncü təsnifat mərhələsində Yunanıstanın "Larissa" klubu ilə oyunlarda da Rəşad "Kayserispor"un heyətində meydana çıxıb. "Kayserispor" bu klubu da mübarizədən kənarlaşdıraraq kubokun qaliblərindən biri olub.[6]

Ərtoğrul Sağlamın adət etdiyi mövqedə, müdafiənin mərkəzində yox sağında oynadırdı. Bu, Rəşadı qane etmədiyi üçün klubdan getməyi qərara aldı.[7][8] Sadıqovun "Kayserispor"da son oyunu 5 avqust 2006-cı ildə "Trabzonspor"a qarşı olub. Son oyununu Rəşad əvəzolunmadan keçirib.[9] Rəşad 2005-2006-cı illərdə bu klubun şərəfini qoruyub. Futbolçu bu komanda ilə UEFA İntertoto Kubokunda da oynayıb. Bu klubda 10 oyun keçirib. Ailə məsələlərinə görə bu klubdan ayrılıb.[10]

"6,7 ilimi verdiyim "Neftçi"dən layiq olmayan şəkildə uzaqlaşdırıldım"
—Rəşad Sadıqov[11]

Futbolçu 2006-cı ildə üçüncü dəfə "Neftçi" ilə müqavilə bağlayıb. 21 iyun 2008-ci ildə Slovakiyanın "Nitra" klubu ilə UEFA İntertoto Kubokunun birinci təsnifat mərhələsinin ilk oyununda 7-ci dəqiqədə hesabı açıb. Bu, Sadıqovun qitəmiqyaslı yarışlarda ilk qolu idi.[12] 58 oyuna 7 qol vurub. Rəşad Sadıqov Azərbaycan Premyer Liqası‎nda üç dəfə çıxış etdiyi "Neftçi"nin heyətində ümumilikdə 135 oyun keçirib,[4] 9 qol vurub. 2008-ci ildə "Neftçi" klubunun baş məşqçisi Hans Yurgen Gede tərəfindən əvəzedici komandaya göndərdi. Sadıqov fiziki formasını qorumaq üçün bir müddət əvəzedici heyətlə məşq edib.[13] Daha sonra orada qalmayan müdafiəçi karyerasının böyük hissəsini keçirdiyi Neftçidən gedəsi oldu.[7][14][15]

"Neftçi"dən qovulduqdan sonra İspaniyanın "Valyadolid" komandasının ikinci heyətində bir müddət məşq edib.[16] Futbolçunun daha sonra "Boluspor"la müqavilə bağlayacağı gözlənilirdi.[17] Bu transfer baş tutmadıqdan sonra Sadıqov "Kocaelispor" klubunun düşərgəsinə yollanıb.[18] Müqavilə ilə "Neftçi"yə məxsus olduğundan Rəşadın "Kocaelispor"la müqavilə imzalamağında problemlər olmuşdu. "Neftçi" klubu transfer haqqı tələb edirdi.[19] Problemlər yoluna qoyulduqdan sonra Rəşad klub ilə 6 aylıq müqavilə bağlayıb.[20][21] Rəşad bu klubda 1 nömrə altındakı formada çıxış edib.[22] Rəşad Sadıqov 2008-2009-cu illərdə "Kocaelispor"un heyətində olub.[23]

Rəşad "Kocaelispor"da çıxış edərkən uğurlu oyunlarına görə Türkiyə mətbuatı ona "Terminator" ləqəbi vermişdi.[24]

2009-dan bəri[redaktə]

Kocaelispordan ayrıldıqdan sonra Rəşad "Qarabağ" klubunun heyətinə qoşulub. Aftandil Hacıyevin zədəli olmasına görə UEFA Avropa Liqası oyunlarında 2 oyunluq Qarabağa kömək etmək üçün klubla razılığa gəlib.[25] 16 iyul 2009-cu ildə Norveçin VRusenborq" klubu ilə səfər oyununda Qarabağın heyətində debüt edib.[26] Bir müddət sonra 2009-cu ilin yayında Rəşad bu klubla 1 illik müqavilə imzalayıb.[27] "Qarabağ"ın heyətində ilk qolunu UEFA Avropa Liqası 2009/2010 mövsümünün ikinci təsnifat mərhələsinin cavab oyununda Norveçin "Rusenborq" komandasına vurub.[28] Bu qol Qarabağı UEFA Avropa Liqasının ikinci təsnifat mərhələsinə çıxarıb. Avropa Liqasının ikinci təsnifat mərhələsinin cavab oyununda 81-ci dəqiqədə cərimə zərbəsindən Finlandiyanın "Honka" klubunun qapısına qol vuraraq hesabı 2-1 edib və "Qarabağ"a qələbə qazandırıb.[29] "Qarabağ" klubunun heyətində isə Azərbaycan Premyer Liqası‎nda ilk oyununu 23 sentyabr 2009-cu ildə Ağdamda "Qəbələ" ilə II turdan təxirə salınmış oyunda keçirib.[4]

2010-cu ildə "Qarabağ" klubu ilə 1 illik müqavilə imzalayıb. "Qarabağ" rəhbərliyi Rəşada xarici klublardan təklif gələcəyi halda, problem yaratmayacağını bildirib.[30] Rəşada bir neçə klub müqavilə təklif etdi. UEFA Avropa Liqasının 2010/2011 mövsümünün ilk təsnifat mərhələsində Makedoniyanın "Metallurq" Skopye komandası ilə ev oyununda oyunun 26-cı dəqiqəsində 11 metrlik cərimə zərbəsindən hesabı açıb. Oyun 4-1 hesabı ilə başa çatıb.[31] Rusiyanın "Alaniya" klubu Rəşadı öz heyətində görmək istəyirdi.[32] Amma Rəşad Sadıqov Türkiyə variantını üstün tutdu. "Qarabağ"ın heyətində Almaniyanın "Borussiya Dortmund" klubuna 0:1 hesabı ilə uduzduqları cavab oyunundan sonra Rəşad "Əskişəhərspor"un dəvətini qəbul etdi.

Rəşad "Əskişəhərspor"la iki illik müqavilə imzaladı.[33] Ancaq yeni komandasını debütünün reallaşmaq üçün onu transfer edən baş məşqçi Rza Çalımbayın istefasını gözləmək lazım gəldi. Onu bu postda əvəzləyən Bülənt Uyğun Sadıqovun əsas heyətə yolunu açsa da, tezliklə gedişinin də əsas səbəbkarı oldu. Gənc çalışdırıcı qalib heyəti dəyişməməyi üstün tutaraq, millimizin kapitanına zədəsini sağaldan sonra yalnız bir oyunda şans verdi. Bu da daha çox məcburiyyətdən, yəni digər mərkəz müdafiəçisi Nadareviçin cəzalı olması ilə bağlı idi.[7] Rəşad bu klubda 41 nömrəli futbolkada çıxış edib.[34] Rəşad Sadıqov bu klubda ilk oyununu 17 oktyabr 2010-cu ildə "İstanbul Böyükşəhər Bələdiyyəsi" komandasına qarşı keçirib.[35][36] Bu oyunda Sadıqov 90 dəqiqə meydanda olub.[37] Rəşadın bu klubda karyerası qısa və uğursuz oldu. Əsas heyətdə möhkəmlənə bilmədi.[10] Cəmi 5 oyunda meydana çıxdı. 450 dəqiqə meydanda oldu və 1 sarı vərəqə aldı.[7] Buna görə 2011-ci ilin əvvəlində Rəşad "Əskişəhərspor" klubundan ayrılıb.[38]

"Karyeramı "Qarabağ"da bitirmək istəyirəm"
—Rəşad Sadıqov[39]

2011-ci ilin yanvarında "Qarabağ" klubunun vitse-prezidenti Tahir Gözəl Rəşad Sadıqovun yenidən komandaya gətirilməsini istəyib.[40] Rəşad Sadıqov həmin ilin fevral ayında Əskişəhərspor klubundan ayrılaraq yenidən "Qarabağ"ın heyətinə qoşulub.[38] Fevralın 15-də mətbuat konfransı keçirilib, Rəşad klubla 6 aylıq müqavilə imzalayıb.[41][10] "Qarabağ" klubunun heyətində ölkə çempionatında ilk qolu 19 avqust 2012-ci ildə "Sumqayıt" klubunun qapısına vurub.[42]

Rəşad 2012-2013 mövsümünün sonlarında zədələnərək mövsümü vaxtından tez başa vurub, sonuncu "Simurq" klubu ilə oyuna çıxa bilməyib.[43]

Rəşad Sadıqov 2013-2014 mövsümünün sonunda "Qarabağ" komandası ilə ilk dəfə Azərbaycan çempionut titulunu qazanıb.[44] 2014-cü ilin iyun ayında Rəşad "Qarabağ" klubu ilə müqaviləsini 3 il - 2017-ci ilədək uzadıb.[45]

Statistika[redaktə]

Mənbələr: [46][47][48]
Son yeniləmə: 17 may 2014

Klub Çempionat Mövsüm Liqa Kubok Avropa Cəmi
Oyun Qol Oyun Qol Oyun Qol Oyun Qol
Turan Tovuz Azərbaycan Çempionatı 2000-01 ? ? ? ? 0 0 26 4
Cəmi ? ? ? ? 0 0 26 4
Neftçi Bakı Azərbaycan Çempionatı 2001-02 ? ? ? ? 0 0 23 1
Cəmi ? ? ? ? 0 0 23 1
Fulad Xuzistan İran Çempionatı 2002-03 ? ? ? ? 0 0 20 0
Cəmi ? ? ? ? 0 0 20 0
Neftçi Bakı Azərbaycan Çempionatı 2003-04 ? ? ? ? ? ? 10 0
2004-05 ? ? ? ? ? ? 21 1
2005-06 ? ? ? ? 4 0 13 0
Cəmi ? ? ? ? ? ? 44 1
Kayserispor Türkiyə Çempionatı 2005-06 9 0 1 0 0 0 10 0
2006-07 1 0 0 0 0 0 1 0
Cəmi 10 0 1 0 0 0 11 0
Neftçi Bakı Azərbaycan Çempionatı 2006-07 ? ? ? ? 0 0 12 2
2007-08 ? ? ? ? 0 0 19 5
Cəmi ? ? ? ? 0 0 31 7
Kocaelispor Türkiyə Çempionatı 2008-09 16 0 0 0 0 16 0
Cəmi 16 0 0 0 0 0 16 0
Qarabağ Ağdam Azərbaycan Çempionatı 2009-10 23 1 2 1 4 2 29 4
2010-11 2 0 0 0 0 0 2 0
Cəmi 25 1 2 1 4 2 31 4
Əskişəhərspor Türkiyə Çempionatı 2010-11 5 0 0 0 0 0 5 0
Cəmi 5 0 0 0 0 0 5 0
Qarabağ Ağdam Azərbaycan Çempionatı 2010-11 12 0 0 0 8 1 20 1
2011-12 27 2 4 0 6 0 37 2
2012-13 27 3 5 0 0 0 32 3
2013-14 25 0 1 0 8 0 34 0
Cəmi 91 5 10 0 22 1 123 6
Cəmi Azərbaycan ? ? ? ? 30 3 278 22
İran ? ? ? ? 0 0 20 0
Türkiyə ? ? ? ? 0 0 32 0
Karyera cəmi ? ? ? ? 30 3 309 22

Milli komanda karyerası[redaktə]

Rəşad Sadıqov milli komandanın heyətində

2001-ci ildən milli komandaya dəvət olunur. İlk oyununu 6 oktyabr 2001-ci ildə FİFA Dünya Kuboku 2002-nin seçmə oyunları çərçivəsində İsveç yığmasına qarşı keçirmişdir. Yığmada ilk qolunu 28 mart 2004-cü ildə yoldaşlıq görüşündə Qazaxıstan milli futbol komandasına vurmuşdur.

Rəşad Sadıqov milli komandanın heyətində UEFA Avropa Kuboku 2004-ün seçmə mərhələsində 7 oyun keçirib.

4 sentyabr 2004-cü ildə FİFA Dünya Kuboku 2006-nın seçmə mərhələ oyunlarında Uelslə qarşılaşmada 55-ci dəqiqədə cərimə zərbəsindən qol vuraraq hesabı 1-1 edib, komandasını məğlubiyyətdən xilas edib.[49] 9 oktyabr 2004-cü ildə Şimali İrlandiya ilə seçmə mərhələ oyununda millinin heyətində ilk dəfə kapitan kimi meydana çıxıb.[50] Bu seçmə mərhələdə Rəşad 9 oyunda millinin heyətində meydana çıxıb.

12 aprel 2006-cı ildə Türkiyə yığması ilə Bakıda keçirilən yoldaşlıq görüşündə 65-ci dəqiqədə 11 metrlik cərimə zərbəsindən qol vuraraq hesabı açıb, oyun 1-1 hesabı ilə başa çatıb.[51] 2006-cı il avqustun 15-də səfərdə Ukraynaya qarşı yoldaşlıq görüşündən (0:6) sonra Şahin Diniyev Sadıqova heç nə demədən komandadan uzaqlaşdırıb və nəticədə müdafiəçi 1 il 3 ay yığmadan kənarda qalıb.[52] 2007-ci ildə Şahin Diniyevin yığmadan göndərilməsindən sonra baş məşqçi funksiyasını yerinə yetirən Coko Haciyevski Rəşad Sadıqovu yenidən milli komandaya çağırıb.[53] Avro 2008-in seçmə mərhələsinin son iki oyununda millinin heyətində meydana çıxıb.

15 oktyabr 2008-ci ildə Azərbaycan milli komandasının Bəhreynlə yoldaşlıq qarşılaşması Rəşad Sadıqovun millidə yubiley - 50-ci oyununu olub.[54] 2 iyun 2009-cu ildə Türkiyə ilə yoldaşlıq görüşündə Rəşad 52-ci dəqiqədə birbaşa qırmızı vərəqə ilə cəzalandırılaraq meydançanı tərk edib.[55]

2010-cu il dünya çempionatının seçmə mərhələsində millinin heyətində 10 oyuna çıxıb. 28 mart 2009-cu ildə Lujniki stadionunda Rusiya komandası ilə görüşdə 70.000 tamaşaçı qarşısında oynayıb.[56]

29 may 2010-cu ildə Makedoniya ilə yoldaşlıq görüşündə 66-cı dəqiqədə topu öz komandasının qapısından keçirib.[57]

UEFA Avropa Kuboku 2012-nin seçmə mərhələsində Azərbaycan millisinin heyətində oyunlara çıxıb. 7 sentyabr 2010-cu ildə Almaniya ilə səfər oyununda 53-cü dəqiqədə avtoqola imza ataraq hesabı 4-0 edib. Oyun 6-1 hesabı ilə Azərbaycan yığmasının məğlubiyyəti ilə yekunlaşıb.[58] 7 oktyabr 2011-ci ildə Avstriya ilə oyunda 75-ci dəfə meydana çıxmaqla yığmada ən çox oyun keçirən oyunçu statusuna yiyələnib.[59] 12 oktyabr 2012-ci ildə Türkiyə komandası ilə Tofiq Bəhramov adına Respublika Stadionunda keçirilən oyunda 38-ci dəqiqədə hesabı açıb və Azərbaycana qələbə qazandırıb.[60] Avro 2012-nin seçmə mərhələsində 10 oyunda meydana çıxıb.

FİFA Dünya Kuboku 2014-ün seçmə mərhələsində 8 oyunda millinin heyətində meydana çıxıb.

İndiyə qədər milli komandada 94 oyun keçirib və 4 qol vurub.

Rəşad Sadıqov və Şahin Diniyev qalmaqalı[redaktə]

Şahin Diniyevin Rəşad Sadıqovu 2006-cı ildə millidən uzaqlaşdırılması ilə bağlı müxtəlif iddialar var. Bəzi mənbələr iddia edir ki, Rəşad Sadıqov Şahin Diniyevi söydüyündən mütəxəssis belə bir addım atmağa məcbur olub. Başqa bir versiyada bildirilir ki, Rəşad millidə heyətin qurulmasında iştirak etmək istədiyindən mütəxəssis onu cəzalandırıb.[1]

Rəşad Sadıqovun 2008-ci ildə Şahin Diniyev barəsində etdiyi açıqlamadan sitat:

" "Onun heç vaxt halallığını verməyəcəyəm. Gərək, Diniyev mənimlə söhbətləşib, hər şeyi dəqiqləşdirəydi"[61] "

2013-cü ildə Azərbaycan Premyer Liqasının Tofiq Bəhramov adına Respublika Stadionu]nda keçirilən "Qarabağ" – "Rəvan" oyunundan sonra “Qarabağ”ın kapitanı Rəşad Sadıqovla “Rəvan”ın baş məşqçisi Şahin Diniyev matçdan sonra görüşüblər.[62]

Milli komandada oyunlar[redaktə]

Son yeniləmə: 20 oktyabr 2013.[63]

Flag of Azerbaijan.svg Azərbaycan milli futbol komandası
İl Yoldaşlıq Dünya K. Dünya K. s/m Avropa K. Avropa K. s/m Başqa Cəmi
Oyun Qol Oyun Qol Oyun Qol Oyun Qol Oyun Qol Oyun Qol Oyun Qol
2001 0 0 0 0 1 0 0 0 0 0 0 0 1 0
2002 8 0 0 0 0 0 0 0 3 0 0 0 11 0
2003 2 0 0 0 0 0 0 0 4 0 0 0 6 0
2004 6 1 0 0 4 1 0 0 0 0 0 0 10 2
2005 3 0 0 0 5 0 0 0 0 0 0 0 8 0
2006 3 1 0 0 0 0 0 0 0 0 0 0 3 1
2007 0 0 0 0 0 0 0 0 2 0 0 0 2 0
2008 7 0 0 0 3 0 0 0 0 0 0 0 10 0
2009 2 0 0 0 7 0 0 0 0 0 1 0 10 0
2010 6 0 0 0 0 0 0 0 3 1 0 0 9 1
2011 3 0 0 0 0 0 0 0 7 0 0 0 10 0
2012 4 0 0 0 2 0 0 0 0 0 0 0 6 0
2013 2 0 0 0 6 0 0 0 0 0 0 0 8 0
Cəmi 46 2 0 0 28 1 0 0 19 1 1 0 94 4

Milli komandada qollar[redaktə]

# Tarix Yer Rəqib Hesab Nəticə Yarış
1. 28 mart 2004 Almatı Mərkəzi Stadionu, Almatı, Qazaxıstan Flag of Kazakhstan.svg Qazaxıstan 3-2 3-2 Yoldaşlıq oyunu
2. 4 sentyabr 2004 Tofiq Bəhramov adına Respublika Stadionu, Bakı, Azərbaycan Flag of Wales.svg Uels 1-1 1-1 DÇ 2006 seçmə mərhələ
3. 12 mart 2006 Tofiq Bəhramov adına Respublika Stadionu, Bakı, Azərbaycan Flag of Turkey.svg Türkiyə 1-1 1-1 Yoldaşlıq oyunu
4. 12 oktyabr 2010 Tofiq Bəhramov adına Respublika Stadionu, Bakı, Azərbaycan Flag of Turkey.svg Türkiyə 1-0 1-0 Avro 2012 seçmə mərhələ

Uğurları[redaktə]

Klub[redaktə]

Flag of Azerbaijan.svg Neftçi Bakı
Flag of Azerbaijan.svg Qarabağ Ağdam
Flag of Turkey.svg Kayserispor

Şəxsi[redaktə]

  • Azərbaycanda ilin futbolçusu (Futbol+ qəzetinin versiyası) (3): 2004, 2005, 2010,[64] 2013[65]
  • Azərbaycanda ayın ən yaxşı idmançısı (1): 2009, fevral (Azerisport.com saytının versiyası)[66]
  • Azərbaycan Premyer Liqası, "Ən yaxşı yerli oyunçu": 2009-2010.[67]
  • Azərbaycan milli futbol komandası, "Ən çox oyun keçirən futbolçu": 2011.[68]
  • Azərbaycan milli futbol komandası, "Ən yaxşı oyunçu": 2013[69]
  • İmarət fan klubu "Ən sadiq futbolçu" mükafatı: 2013[70]

Digər fəaliyyətləri[redaktə]

2010-cu ildə Rəşad Sadıqovun şəkli Azərbaycan Premyer Liqasının təbliği ilə bağlı Unibankın hazırladığı bilbordlarda əks olunmuşdu.[71] 2013-cü ildə “Məktəbli uşaqlar arasında sağlam həyat tərzi mövzusunda komikslərinə/əyləncəli tədris vasitələrinin nəşri və yayılması” adlanan layihədə çərçivəsində komikslərdədə verilən mesajların daha təsirli olması üçün “Qarabağ”ın kapitanı Rəşad Sadıqovun şəkillərindən istifadə olunub, bu məqsədlə “Qarabağ” ilə saziş imzalanıb.[72]

Basketbol[redaktə]

Rəşad 2006-cı ildə Türkiyənin Kayserispor klubundan Bakının Neftçi komandasına qayıtmaq istəyirdi. Ancaq yay "transfer pəncərəsi"nin sonunda ona AFFA tərəfindən əngəl yaradıldı.[73] Nəticədə Sadıqov yerli NTD Servis Devon basketbol klubunda müdafiəçi kimi oynamağa başladı.[74] Bu klubda ilk oyununu Xəzər-BDU komandasına qarşı keçirib, bu oyunda komandası 105-53 hesabı ilə qələbə qazanıb. Rəşad bu oyunda 13 xal toplayıb.[75]

Həmçinin bax[redaktə]

İstinadlar[redaktə]

  1. 1,0 1,1 İntiqam Valehoğlu (2013-12-07). Rəşad Sadıqovun görünməyən tərəfləri (az). Ədalət qəzeti. Yoxlanılıb 2013-12-25.
  2. 2,0 2,1 Rəşad Sadıqov: ”Son zəng”ə getməyə ayaqqabım yox idi” (az). Qol.az (8 oktyabr 2013). Yoxlanılıb 1 yanvar 2014.
  3. День рождения капитана сборной Азербайджана Рашада Садыхова (ru). Trend.az (15 iyun 2009). Yoxlanılıb 1 yanvar 2014.
  4. 4,0 4,1 4,2 Rəşad Sadıqov 333 gün gözlədi, 15 dəqiqə oynadı (az). Trend.az (23 sentyabr 2009). Yoxlanılıb 1 yanvar 2014.
  5. Denizlispor Kayserispor. transfermarkt. Yoxlanılıb 2013-12-25.
  6. Marcel Haisma (26 iyul 2006). UEFA Intertoto Cup 2006 - Match Details. RSSSF. Yoxlanılıb 2 yanvar 2014.
  7. 7,0 7,1 7,2 7,3 Rəşad Sadıqov: 3-cü gediş, gecikən debüt, erkən endşpil (az). Apasport.az (13 fevral 2011). Yoxlanılıb 1 yanvar 2014.
  8. "Neftçi" klubunun aparıcı futbolçusu karyerasını başqa klubda davam etdirmək variantı olduğunu deyib (az). Trend.az (15 may 2008). Yoxlanılıb 1 yanvar 2014.
  9. Kayserispor Trabzonspor. transfermarkt. Yoxlanılıb 2 yanvar 2014.
  10. 10,0 10,1 10,2 Rəşad Sadıqovdan iddialı açıqlama: «Yenə gedəcəm» (az). Milli.az (15 fevral 2011). Yoxlanılıb 1 yanvar 2014.
  11. Rəşad Sadıqov: "6,7 ilimi verdiyim "Neftçi"dən layiq olmayan şəkildə uzaqlaşdırıldım" (az). Futbolpress.az. Yoxlanılıb 30 dekabr 2013.
  12. Neftchi Baku FC Nitra. transfermarkt. Yoxlanılıb 2013-12-28.
  13. Rəşad Sadıqov: yoxa lənət! (az). Apasport.az (30 oktyabr 2008). Yoxlanılıb 29 dekabr 2013.
  14. Rəşad Sadıqov: «Qəti qərara gəlmişəm, Azərbaycandan gedirəm» (az). Qol.az (17 noyabr 2008). Yoxlanılıb 1 yanvar 2014.
  15. HANS YÜRGEN GEDE: "NEFTÇİDƏN KƏNARLAŞDIRILAN FUTBOLÇULAR GERİ QAYTARILMAYACAQ" (az). Deyerler.org (30 oktyabr 2008). Yoxlanılıb 1 yanvar 2014.
  16. Rəşad Sadıqov «Valyadolid»də ilk məşqə çıxdı (az). Qol.az (16 dekabr 2008). Yoxlanılıb 1 yanvar 2014.
  17. Rəşad Sadıqov: «Neftçi»dən transfer vərəqəmi götürmək qalıb» (az). Qol.az (2 dekabr 2008). Yoxlanılıb 1 yanvar 2014.
  18. Rəşad Sadıqov: "Kocaelispor”da qalıb-qalmayacağım yaxın günlərdə bilinəcək" (az). Qol.az (5 yanvar 2009). Yoxlanılıb 1 yanvar 2014.
  19. İlqar Quluzadə: “Neftçi” transfer haqqı almadan Rəşad Sadıqovu hansısa komandaya buraxmayacaq" (az). Qol.az (22 yanvar 2009). Yoxlanılıb 1 yanvar 2014.
  20. Rəşad Sadıqovdan orijinal addım: futbolçumuz «1» nömrəni seçdi (az). Qol.az (23 yanvar 2009). Yoxlanılıb 1 yanvar 2014.
  21. Rəşad Sadıqov “Kocaelispor”la müqavilə bağladı (az). Qol.az (23 yanvar 2009). Yoxlanılıb 1 yanvar 2014.
  22. Rəşad Sadıqovdan orijinal addım: futbolçumuz «1» nömrəni seçdi (az). Qol.az (23 yanvar 2009). Yoxlanılıb 1 yanvar 2014.
  23. Rəşad Sadıqov borcunu istəyə bilər (az). Milli.az (3 noyabr 2010). Yoxlanılıb 1 yanvar 2014.
  24. Rəşad Sadıqov “Terminator” oldu (az). Apasport.az (19 mart 2009). Yoxlanılıb 1 yanvar 2014.
  25. "Qarabağ" Rəşad Sadıqovun keçidini təsdiqlədi (az). Qol.az (30 iyun 2009). Yoxlanılıb 1 yanvar 2014.
  26. Rosenborg BK Qarabag. transfermarkt. Yoxlanılıb 2013-12-28.
  27. Rəşad Sadıqov “Qarabağ”la bir illik müqavilə bağladı (azərb). Qol.az (14 avqust 2009). Yoxlanılıb 1 yanvar 2014.
  28. Ağdamın işğal günündə "Qarabağ"ın möhtəşəm zəfəri (az). Qol.az (23 iyul 2009). Yoxlanılıb 1 yanvar 2014.
  29. QARABAĞ VS. HONKA 2 - 1. soccerway. Yoxlanılıb 2013-12-29.
  30. Rəşad Sadıqov «Qarabağ»la yeni müqavilə imzaladı (az). Milli.az (7 iyun 2010). Yoxlanılıb 1 yanvar 2014.
  31. QARABAĞ VS. METALURG 4 - 1. soccerway (31 iyul). Yoxlanılıb 2013-12-29.
  32. Rəşad Sadıqov Rusiya klubundan təklif aldı (az). Milli.az. Yoxlanılıb 1 yanvar 2014.
  33. Rəşad Sadıqov "Əskişəhərspor"da! (az). Milli.az (30 avqust 2010). Yoxlanılıb 1 yanvar 2014.
  34. Rəşad Sadıqov 41 nömrəni seçdi (az). Qol.az (17 sentyabr 2010). Yoxlanılıb 1 yanvar 2014.
  35. Rəşad Sadıqov: «Allah eləməsin ki, mən Türkiyəni «yıxan» adam olam» (az). Milli.az (16 oktyabr 2010). Yoxlanılıb 1 yanvar 2014.
  36. Rəşad Sadıqov Türkiyədə "fərqləndi" (az). Milli.az (23 okyabr). Yoxlanılıb 1 yanvar 2014.
  37. Rəşad Sadıqovun “Eskişehirspor”da debütü uğurlu alındı (az). Lent.az (16 oktyabr 2010). Yoxlanılıb 1 yanvar 2014.
  38. 38,0 38,1 Rəşad Sadıqov rəsmən "Qarabağ"da!. Milli.az (12 fevral 2011). Yoxlanılıb 1 yanvar 2014.
  39. "Karyeramı "Qarabağ"da bitirmək istəyirəm" (az). Korner.az. Yoxlanılıb 3 yanvar 201d.
  40. “Qarabağ” Rəşad Sadıqovu istəyir (az). Milli.az (22 yanvar 2011). Yoxlanılıb 1 yanvar 2014.
  41. "Qarabağ" təsdiqlədi, qaldı təqdimatı (az). Milli.az (12 fevral 2011). Yoxlanılıb 1 yanvar 2014.
  42. SPFC Qarabag. transfermarkt. Yoxlanılıb 2013-12-28.
  43. Kapitan və bombardir mövsümü bitirdi (az). Avrofutbol.com (16 may 2013). Yoxlanılıb 2 yanvar 2014.
  44. Qarabağ çempion! (azərb.). azerisport.com (7 may 2014). Yoxlanılıb 26 may 2014.
  45. Rəşad Sadıqov daha üç il “Qarabağ”da (az). Qol.az (2 iyun 2014). Yoxlanılıb 2 iyun 2014.
  46. Rəşad Fərhad Sadıqov. national-football-teams.com. Yoxlanılıb 4 yanvar 2014.
  47. R.F. SADIQOV. soccerway. Yoxlanılıb 4 yanvar 2014.
  48. RASHAD SADIGOV. TFF. Yoxlanılıb 4 yanvar 2014.
  49. Azerbaijan - Wales. FİFA. Yoxlanılıb 29 dekabr 2013.
  50. Football PLAYER: Rəşad Sadıqov. eu-football.info. Yoxlanılıb 29 dekabr 2013.
  51. Football MATCH: 12.04.2006 Azerbaijan v Turkey. eu-football.info. Yoxlanılıb 29 dekabr 2013.
  52. Şahin Diniyev: "Rəşad, get, futbolunu oyna!" (az). Qol.az (17 noyabr 2008). Yoxlanılıb 29 dekabr 2013.
  53. Z. Səfərov (15 noyabr 2007). Azərbaycanın futbol üzrə yığmasının kapitanı yenidən Rəşad Sadıqov ola bilər (az). Trend.az. Yoxlanılıb 29 dekabr 2013.
  54. Vüqar Xeyrullayev (16 oktyabr 2008). Rəşad Sadıqov - 50 (az). Apasport.az. Yoxlanılıb 29 dekabr 2013.
  55. Turkey Azerbaijan. transfermarkt. Yoxlanılıb 2 yanvar 2014.
  56. Russia Azerbaijan. transfermarkt. Yoxlanılıb 2 yanvar 2014.
  57. Football MATCH: 29.05.2010 Azerbaijan v Macedonia. eu-football.info. Yoxlanılıb 29 dekabr 2013.
  58. Football MATCH: 07.09.2010 Germany v Azerbaijan. eu-football.info. Yoxlanılıb 29 dekabr 2013.
  59. Rəşad Sadıqov rekord qırdı (az). Milli.az (8 oktyabr 2011). Yoxlanılıb 1 yanvar 2014.
  60. Football MATCH: 12.10.2010 Azerbaijan v Turkey. eu-football.info. Yoxlanılıb 29 dekabr 2013.
  61. Şahin Diniyev: "Rəşad, get, futbolunu oyna!" (az). Qol.az. Yoxlanılıb 2013-12-25.
  62. Şahin Diniyevdən böyük jest (az). Sportal.az (2013-12-07). Yoxlanılıb 2013-12-25.
  63. [1]
  64. Rəşad Sadıqov Azərbaycanda ilin ən yaxşı futbolçusu oldu (az). Milli.az (21 dekabr 2010). Yoxlanılıb 1 yanvar 2014.
  65. "Birinci olacağımı qətiyyən gözləmirdim" (azərb.). Futbol+ qəzeti (11 yanvar 2014). Yoxlanılıb 14 yanvar 2014.
  66. Капитан сборной Азербайджана по футболу и защитник "Коджаелиспора" Рашад Садыхов признан посетителями azerisport.com лучшим спортсменом Азербайджана по итогам февраля. (ru). Azerisport.az (9 mart 2008). Yoxlanılıb 1 yanvar 2014.
  67. Unibank Premyer Liqasının qalibləri mükafatlandırıldı (az). Milli.az (24 sentyabr 2010). Yoxlanılıb 1 yanvar 2014.
  68. Milli komandaların ən yaxşıları mükafatlandırıldı (az). Milli.az (19 dekabr 2011). Yoxlanılıb 1 yanvar 2014.
  69. Milli komandalarımızın ən yaxşıları bəlli oldu (az). Qol.az (17 dekabr 2013). Yoxlanılıb 1 yanvar 2014.
  70. "İmarət" ilə yekun vurdu (az). Qol.az (22 dekabr 2013). Yoxlanılıb 1 yanvar 2014.
  71. UniBank, futbolla yaşa! (az). Qol.az (19 oktyabr 2009). Yoxlanılıb 1 yanvar 2014.
  72. Rəşad Sadıqovun yeni müqaviləsi “həyat dəyişdirdi” (az). Publika.az (3 dekabr 2013). Yoxlanılıb 3 yanvar 2014.
  73. Rəşad Sadıqov idman tarixinə düşüb (az). Azadlıq Radiosu (15 noyabr 2006). Yoxlanılıb 2 yanvar 2014.
  74. “Qarabağ”ın futbolçuları polşalıları çaşdırdı (az). Milli.az (28 iyul 2010). Yoxlanılıb 1 yanvar 2014.
  75. Рашад Садыхов стал баскетболистом (ru). Exo. Yoxlanılıb 1 yanvar 2014.

Xarici keçidlər[redaktə]