Süleyman Əliyev
| Süleyman Əliyev | |
| Süleyman Hüseyn oğlu Əliyev | |
 |
|
| Doğum tarixi: | 3 sentyabr 1988-ci il |
|---|---|
| Doğum yeri: | Qaçağan, Marneuli rayonu,  Gürcüstan SSR |
| Fəaliyyəti: |  Gürcüstan Türkləri Konfederasiyası Ali Şurasının sədri |
Süleyman Əliyev (d.3 sentyabr 1988, Gürcüstan SSR) - Gürcüstan ictimai-siaysi xadimi, Gürcüstan Türkləri Konfederasiyası Ali Şurasının Sədri. Gürcüstan Azərbaycanlılarının Milli Assambleyasının Prezidenti
[redaktə] Həyatı
Süleyman Hüseyn oğlu Əliyev 3 sentyabr 1988-ci ildə Gürcüstan SSR Marneuli rayonunun Qaçağan kəndində anadan olub.
1994-cü daxil olduğu M.H.Mollayev adına Qaçağan 1 saylı orta məktəbini 2005-ci ildə başa vurub.
2008-ci Ə.Topçubaşov adına Ali Siyasi Məktəbdə (ASM) "İdarəetmənin təşkili" kursunu bitirib.
2005-ci ildə Bakıda, Azərbaycan Beynəlxalq Universitetinə qəbul olunub və 2009-cu ildə həmin universiteti gömrük işinin təşkili ixtisası üzrə başa vurub.
Azərbaycan, türk, rus, ingilis və gürcü dillərində sərbəst danışır.
Gənc yaşlarından Gürcüstanda ictimai-siyasi proseslərə qoşulub. 2004-cü ildə Gürcüstan Azərbaycanlılarının Milli Assambleyasının (GAMA) üzvlüyünə daxil olub və bu təşkilatın Gürcüstanda insan hüquları uğrunda apardığı mübarizəsində yaxından iştirak edib. 2005-2009-ci illərdə Gürcüstan Azərbaycanlıları Milli Assambleyasının Ali Məclisinin katibi vəzifəsini icra edib. 2009-cu il 1 martından Gürcüstan Azərbaycanlılarının Milli Assambleyasının Təşkilati məsələlər üzrə Katibi vəzifəsini tutur. 2 noyabr 2011-ci ildə Gürcüstan Türkləri Konfederasiyasının Gəncədə keçirilən Təsis Qurultayının Sədri seçilmiş və Qurultaya sədrlik etmişdir. 2 noyabr 2011-ci ildə Gürcüstan Türkləri Konfederasiyası Ali Şurasının üzvü seçilib. 30 noyabr 2011-ci il tarixdə Gürcüstan Türkləri KonfederasiyasıAli Şurasının birinci iclasında Konfederasiya Ali Şurasının ilk Sədri seçilib. 2007-ci ildən Gürcüstan Azərbaycanlılarının Milli Assambleyası Ali Məclisinin üzvü, 2009-cu ildən isə Böyük Birlik Təşkilatının Sədr müavinidir və İdarə Heyətinin üzvüdür.
