Sergey Raxmaninov

Vikipediya, açıq ensiklopediya
Keçid et: naviqasiya, axtar
Sergey Raxmaninov
Sergei Rachmaninoff LOC 33969u.jpg
Ümumi məlumatlar
Doğum adı Sergey Vasilyeviç Raxmaninov
Doğum tarixi 20 mart 1873(1873-03-20)
Novqorod, Rusiya
Vəfatı 28 mart 1943 (70 yaşında)
Beverli-Hillz, ABŞ
Peşələri bəstəkar
pianoçu
dirijor

Sergey Vasilyeviç Raxmaninov (1873-1943) — məşhur rus bəstəkarı, pianoçusu və dirijoru.

Həyatı[redaktə]

Dahi bəstəkar, pianoçu və dirijor Sergey Raxmaninov (1873-1943) həyat və yaradıcılıq yolunu Rusiyada başlamış, ABŞ-da başa vurmuşdur. 1918-ci ildə artıq geniş tanınmış bəstəkar, Oktyabr inqilabının ideyaları ilə razı olmadığına görə Vətənini əbədi tərk etməli olur. Lakin Raxmaninov Rusiyanın ruhunu, doğma rus musiqisinin təravətini sanki özü ilə okeanın o tayına aparır və mühacirətdə yaratdığı əsərlərinə aşılayır. İkinci Dünya müharibəsi illərində isə o, faşizmlə amansız mübarizə aparan Vətəninə yardım göstərmək məqsədilə ABŞ-da silsilə konsertlər verir və yığılan bütün pulu Sovet Ordusunun fonduna keçirir.

Raxmaninovu çox vaxt «gecikmiş romantik» adlandırırlar. Doğrudan da, müasir musiqinin ən radikal yeniləşmə meyllərindən tamamilə uzaq olan bəstəkar əsərlərində daha çox romantik dövrdən miras qalan ifadə vasitələrinə istinad edir. Raxmaninov musiqisinin həyəcanlı, səmimi xarakteri də onun romantik əhval-ruhiyyəsindən doğur. Raxmaninov dünya musiqisinin ən gözəl lirik bəstəkarlarındandır. Yaratdığı işıqlı, nikbin və ya çılğın, dramatik, hətta faciəvi obrazlar insan qəlbinin ən incə tellərinə toxunur. Raxmaninov rus təbiətinin, rus tarixinin gözəl tərənnümçüsüdür. Eyni zamanda, onun əsərlərində Şərq obrazları da geniş yer tutur.

İstinadlar[redaktə]

Həmçinin bax[redaktə]

Xarici keçidlər[redaktə]