Renate Linqor

Renate Linqor
Ümumi məlumatlar
Doğum tarixi	11 oktyabr 1975(1975-10-11) (48 yaş)
Doğum yeri	Karlsrue, Karlsrue[d], Baden-Vürtemberq, Qərbi Almaniya
Vətəndaşlığı	Almaniya Federativ Respublikası
Boyu	1,66 ± 0,001 m
Çəkisi	56 kq
Mövqeyi	yarımmüdafiəçi
Vikianbarda əlaqəli mediafayllar

Renate Linqor — Qadın futbolu üzrə dünya və Avropa çempionu, Olimpiya oyunlarının mükafatçısı

Həyatı

Renate Linqor Almaniyanın Karlsrue şəhərində doğulub.

Karyerası

Klub karyerası

O, futbol oynamağa 1981-ci ildə "SV Blankenloch" klubunda başlayıb, 1983-cü ildən "Karlsrue SC" klubunun gənclərdən ibarət komandasında çıxış edib. Almaniya Bundesliqasında peşəkar karyerasına 14 yaşında "SC Klinge Seckach" klubu ilə müqavilə imzaladıqdan sonra başlayıb. Almaniyanın bir sıra aparıcı klublarından təklif almasına baxmayaraq, o, adıçəkilən klubda 1997-ci ilə qədər çıxış edib. Həmin il Renate Linqor "FFC Frankfurt" klubunda mərkəz yarımmüdafiəçi mövqeyində oynamağa başlayıb. Linqor 2 dəfə UEFA Kubokunun qalibi (2002, 2006), 5 dəfə Almaniya çempionu (1999, 2001, 2002, 2003, 2005), 5 dəfə Almaniya Kubokunun qalibi (1999, 2000, 2001, 2002, 2003) olub. 2007-2008-ci il mövsümündən sonra futbolçu karyerasını başa vurub.

Milli karyerası

1995-ci ildə Almaniya milli komandasına dəvət olunan Renate Linqor buna qədər Almaniyanın 20 yaşlı futbolçulardan ibarət yığmasının tərkibində 19 oyunda meydana çıxıb. 2006-cı ildə Marta (Braziliya) və Kristin Lilli (ABŞ) ilə bərabər Dünyada İlin Ən Yaxşı Qadın Futbolçusu adına Renate Linqorun da namizədliyi irəli sürülüb. Linqor Milli komandada 2 dəfə dünya çempionu (2003, 2007), 2 dəfə Avropa çempionu (2001, 2005) və 2 dəfə Yay Olimpiya Oyunlarının bürünc mükafatçısı (2000, 2004) olub.

Xarici keçidlər

• Dünya və Avropa çempionu Bakıya gəlir Arxivləşdirilib 2016-03-04 at the Wayback Machine