Rəhim Sultanov

Vikipediya, azad ensiklopediya
Naviqasiyaya keçin Axtarışa keçin
Rəhim Sultanov
Rəhim Sultan oğlu Sultanov
Doğum tarixi
Doğum yeri Kəhrəlan, Qacarlar dövləti
Vəfat tarixi
Vəfat yeri Bakı, Azərbaycan
Dəfn yeri Bakı, Azərbaycan
Mükafatları "Azərbaycan SSR əməkdar elm xadimi" fəxri adı — 1982

Rəhim Sultanov (tam adı: Rəhim Sultanməmməd oğlu Sultanov; 20 iyun 1912 – 2000) — şərqşünas alim, Bakı Dövlət Universiteti Şərqşünaslıq fakültəsi Yaxın Şərq dilləri kafedrasının müdiri, professor (1972), Azərbaycan SSR əməkdar elm xadimi (1982). "Şərəf nişanı" ordeni ilə təltif olunmuşdur.

Həyatı[redaktə | mənbəni redaktə et]

Rəhim Sultanməmməd oğlu Sultanov 1912-ci il iyunun 20-də Ərdəbil yaxınlığında Kəhrəlan kəndində anadan olmuşdur. Kiçik yaşlarında ikən ailəlikcə Bakıya köçmüşlər. 1939-cu ildə ADU-nun kimya fakültəsini bitirmişdir.

İkinci dünya müharibəsi illərində İranda fəaliyyəti[redaktə | mənbəni redaktə et]

Fars dilini mükəmməl bilən Rəhim Sultanov İkinci dünya müharibəsi illərində Qızıl Ordu sıralarında hərbi tərcüməçijurnalist işləmişdir.

Həmin illərdə Təbrizdə nəşr olunan Vətən Yolunda (qəzet) Qızıl Ordu qəzetində, Məşhəddə nəşr olunan Əxbar-e taze-ye ruz qəzetində, Tehranda nəşr olunan Dust-e İran qəzeti və eyni adlı jurnalda çalışaraq, antiimperialist və antifaşist təbliğatının genişlənməsində səmərəli fəaliyyət göstərmişdir.

Pedaqoji və yaradıcılıq fəaliyyəti[redaktə | mənbəni redaktə et]

1950–60-cı illərdə Şərqşünaslıq fakültəsinin dekanı olmuşdur. 1950-ci ildən ömrünün axırına qədər Yaxın Şərq dilləri kafedrasının müdiri olmuşdur.

Fars dili tarixi, müasir fars dili və onun tədris metodikası üzrə tədqiqatların, ali və orta məktəblər üçün fars dili dərsliklərinin müəllifi olmuşdur.

Elmi və pedaqoji kadrlar hazırlanmasında xidmətləri vardır.

1987-ci il dekabrın 23-də Şərqşünaslıq fakültəsinin Elmi Şurasının qeniş iclasında onun anadan olmasının 75, elmi-pedaqoji və ictimai fəaliyyətinin 55 illiyi qeyd olunmuşdur.

Nəsirəddin Tusinin "Əxlaqi-Nasiri", Nizamülmülkün "Siyasətnamə", Sədinin "Gülüstan", Caminin "Baharıstan", "Qabusnamə", "Kəlilə və Dimnə" və digər klassik əsərləri Azərbaycan dilinə tərcümə etmişdir.

2000-ci ildə Bakıda vəfat etmişdir.

Əsərləri[redaktə | mənbəni redaktə et]

  • Sədi yaradıcılığında "Gülüstan [red. H. Əlizadə]. Bakı: Azərnəşr, 1961.
  • Fars dili tədrisinin metodikası. [red. T. Rüstəmova]; Azərb. SSR Ali və Orta İxtisas Təhsili Nazirliyi, S. M. Kirov ad. ADU. Bakı, 1973.
  • Nizami əsərləri dili lüğətinin tərtib prinsipləri. Bakı, 1982.

Şəxsi həyatı[redaktə | mənbəni redaktə et]

Qardaşları alimlər Məmmədağa SultanovQədir Sultanov idi.

Mənbə[redaktə | mənbəni redaktə et]