Sevil Əliyeva

Sevil Əliyeva Sevil Heydər qızı Əliyeva
Ümumi məlumatlar
Doğum tarixi	12 oktyabr 1955-ci il (1955-10-12) Bakı, Azərbaycan SSR
Peşəsi	Bəstəkar

Əliyeva Sevil Heydər qızı — "Sevil" Qadınlar Məclisinin sədri, "SOS" Uşaq Kəndləri - Azərbaycan Assosiasiyasının fəxri prezidenti, Bəstəkar, Space Televiziyasının qurucusudur. Londonda yaşayır.

Həyatı

Sevil Əliyeva 1955-ci il oktyabrın 12-də Bakıda anadan olmuşdur. 1961-1971-ci illərdə orta məktəbdə, eyni zamanda musiqi məktəbində təhsil almışdır.

1971-1977-ci illərdə Azərbaycan Dövlət Universitetinin şərqşünaslıq fakultəsini ərəb dili şöbəsində təhsilini davam etdirmişdir.

1977-1980-cı illərdə Moskva SSRİ Elmlər Akademiyası Şərqşünaslıq İnstitutunun aspiranturasında oxumuşdur.

1981-ci ildə elmi tədqiqatını uğurla başa çatdırıb namizədlik dissertasiyası müdafiə etmişdir. Tarix elmləri namizədidir.

1981-1986-cı illərdə SSRİ Elmlər Akademiyası Şərqşünaslıq İnstitutunun elmi əməkdaşı olmuşdur.

1986-cı ildən musiqi sahəsində fəaliyyətini davam etdirir.

Ailəlidir, 3 övladı var.

• Keçmiş prezident Heydər Əliyevin qızıdır.
• Zərifə Əliyevanın qızıdır.
• Əziz Əliyevin nəvəsidir.
• Prezident İlham Əliyevin bacısıdır.

Filmoqrafiya

1. Ömür və tale. V film (film, 1998)
2. Heydər Əliyev. Üçüncü film. Moskva. Kreml (film, 1999)
3. Əliyevin əli (film, 2000)
4. Heydər Əliyev. Beşinci film. Tale (film, 2000)-Arxiv kadrlar (şəkil) (Qısametrajlı Sənədli-Bədii Film)
5. Sabaha inamla. I film (film, 2001)
6. Sabaha inamla. II film (film, 2001)
7. Sabaha inamla. III film (film, 2002)
8. Azərbaycan naminə (film, 2005)-Arxiv kadrlar (şəkil) (Qısametrajlı Sənədli Televiziya Filmi)
9. Əbədiyyət elçisi (film, 2005)-Arxiv kadrlar (Sənədli Serial)
10. Böyük ömrün anları (film, 2006)-Arxiv kadrlar (Tammetrajlı Sənədli Televiziya Filmi)
11. Bakı bağları. Zirə (film, 2007)-Musiqisindən İstifadə edilən Bəstəkar kimi ("Ana" mahnısının musiqisi) (Qısametrajlı Sənədli Televiziya Filmi)
12. Əbədiyyət (veriliş, 2007)-Arxiv kadrlar (Silsilə Televiziya Verilişi)
13. Mənə inanın! (film, 2007)-Arxiv kadrlar (Tammetrajlı Sənədli Televiziya Filmi)
14. Liderlik missiyası. 1-ci hissə (film, 2008)
15. Ömür və Tale. I Film (film)
16. Ömür və Tale. II Film (film)
17. Ömür və Tale. III Film (film)
18. Ömür və Tale. IV Film (film)
19. Xilaskar. III Film (film)-Arxiv kadrlar (Tammetrajlı Sənədli Televiziya Filmi)