Sentrokaspi Diktaturası (rus. Диктатура Центрокаспия) - 1 avqust 1918-ci ildə Bakı şəhərində daşnaklar və menşeviklər tərəfindən qurulmuş tanınmamış dövlət. Sentrokaspi Diktaturası ingilislərin bir başa dəstəyi ilə qurulmuşdur. Yerli xalqdan dəstək ala bilməməsi, diktatura rejimini zəiflətmişdir. Azərbaycan Demokratik Respublikası və Qafqaz İslam Ordusunun yekun hücumlarından sonra, ingilislər Bakıda qalmağın mümkün olmaması haqqında, mərkəzə məlumat vermişdilər. 1918-ci il 15 sentyabr tarixində Bakı döyüşü nəticəsində Sentrokaspi Diktaturası məğlub olmuş və Bakı şəhəri Azərbaycan Demokratik Respublikasının nəzarəti altına keçmişdir.
