Sonic the Hedgehog (16-bit)

Vikipediya, azad ensiklopediya
Naviqasiyaya keçin Axtarışa keçin
Sonic the Hedgehog
Yayımlayanlar Sega
Seriya Sonic the Hedgehog
Buraxılış tarixi Mega Drive/Genesis
ABŞ 23 iyun 1991
Kanada 23 iyun 1991
23 iyun 1991
Avstraliya 23 iyun 1991
Yaponiya 26 iyul 1991
Game Boy Advance
ABŞ 26 noyabr 2006
Virtual Console
ABŞ 19 noyabr 2006
2 dekabr 2006
Yaponiya 7 dekabr 2006
XBLA
11 iyul 2007
Janr platform oyunu
Proqramçı Yuci Naka
Rəssam Naoto Oşima
Texniki məlumat
Platformalar Sega Mega Drive[1][2]
Game Boy Advance
Android
PlayStation 2
PlayStation 3
PlayStation Portable
Microsoft Windows
Oyun rejimi birnəfərli oyun[3]
İnterfeysin dili ingilis dili
Daşıyıcı oyun kartrici[d], rəqəmsal distribusiya, rəqəmsal yükləmə[d]
İdarəetmə geympad, kompüter klaviaturası, kompüter siçanı, sensor ekran
Vikianbarın loqosu Vikianbarda əlaqəli mediafayllar

Sonic the Hedgehog (16-bit) (yap. ソニック・ザ・ヘッジホッグ Sonikku dza Xedzixoqqu, azərb. Kirpi Sonik‎)[4] — "Sonic Team" oyun kompaniyası tərəfindən 1991-ci ildə yaradılan, macəra oyunudur. İlk dəfə Şimali AmerikaAvropada 23 iyun 1991-ci l tarixində istehsal edilmişdi. Yaponiyada isə həmin ilin 26 iyul tarixində buraxılmışdı. Bu versiyada çoxlu sayda qrafikaların düzəlişi edilmişdi.[5]

"Sonic the Hedgehog" videooyunu tənqidçilər tərəfindən müsbət rəy qazanmışdır. Videooyunun istehsalı kommersiya cəhətdən müvəffəqiyyət əldə etmişdir. Bu isə oyunların hazırlanması ilə məşğul olan "Sega Mega Drive/Genesis" kompaniyasını məşhurlaşdırmış və "Kirpi Sonik" personajı bu kompaniyanın rəmzinə çevrilmişdi. Videooyunun məşhurluğu digər seriyaların yaradılmasına şərait yaratmışdı.

Hekayə[redaktə | mənbəni redaktə et]

Oyunun birinci seriyasında Kirpi Sonik (ing. Sonic) ilk dəfə olaraq Həkim Ayvo "Eqqman" (ing. Dr. Ivo Robotnik) Robotçu ilə üzləşir. Həkim Eqqman dünyanı ələ keçirmək üçün Sonikin dostlarını həbs edir və onlardan istifadə edərək, robotlarını bütün dünyaya yaymaq istəyir. Həmçinin, Həkim Eqqman "Haos Zümrüdləri"ni (ing. Chaos emeralds) ələ keçirməyə çalışır ki, öz qüdrətini daha da artıraraq dünyanı çox asan ələ keçirə bilsin. Bu səbəbdən Sonik öz dostlarını və dünyanı xilas etmək üçün ilk növbədə Eqqmanın robotları, sonda isə onun özü ilə mübarizə aparmalıdır. Hal-hazırda Sonik adadan çıxan yeganə sağ canlıdır. Adadakı bütün canlılar Eqqman tərəfindən ələ keçirilmişdir. Sonik dostlarını xilas etmək üçün 7 raunddan keçməlidir. Hər raundda Sonik "Üzüyə" bənzər xalları qazanmalıdır ki, məğlub olmasın. Raundlarda 50 xal qazandıqdan sonra xüsusi raunda düşərək bonus qazanır. Kirpi Sonikin kiçik boyuna baxmayaraq Eqqmanın qurduğu bütün çətinliklərinə üstün gələrək, adadan qaçırılan canlıları xilas etməyə başlayır. Oyunun sonuncu raundun başa çatmasından sonra Sonik Eqqmanın daxili laboratoriyasına hücum edir. Sonik və Eqqman üz-üzə gələrək mübarizə aparmağa başlayırlar. Həkim Eqqman Sonikə "Silindrik qutu" ilə transportasiya, yəni, həm yuxarıdan, həm də aşağıdan hücum edir. Bu zaman isə Kürəvi lazer şüaları meydana çıxır. Kürəvi lazer şüalardan qorunmaq üçün Sonik onların arasında dayanmalıdır. Mübarizənin çətin olmasına baxmayaraq Sonik Eqqmanın hücumlarını dəf edir və onu məğlub edir. Hekayənin sonunda Sonikin bütün dostları şənlik edirlər. Həkim Eqqman isə əsəbindən kartları sağa-sola fırlatmağa başlayır.

Oyun[redaktə | mənbəni redaktə et]

Sonic the Hedgehog videooyunu 2D qrafiki əsasında hazırlanmışdır. Süjetə görə Sonik ilk dəfə olaraq dünyanı ələ keçirməyə çalışan Həkim Robotçu ilə qarşılaşır. Həkim Robotçu bandik adlı robotlar hazırlamaq üçün müxtəlif heyvanlardan istifadə etməyə başlayır və qüdrətini artırmaq üçün Haos Zümrüdlərini əldə etməyə çalışır. Kirpi Sonik isə onun planlarını pozaraq, dostlarını xilas etmək niyyətindədir. Videooyunun əsas elementlərindən biri Sonikin qızıl üzüklər toplamasıdır. Bu üzüklər onu düşmənlərindən qoruyur. Üzüklərin sayı 100-ə çatarsa, Sonik can qazanır. Oyunçu rəngarəngli altı oyunu keçməlidir.

Raundlar Ad Tərcümə
1 Green Hill Zone azərb. Yaşıl Holm Zonası
2 Marble Zone azərb. Mərmər Zonası
3 Spring Yard Zone azərb. Tullanan Həyət Zonası
4 Labyrinth Zone azərb. Labirint Zonası
5 Star Light Zone azərb. Ulduz İşığı Zonası
6 Scrap Brain Zone azərb. Kəsik Beynin Zonası

Saundtrek[redaktə | mənbəni redaktə et]

"Sonic the Hedgehog" videooyununun bəstəkarı Masato Nakamuradır. Videooyunun musiqiləri "J-pop" janrında ifa edən Yaponiyanın musiqi qrupu olan "Dreams Come True" tərəfindən ifa edilir. Musiqilərdə səs effektlərinin keyfiyyətli olmasından ötrü "Yamaha" firması tərəfindən hazırlanan "Yamaha YM2612" və "Texas Instruments" firması tərəfindən hazırlanan "Texas Instruments SN76489" adlı səsgeneratoru olan mikrosxemlərdən istifadə olunmuşdu.[6] İlk dəfə "Sonic the Hedgehog" və "Sonic the Hedgehog 2" seriyalarının musiqi albomunun çıxış tarixi videooyunun 20 illiyində Yaponiyada 19 oktyabr 2011-ci ildə baş tutmuşdur.[7] Musiqi albomu "Sonic the Hedgehog 1&2 Sountrack" (yap. ソニック・ザ・ヘッジホッグ 1&2 サウンドトラック Sonikku dza Xedzixoqqu 1&2 Saundotorakku) adı altında "DCT Records" tərəfindən istehsal olunmuşdur. Birinci disk orijinal musiqiləri, ikinci disk isə orijinal musiqilərin demo versiyalarını ehtiva edir. Üçüncü diskdə isə "Dreams Come True" qrupu tərəfindən ifa edilən "Sweet Sweet Sweet" (azərb. Şirin, Şirin, Şirin‎) mahnısı vardır.[8] Bu mahnının ingiliscə versiyası "Şirin arzular" (ing. Sweet Dream) kimi səslənir və həmin ildə ABŞ ifaçısı "Akon" tərəfindən mahnının remiks forması ifa edilmişdir. "Sweet Sweet Sweet" mahnısı "Sonic the Hedgehog" oyununun sonunda səslənir.

"History of Sonic: Birth of an Icon" adlı sənədli filmdə Nakamura qeyd edir ki, bu trekləri videooyun kimi yox, film kimi bəstələmişdir. Lakin "Mega Drive/Genesis" konsolları yalnız 4-kartrayc səslə musiqiləri səsləndirirdilər. Bu səbəbdən Nakamura musiqilər üçün xüsusi səs effektləri hazırlamışdır. "Green Hill Zone"zonası üçün hazırlanan musiqi treki "ScrewAttack"[9] və "Computer and Video Games"[10] resenziyasına görə "Bütün videooyunların ən yaxşı musiqi treki" sayılır. Bu albomdan başqa videooyunda səslənən bir sıra kompozisiyalar "Sonic the Hedgehog 10th Anniversary (2001)" və "History of Sonic Music 20th Anniversary Edition (2011)" albomlarına daxil edilmişdi.

İstinadlar[redaktə | mənbəni redaktə et]

  1. Dobson, Jason. "Sonic The Hedgehog Celebrates 15th Anniversary". Gamasutra. Think Services. 2006-06-23. 2022-05-07 tarixində arxivləşdirilib. İstifadə tarixi: 2009-08-27.
  2. "Sonic the Hedgehog Releases". Giant Bomb. 2012-12-04 tarixində arxivləşdirilib. İstifadə tarixi: 2014-08-18.
  3. Steam. 2003.
  4. "Videooyunun birinci hissəsi olmasına baxmayaraq onun adını çox vaxt "Sonic the Hedgehog 1", və ya sadəcə qısa olaraq "Sonic 1" adlandırırlar". 2022-06-12 tarixində arxivləşdirilib. İstifadə tarixi: 2012-06-01.
  5. "Sonic the Hedgehog (16-bit)" (ingilis). Sonic Retro. 2012-02-17 tarixində arxivləşdirilib. İstifadə tarixi: 28 may 2010.
  6. Kemps, Heidi. "Sega's Yuji Naka Talks!". GameSpy. IGN. 2006-06-19 tarixində arxivləşdirilib. İstifadə tarixi: 2006-10-23.
  7. POCS-21032~4 Sonic the Hedgehog and Sonic the Hedgehog 2 soundtrack Arxivləşdirilib 2016-03-28 at the Wayback Machine Vgmdb.net sayında, Yoxlanılıb: 18 avqust 2014
  8. "Update Japanese Sonic 1&2 Soundtrack's Tracklist Revealed". Screw Attack at Game Revolution. 11 February 2011. 7 March 2016 tarixində arxivləşdirilib. İstifadə tarixi: 30 June 2013.
  9. "Top 10 Video Game Themes Ever". ScrewAttack (ingilis). GameTrailers. 17 октября 2008. 2012-06-03 tarixində arxivləşdirilib. İstifadə tarixi: 2012-05-09.
  10. Kelly, Andy. "Video game soundtracks: The 100 best themes of all time (Part 1)" (ingilis). Computer and Video Games. 28 апреля 2012. 2012-06-03 tarixində arxivləşdirilib. İstifadə tarixi: 2012-05-09.

Xarici keçidlər[redaktə | mənbəni redaktə et]