Rafiq Hümbət

Rafiq Hümmət - şair-publisist. 1965-ci il fevralın 13-də Borçalıda - Gürcüstanın Bolnisi rayonunun Darvaz kəndində anadan olub. 1982-ci ildə doğma kəndində orta məktəbi, 1991-ci ildə S.S.Orbeliani adına Tbilisi Dövlət Pedaqoji Universitetinin filologiya fakültəsini bitirib.Həmin ildən etibarən bir müddət "Sovet Gürcüstanı" (indiki "Gürcüstan")qəzetində çalışıb.1997-ci ildə Rustavi şəhərində nəşr olunan "Region" qəzetinin redaktoru olub.Sonra Bakıya köçüb və bir neçə il orada yaşayıb. Bir çox mətbu orqanlarda, o cümlədən "Şərq", "Yeni Azərbaycan" qəzetlərində çalışıb, "Milliyət" qəzetinin baş redaktoru olub. 2000-ci ildə Azərbaycanda gənc yazarlar üçün təsis olunmuş Prezident təqaüdünə layiq görülüb.2004-cü ildə Gürcüstana qayıdıb və Azərbaycan Yazıçılar Birliyi Gürcüstan bölməsinin sədri seçilib, dilimizdə "Ədəbi Gürcüstan" adlı qəzet nəşr etdirib..2009-cu ilin yazından Tbilisidəki "Varlıq" Mədəniyyət Mərkəzinin sədri, "Varlıq" həftəlik qəzetinin baş redaktorudur. Rafiq Hümmət ədəbi-bədii yaradıcılıqla gənc vaxtlarından -80-ci illərdən məşğul olur. Bir neçə kitabın, o cümlədən "Salam, dünyanın yiyəsi..." şeirlər kitabının müəllifidir. Onun toplayıb nəşrə hazırladığı və 2007-ci ildə Tbilisidə nəşr etdirdiyi 548 səhifəlik "Ədəbi Gürcüstan" toplusu ədəbi dairələrdə böyük maraqla qarşılanıb. R.Hümmət bədii tərcümə ilə də məşğuldur. Çağdaş gürcü və rus poeziyasının bir çox nümunələri onun tərcüməsində işıq üzü görüb. Gürcü-Azərbaycan ədəbi əlaqələrinin inkişafında da Rafiq Hümmətin xüsusi xidməti vardır. Ailəli və iki övlad atasıdır.