Ravil Qaynutdin

Vikipediya, açıq ensiklopediya
Keçid et: naviqasiya, axtar
RAVIL QAYNUTDIN
Ravil İsmayıl oğlu Qaynutdinov
Ravil Gaynutdin.jpg
Ravil Qaynutdin
Doğum tarixi: 25 avqust 1959
Doğum yeri: Tatarıstan, Şali

Ravil QaynutdinMoskva Ali İslam Ruhani Kollecinin professoru, Beynəlxalq Slavyan və Beynəlxalq İnformatizasiya akademiyalarının, eləcə də Rusiya prezidenti yanında Dini Qurumlarla İş üzrə Şuranın üzvü.

Həyatı[redaktə]

Ravil İsmayıl oğlu Qaynutdinov 1959-cu il avqust ayının 25-də Tatarıstan Respublikasının (TR) Şali rayonunda anadan olub.

Hal-hazırda Rusiya Federasiyası (RF) Müftilər Şurasının sədridir. Etnik baxımdan tatar olan R.Qaynutdin RF İctimai Palatasının da üzvüdür.

Dini fəaliyyəti[redaktə]

Gənc yaşlarında Kazan televiziyasında rejissorun köməkçisi işləyən Ravil 1979-cu ildə Özbəkistanın Buxara şəhərinin "Mir Ərəb" mədrəsəsinə daxil olur. Mədrəsədə təhsilini fərqlənmə diplomu ilə başa vurduqdan sonra o, Kazanın ikinci "Nur İslam" mərkəzi məscidinın ilk imam-xətibi təyin olunur.

Qaynutdin 1985-ci ildə Ufada RF və Sibir Müsəlmanları Ruhani İdarəsinin məsul katibi seçilir. 1987-ci ildə Moskva məscidinin imam-xətibi, bir il sonra isə həmin məscidin Baş imam-xətibi seçilir. R.Qaynutdin 1991-ci ildə Moskva və Moskvaətrafı bölgəsi üzrə İslam Mərkəzinin prezidenti vəzifəsinə təyin olunur.

1994-cü il yanvar ayının 29-da Rusiya Müsəlmanları Ruhani İdarəsi Mərkəzi-Avropa regionunun müftisi seçilən R.Qaynutdin 2 il sonra isə Rusiya Müftilər Şurasının sədri olur.

R.Qaynutdin Moskva Ali İslam Ruhani Kollecinin professoru, Beynəlxalq Slavyan və Beynəlxalq İnformatizasiya akademiyalarının, eləcə də Rusiya prezidenti yanında Dini Qurumlarla İş üzrə Şuranın üzvüdür.

Mükafatları[redaktə]

1997-ci ildə Rusiya prezidenti tərəfindən "Dostluq" ordeni ilə təltif olunan R.Qaynutdin 2004-cü il yanvar ayının 15-də konfessiyalararası əməkdaşlığa və vətəndaş sülhünün möhkəmləndirilməsindəki əməyinə görə "Şərəf" ordeninə layiq görülür.

R.Qaynutdin 2009-cu il sentyabr ayının 11-də Vətən qarşısındakı xidmətlərinə - ölkənin mənəvi mədəniyyətinin inkişafına və xalqlar arasında dostluq əlaqələrinin möhkəmləndirilməsinə verdiyi töhfəyə görə IV dərəcəli ordenlə təltif olunub.

Mənbə[redaktə]

Həmçinin bax[redaktə]