Rodos

Vikipediya, açıq ensiklopediya
Keçid et: naviqasiya, axtar
Rodos adası
Rodos adasını təsvir edən qravyür (1493)
Attaviros dağının və Rodos adasının qərb hissəsinin mənzərəsi

Rodos (yunan. Ρόδος) - Yunanıstana məxsus olan və ölkə paytaxtı Afinadan 270 dəniz mili aralıda, Egey dənizində yerləşən ada. Adanın ərazisi 1398 km²-dir. Böyüklüyünə görə Rodos adası Yunanıstan adaları arasında 4-cü yeri tutur. Adanın əhalisinin sayı 125 000 nəfərdir. Rodosun iqlimi Aralıq dənizi hövzəsi iqliminə uyğun olaraq mülayimdir. İlin 300 günü günəşli olur. Adanın uzunluğu 78 km, eni isə 38 kim-dir. Sahillərini qərbdən Egey dənizinin, şərqdən Aralıq dənizinin suları yuyur. Egey dənizinin yuduğu sahil ərazilərdə bitki örtüyü daha zəngindir. Rodos Yunanıstanın ən əsas turizm mərkəzlərindən biridir.

Adanın inzibati mərkəzi şimal-şərqdə yerləşən Rodos şəhəridir.

Tarixi[redaktə]

  • Adaya xaçpərəstliyi Həvari Pavel gətirib.
  • 395-ci ildə Rodos Bizans İmperiyasının tərkibinə daxil olub.
  • Müsəlmanlar adanı ilk dəfə 672-ci ildə işğal ediblər.
  • İmperator I Aleksey Komnin adanı yenidən Bizans İmperiyasının tərkibinə qatıb.
  • 1309-cu ildə ada Malta ordeninin qospitalyerləri tərəfindən işğal edilib.
  • 1444-cü ildə misirlilərin, 1480-ci ildə isə II Mehmetin hücumlarına tab gətirib.
  • 1522-ci ildə Sultan Süleyman adanı ələ keçirib və Osmanlı İmperiyasının tərkibinə qatıb.
  • 1912-ci ilə İtaliya-Osmanlı müharibəsinin nəticəsində İtaliya adanı ələ keçirib.
  • 1948-ci ildə ada Yunanıstana birləşdirilib.