Sərdar Cəlaloğlu
Vikipediya, açıq ensiklopediya
| Sərdar Cəlaloğlu | |
 |
|
| Doğum tarixi: | 3 iyun 1954-cü il |
|---|---|
| Doğum yeri: | Cəhri, Babək, Naxçıvan MR,  Azərbaycan SSR |
Sərdar Cəlaloğlu — siyasətçi
Mündəricat |
[redaktə] Həyatı
Sərdar Cəlal oğlu Məmmədov) 03 iyun 1954-cü ildə Naxçıvan Muxtar Respublikası Babək rayon Cəhri kəndində ziyalı ailəsində anadan olub.
- 1960-70-ci illərdə orta təsilini Ordubad və Bakı şəhərlərində alıb;
- 1970-1977-ci illərdə Azərbaycan Tibb Universitetində ali tibb təhsili alıb. İxtisasca məhkəmə-tibb ekspertidir;
- 1988-1990-cı illərdə Naxçıvan Xalq Cəbhəsinin təsisçilərindən biri və İdarə Heyətinin üzvü olub;
- 26 yanvar 1991-ci ildə təsis edilmiş Azərbaycan Demokrat Partiyasının təşəbbüs qurupunun rəhbəri və təsisçilərindən biri;
- 1991-94-ci illərdə Azərbaycan Demokrat Partiyası (ADP) təşkilat komütəsinin sədri;
- 1994-96-cı illərdə Azərbaycan Demokrat Partiyasının (ADP) ilk sədri;
- 1996-2005-ci illərdə Azərbaycan Demokrat Partiyasının baş katibi olub;
- 2005-2007-ci illərdə Azərbaycan Demokrat Partiyası sədrinin I müavini olub;
- 2007-ci ildə Azərbaycan Demokrat Partiyası 9-cu qurultayındada yekdilliklə sədr seçilmişdir;
- 2008-ci ildə Azərbaycan Demokrat Partiyası tərəfindən 2008-ci il Azərbaycan Prezident seçkilərinə namizədliyi irəli sürülmüşdür.;
- Haray və Hürriyyət qəzetinin və "Oyanış" dərgisinin təsisçisi olub;
- Fəlsəfəyə, qlobalizasiyaya və tibbi etnoqrafiyaya aid monoqrafiyaların və yüzlərlə elmi-fəlsəfi məqalənin müəllifidir;
- Siyasi fəaliyyətinə görə, 3 dəfə qısa müddətli həbs olunub. Sonuncu dəfə 2003-cü il prezident seçkilərindən sonra qeyri-qanuni olaraq 4 il 6 ay müddətinə həbs edilib və Avropa Şurası tərəfindən siyasi məhbus kimi tanınaraq azadlığa buraxılıb, 1999-cu ildə hakimiyyət qüvvələrinin sifarişi ilə həyatına qəsd olunub, nəticədə ağır kəllə-beyin travması alıb;
- Bir neçə kitabın müəllifidir, "İlahi siyasət-Tərəqqinin fəlsəfəsi" adlı 3 ciliddən ibarət yeni elmi-fəlsəfi əsəri çapa hazırlanmışdır;
- Evlidir. Üç oğlu bir qızı var.
[redaktə] Həbsi
Sərdar Cəlaloğlu 2003-cü ilin prezident seçkisindən sonra keçirilən etiraz aksiyaları zamanı həbs edilib. O, Ağır Cinayətlərə Dair İşlər üzrə Məhkəmənin hökmü ilə 4 il 6 ay həbs cəzası alıb, 2005-ci ildə əfv olunub. Sərdar Cəlaloğlu həbs olunduğu zaman işgəncəyə məruz qalması iddiası ilə Avropa Məhkəməsinə müraciət edib. Məhkəmədə işgəncə hallarının araşdırılmadığı qənaətinə gələn Avropa İnsan Hüquqları Məhkəməsi 2007-ci il yanvarın 11-də 10 min avro kompensasiya ödənilməsi ilə bağlı qərar verib[1].
[redaktə] Əsərləri
- „Mahiyyət" - fəlsəfi traktat əsər
- „Azadliğa məhkumuq" - siyasi-publistik məqalələr toplusu
- „İnsanlar və adamlar" – fəlsəfi kəlamlar
- „Türkəçarə" - tibbi-etnoqrafik əsər
- "İlahi siyasət-Tərəqqinin fəlsəfəsi" – elmi-fəlsəfi triologiya
