Sərvər İbrahimov

Vikipediya, azad ensiklopediya
Naviqasiyaya keçin Axtarışa keçin
Sərvər İbrahimov
Ümumi məlumatlar
Doğum tarixi 13 fevral 1930(1930-02-13)
Doğum yeri
Vəfat tarixi 7 may 2002(2002-05-07) (72 yaşında)
Vəfat yeri
Musiqiçi məlumatları
Fəaliyyəti musiqiçi, pedaqoq
Fəaliyyət illəri 1946-cı ildən
Musiqi aləti tar
Mükafatları "Azərbaycan Respublikasının əməkdar artisti" fəxri adı — 2000

Sərvər Rza oğlu İbrahimov (13 fevral 1930, Şuşa, DQMV7 may 2002, Bakı) — Azərbaycan tarzəni, Azərbaycan Respublikasının əməkdar artisti (2000).

Həyatı[redaktə | mənbəni redaktə et]

Sərvər Rza oğlu İbrahimov 13 fevral 1930-cu ildə Şuşa şəhərində anadan olmuşdur. 1944–1950-ci illərdə Azərbaycan Dövlət Musiqi Məktəbində təhsil almışdır. Əhməd Bakıxanov, Mirzə Mansurdan dərs almışdır.[1]

Sərvər İbrahimov 1946–1955-ci illərdə Azərbaycan Dövlət Filarmoniyasının, 1955–1964-cü illərdə isə Azərbaycan Dövlət Mahnı və Rəqs Ansamblının solisti olmuşdur.[1] 1978–1988-ci illərdə "Azkonsert" Qastrol-Konsert Birliyində çalışmışdır. Bir çox xanəndələri, o cümlədən Xan Şuşinskini müşayiət etmişdir.[2]

1985–2002-ci illərdə Sərvər İbrahimov Bülbül adına Orta İxtisas Musiqi Məktəbində pedaqoji fəaliyyət göstərmişdir.[2] 28 oktyabr 2000-ci ildə ona "Azərbaycan Respublikasının əməkdar artisti" fəxri adı verilmişdir.[3]

Sərvər İbrahimov 7 may 2002-ci ildə Bakı şəhərində vəfat etmişdir.[1]

İstinadlar[redaktə | mənbəni redaktə et]

  1. 1,0 1,1 1,2 İbrahimov Sərvər Rza oğlu // Muğam ensiklopediyası. Bakı. 2008. S. 93.
  2. 2,0 2,1 Ибрагимов Сарвар Рза оглу // Енциклопедия азербайджанского мугама (rus). Баку: Шарг-Гарб. 2012. С. 118.
  3. "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezi̇denti̇ni̇n Fərmanı". e-qanun.az. 28 oktyabr 2000. 26 sentyabr 2022 tarixində arxivləşdirilib. İstifadə tarixi: 26 sentyabr 2022.

Xarici keçidlər[redaktə | mənbəni redaktə et]