Raterford Heys

Raterford Börçard Heys Rutherford Birchard Hayes
Amerika Birləşmiş Ştatlarının 19-cu prezidenti
4 mart 1877 — 4 mart 1881
Vitse-prezident:	Uilyam Uiler
Sələfi:	Uliss Qrant
Xələfi:	Ceyms Qarfild
Partiya:	Respublikaçılar Partiyası
Dini:	Xristian
Təvəllüdü:	4 oktyabr 1822 Delaver, Ohayo, ABŞ
Vəfatı:	17 yanvar 1893 Fremont, Ohayo, ABŞ
Atası:	Raterford Heys
Anası:	Sofiya Börçard
Həyat yoldaşı:	Lüsi Uebb Heyz
Uşaqları:	Börçard Ostin Heys Ceyms Uebb Kuk Heys Raterford Platt Heys Cozef Tompson Heys Corc Cruk Heys Fanni Heys Skot Rassel Heys Manninq Fors Heys
İmzası:

Raterford Börçard Heys (ing. Rutherford Birchard Hayes; 4 oktyabr 1822, Delaver, Ohayo, ABŞ — 17 yanvar 1893, Fremont, Ohayo, ABŞ) — Amerika Birləşmiş Ştatlarının 19-cu prezidenti (1877-1881). Onun prezident seçilməsi ABŞ tarixində ən "çirkin" prezident seçkiləri nəticəsində mümkün olmuşdur.

1876-cı il prezident seçkiləri

1876-cı ilin noyabrında keçirilən seçkilərdə Demokrat Partiyasının namizədi Nyu-York ştatının qubernatoru Semuel Tilden Raterford Heysi 250 min səslə üstələyərək qələbə çalır. Lakin prezident Uliss Qrant hakimiyyəti öz təmsil etdiyi partiyanın nümayəndəsinə təhvil verə bilmək üçün Semuel Tildenin qalib gəldiyi 4 ştatda – Florida, Luiziana, Şimali Karolina və Oreqonda səslərin yenidən sayılmasına nail olur. İlk üç ştata ordu hissələri yeridilir. Səslərin yenidən sayılması nəticəsində Heysin qalib gəldiyi elan edilir. Vaşinqtonda baş verən iğtişaşların qarşısını almaq üçün buraya da qoşun yeridilir.

Maraqlı faktlar

• 1877-ci ilin dekabrında Ağ Evdə ilk telefon quraşdırılmış və Aleksandr Bell 21 km məsafədən Raterford Heysə zəng etmişdir. Beləliklə, o telefondan istifadə etmiş ilk ABŞ prezidenti hesab edilir.