Ramil Səfərov

Vikipediya, açıq ensiklopediya
Keçid et: naviqasiya, axtar
Ramil Səfərov
Ramil Sahib oğlu Səfərov
Ramil Safarov.png
31 avqust 2012, Bakıya qayıdandan dərhal sonra
Doğum tarixi: 25 avqust 1977 (1977-08-25) (36 yaş)
Doğum yeri: Cəbrayıl, Flag of Azerbaijan SSR.svg Azərbaycan SSR
Atası: Sahib Səfərov
Anası: Nübar Səfərova
Milliyyəti: azərbaycanlı

Səfərov Ramil Sahib oğlu — azərbaycanlı hərbçi.

Həyatı[redaktə]

Ramil Səfərov 25 avqust 1977-ci ildə Cəbrayıl rayonunda dünyaya gəlib. 1991-ci ildə Cəmşid Naxçıvanski adına hərbi təmayüllü məktəbə daxil olub. 1992-ci ilin sentyabrında ARMN-in sərəncamı ilə təhsilini davam etdirmək üçün Türkiyənın İzmir şəhərinə göndərilib. Maltəpə hərbi litseyini müvəffəqiyyətlə bitirdikdən sonra Ankara Ali Hərbi məktəbinə daxil olub və hərbi təlim kursları keçib. 2001-ci ilin may ayından 2002-ci ilin mart ayına qədər MN-in sərəncamı ilə Gədəbəydəki "N" saylı hərbi hissədə tağım komandiri vəzifəsində qulluq edib. 2002-ci ilin mart ayında MN-in sərəncamı ilə H.Əliyev adına AHKM-ə göndərilib. Qulluq etdiyi müddətdə baş leytenant rütbəsinə qədər yüksəlib. 2004-cü ilin yanvar ayında MN-in sərəncamı ilə NATO proqramları çərçivəsində Macarıstanın Budapeşt şəhərində keçirilən 3 aylıq ingilis dili kurslarına ezam olunub.

Vətənə dönməyə 20 gün qalmış – fevral ayının 19-da kurslarda iştirak edən Qurqen Markaryan adlı erməni zabitini Azərbaycan bayrağını təhqir etdiyinə görə qətlə yetirib. Elə həmin tarixdə Budapeştin hüquq-mühafizə orqanları tərəfindən həbs olunub. Budapeşt Şəhər Məhkəməsinin 13 aprel 2006-cı il tarixli hökmü ilə ömürlük azadlıqdan məhrum edilib.

4 oktyabr 2009-cu ildə anası Nübar Səfərova vəfat edib[1].

Bəzi KİV-lər Ramil Səfərovun 2012-ci ilin oktyabrın əvvəlində ailə qurması barədə xəbər yaydılar[2]. Ancaq atası Sahib Səfərov Ramilin evlənmə xəbərini qəti şəkildə təkzib etdi[3]. 28 may 2014-cü ildə Ramil Səfərovun qız uşağı dünyaya gəldi[4]

Ramil Səfərov.jpg

Erməni vəhşiliklərinin şahidi[redaktə]

1988-ci ildən 1993-cü ilə qədər ermənilərin törətdikləri vəhşilikləri, tökdükləri qanı Ramil öz gözləri ilə görüb. Çünki həmin illər onun yeniyetməlik çağlarına təsadüf edir. O vaxtları atası Sahib bəy Cəbrayıl rayonunun mərkəzindəki xəstəxanada baş həkimin təsərrüfat işləri üzrə müavini, anası Nübar xanım cərrahiyyə şöbəsində işləyib. Ərazi ermənilər tərəfindən daim atəşə tutulduğundan Ramil gününün çox hissəsini valideynlərinin yanında keçirməli olub. Qolu-başı kəsikləri, gözləri çıxarılanları öz gözləriylə görüb. Elə vaxt olurmuş ki, hətta gün ərzində xəstəxanaya on beş-iyirmi meyit, iyirmi-otuz yaralı gətirilirmiş. Bunlar hamısı Ramilin beyninə, canına, qanına hopub və təbii ki, 15-16 yaşlı yeniyetmənin psixoloqiyasına təsir göstərib. Hətta aradan xeyli müddət ötsə də, Ramilin elə qohumları var ki, onların nə ölüsündən, nə də dirisindən xəbər yoxdur.

Ekstradisiyası və əfv edilməsi[redaktə]

Ramil Səfərov 31 avqust 2012-ci ildə Bakıya gətirilmişdir[5]. Azərbaycan Respublikası Prezidentinin 31 avqust 2012-ci il tarixli Sərəncamı ilə cəza çəkməkdən azad edilərək əfv edilmişdir[6][7].

Azərbaycan Prezidenti İlham Əliyev[8]:

Macar ədəbiyyatının orijinaldan Azərbaycan dilinə ilk tərcüməçisi[redaktə]

Ramil Səfərov Macar ədəbiyyatının orijinaldan Azərbaycan dilinə ilk tərcüməçisidir. Macarıstanda həbsdə olduğu müddətdə o, macar dilini də öyrənib və bu ölkənin ən sevilən ədəbiyyat nümunələrindən birini Azərbaycan dilinə tərcümə edib. O, Macarıstanın tanınmış qadın yazıçılarından biri Maqda Sabonun "Qapı" (mac. "Az ajtó" 1987) romanını tərcümə etmişdir[9].

O, həmçinin Macarıstanın tanınmış yazıçılarından biri Ferens Molnarın "Pal küçəsinin oğlanları" (mac. "A Pál utcai fiúk", 1906) povestini də tərcümə etmişdir.

İstinadlar[redaktə]

  1. Ramil Səfərovun anası vəfat edib
  2. Ramil Səfərov evləndi
  3. Ramil Səfərovun atasından qəzəbli açıqlama - zabitin evləndiyi təkzib olundu
  4. Ramil Səfərovun övladı oldu
  5. RAMİL SƏFƏROV BAKIYA GƏTİRİLDİ (FOTO)
  6. RAMİL SƏFƏROV ƏFV OLUNDU
  7. "R.S.Səfərovun əfv edilməsi haqqında" Azərbaycan Respublikası Prezidentinin 31 avqust 2012-ci il tarixli Sərəncamı (azərb.)
  8. Quba Soyqırımı Memorial Kompleksinin açılışında İlham Əliyevin nitqi
  9. Ramil Səfərovun macar dilindən çevirdiyi romanın təqdimatı olub