Rayt qardaşları

Vikipediya, açıq ensiklopediya
Keçid et: naviqasiya, axtar
Uilber Rayt
Оrvil Rayt

Rayt qardaşları (İngilis dili: Wilbur Wright (1867—1912) və Orville Wright (1871—1948)) Amerika Birləşmiş Ştatları ixtiraçıları və aviakonstruktorları.

Həyatları[redaktə]

Uilbert 16 aprel 1867-ci ildə NyuKasl –İndiana yaxınlığında , Orvil isə 19 avqust 1871-ci ildə Deytona, Ohayo ştatında anadan olmuşdur. Onların atası yepiskop olduğundan ailə tez tez bir yerdən başqa yerə köçmək məcburiyyətində qalırdı, nəhayət Deytonada yerləşənə qədər. Məktəb təhsilləri qardaşlar üçün çox vacib olmayıb, ali təhsil isə ala bilməyiblər. Məktəbdə kərpələnk düzəldib satmağa başlayıblar.

1892-ci ildə velosiped satışı üzrə mağaza, sonra velosiped təmiri üçün emalatxana açıblar. 1895-ci ildə isə velosiped istehsalı ilə məşğul olan şəxsi şirkətlərini qurublar.

1900-cü ildə ilk planyorları ilə Kitti-Xoukda eksperiment aparmağa başlayıblar, 1901-ci ildə isə ikinci planyorlarını sınaqdan keçiriblər.

1902-ci ildə öz motorlu aeroplanlarını düzəltməyə başlayıblar. Bu aeroplanın motorunu özləri yığmışdılar (ağırlıq 77 kq, valın fırlanma sürəti -1200 dövr/san, gücü 12 at gücü)

17 dekabr 1903-cü ildə motorlu aeroplan “Flayer-1” ilə dünyada ilk planlı uçuşu həyata keçirmişlər. İlk uçuşun uzaqlığı (pilot Orvil idi) 37 metr təşkil edirdi. Aparat havada 12 saniyə keçirmişdi. Elə həmin gün Uilber havada 59 saniyə qalaraq 260 metr yol qətt etmişdir.[1]

Sonrakı iki ildə öz aeroplan konstruksiyalarını təkmilləşdirməklə məşğul olub 200-dən çox uçuş həyata keçirmişdirlər. 22 may 1906-cı ildə öz icadlarına patent alıblar.

1909-cu ildə qardaşlar “Rayt” şirkətini yaratdılar hansıki pilotların hazirlanması və təyyarə istehsalı ilə məşğul idi.

30 may 1912-ci ildə Deytonada Uilber Rayt tifdən vəfat etdi.

Orvill 30 yanvar 1948-ci ildə Deytonada vəfat etmişdir.

Onun ölümündən sonra ilk motorlu aeroplan “Flayer-1” Vaşingtonun Smitnov institunun muzeyinə yerləşdirilmişdir.

قايناق‌لار[redaktə]