Roma-German muzeyi

Vikipediya, açıq ensiklopediya
Keçid et: naviqasiya, axtar
Roma-German muzeyi
alm. Römisch-Germanisches Museum
Roma-German arxeoloji muzeyi
Roma-German arxeoloji muzeyi
Növü Arxeoloji
Tarixi 1946
yeni bina: 1974
Yeri alm. Roncalliplatz 4, 50667 Köln,
Flag of Germany.svg Almaniya
Direktoru Dr. Marcus Trier
Yetışmək U 5 U 16 U 18; Db-schild.svg Köln vağzalı
Telefon 0221-221/2 44 38, 0221-221/2 45 90
İş vaxtı Çərşənbə axşamı - Bazar 10:00 - 17:00;
hər ayın ilk Cümə axşamı 10:00-22:00
Bilet 10,5 €
Römisch-Germanisches Museum


Xəritədə yeri

Roma-German muzeyi is located in Köln
Roma-German muzeyi
Roma-German

Roma-German muzeyi (alm. Römisch-Germanisches Museum) Almaniyanın Köln şəhərində yerləşən paleolit dövründən başlamış erkən orta əsrləri əhatə edən nadir eksponatlarla zəngin arxeoloji muzey. Roma-German muzeyi 1946 cı ildə iki şöbə (roma və frank epoxaları) əsasında yaradılmışdır. Roma şöbəsinin bu günkü tərtibatı 1974 cü ilin martından başlanğıc götürür. Ən qiymətli eksponatı muzeyin alt mərtəbəsində yerləşdirilmiş Dionis mozaykası kimi tanınan 1941 ci ildə Köln şəhərində aşkar olunan roma dövrünə aid döşəmə təsvirləridir. Ust mərtəbədəki döşəmə ətrafı eyvanlardan bu mozayik sənət əsərini yuxarıdan aşağı bütövlüklə seyr etmək mümkündür. Yuxarı mərtəbələrdə xronoloji və tematik prinsip əsasında imperator Avqustun zamanına, şəhərin Roma imperiyasının Reyn limanı sayıldığı dövrə aid, eləcə də imperator Konstantin tərəfindən Reyn çayı üzərində saldırılmış taxta körpü və Roma yaşayış məskəni olmuş bir zamanlar çayın sol sahildə yerləşmiş Divitiya ərazisindən tapılmış eksponatlar nümayiş olunur. Muzeyin eksponatlarına Roma dövrünə aid şəhər qala divarlarının qalıqları da aiddirlər.

Dionis mozayik döşəməsinin yerləşdiyi mərtəbədə eyni zamanda yeni eranın I—IV əsrlərinə aid Qədim Roma şəhərinə xas və aid olan məişət əşyaları nümayiş etdirilir. Üst qatlardakı kolleksiyaya Köln regionunda ilk insan məskəninə, paleolit, tunc və dəmir dövrlərə aid tapıntılar, xüsusən ümumavropa əhəmiyyətli Köln-Lindental rayonunda tapılmış, Liney-lento mədəniyyətinə aid dulusçuluq nümunələri və qalıqları daxildirlər.

Dionis mozaykası[redaktə]

Eramızın III əsrinə aid Roma dövrünə xarakterik yemək otağının döşəməsində mozayik üslubda işlənilmiş tablodur. Təsvirin ölçüləri 10,57 x 7 m-dir (30x20 Roma ayaq ölçüsü). Tabloda 1-2 milyon 1sm² ölçüsündə olan mozayik daşlardan istifadə olunmuşdur. Əsərdə şərab, bərəkət və teatr tanrısı olan Dionis və onunla əlaqəli məclislərin təsvirləri daha çanlı şəkildə əks olunmuşdur. Mozayik tabloda Dionisdən əlavə digər mifik tanrı və personajlara da yer verilmişdir. Roma dövründə bu cür rəsm və təsvirlərdən yemək və ziyafət otaqlarının bəzədilməsində geniş istifadə olunmuşdur.

Dionis mozaykası, döşəmə təsvirləri

Filosoflar mozaykası[redaktə]

"Filosoflar mozaykası" 1844 cü ildə ictimayi hospitalın bağça sahəsində tapılmışdır. Tablonun xarakteri onun yarandığı dövrdə zadəgən şəhər əhalisinin yüksək zövq və keyfiyyətlərə malik olduğuna dəlalət edir. Döşəmə mozayik tablonun uzunluğu 7,06 m, eni 6,80 m-dir. Mozayik tabloda filosoflar: Aristotel, Sokrat, Diogen, Kleobul təsvir edilmişlər. Əsərin Muzeydəki inventar nımrəsi M 1-dir.

"Filosoflar mozaykası" döşəmə təsvirləri

"Filosoflar mozaykası" döşəməli otağın divar təsvirləri

Digər eksponatlar[redaktə]

Antik tibbi alətlər

Publisiusun məzar daşı[redaktə]

14,70 m hündürlüyə malik Roma legioneri Lusius Publisiusa məxsus məzar daşı demək olar ki muzüyin ən nəhəng eksponatı sayılır. Eksponat vaxtı ilə eramızın 40 cı ilinə aid olub Kıln və Bonn arası "Roma küçəsində" indiki Xlodviq meydanında edukula üslubunda ucaldılmışdır. Məzar daşının postamentinin fasad hissəsində tikdirən və onun ailə vəziyyəti haqqında məlumat verən yazı yerləşir. Nəhəng postament üzərində Roma dövrünə xas 4 sütundan ibarət psevdoportal yerləşir. Mərkəzdə iki sütun arasında Lusius Publisiusun heykəli qoyulmuşdur. Məzar daşı üzərindəki yazıların bir neçə oxunuş variantı mövcuddur. Bu oxunuş variantları hələ də mübahisı mövzusu olaraq qalmaqdadırlar.[1][2] Hartmut Qalsterer tərəfindən təklif olunmuş oxunuş variantı:

L(ucio) Poblicio L(uci) f(ilio) Tere(tina tribu)
vetera(no) leg(ionis) V Alauda ex testamento
et P[a]ullae f(iliae) et vivis
[- - - coniugi]
[et L(ucio)? Poblicio - - - f(ilio)]
[et libertis]
[L(ucio) Poblici]o Modesto L(ucio) P[oblicio - - -].
[H(oc)] m(onumentum) h(eredem) [n(on) s(equetur)]
Tərcümə:
Lusiusun oğlundan,
Teratina seçki dairəsindən,
V legion Alauda veteranı,
Lusius Publisius üçün,
onun vəsiyyətilə tikdirilmişdir.
Və qızı və sağ olanlar (arvadı və oğlu və azad olanlar - - -)
Modestus və Lusius Publisius - - - .
Bu məzar varislərə verilmir.
Lusius Publisiusun məzar daşı

Digər məzar daşları[redaktə]

Məzarüstü süvari təsvirləri

Dardaner nəslindən Attinin oğlu suvari Lusius Romanusun vəsiyyəti ilə (E. 80/90.cı illər)
Roma dövrünə aid süvarinin məzar daşı (I əsrə aid)

Roma imperatorları[redaktə]

Muzeyin qiymətli eksponatlarına Roma imperatorlarına məxsus büst və heykəllər daxildir.

İmperator ailə mənsubları

Digər eksponatlar

Roma dövrünə aid məzarüstü məbəd
Nero Sezar Avqusta məxsus daşüstü yazı

Digər eksponatlar

Roma dövrünə aid azaqqabı
Şüşə ayaqqabı formasında ətir qabı
Roma dövrünə, e. II əsrinə aid gəzinti və ya səyahət arabası

İstinadlar[redaktə]

  1. Es wurde 1 Datensatz gefunden. (alm.)
  2. Greta Wolff: Das Römisch-Germanische Köln. 6. überarbeitete Auflage. J. P. Bachem Verlag, Köln 2005, ISBN 3-7616-1370-9, S. 22. (alm.)